واثِقُ الخُطى مَلِكاً في قلبي(مكتملة)

الفصل الخامس والعشرون

الفصل الخامس والعشرون

................
اذا شعرت يوما انك يا قلبى حزين
واذا اعتدت ان تسمع منى الانين
الما وحزنا من جحود الاخرين
ويقينا منك انهم بجرحك عالمين
فلتبكى يا قلبى
............
واذا ذقت يا قلبى من غدر الزمان
وقيد خيالك ولم يترك له العنان
وملاتك الدنيا بكل ما فيها من احزان
فاتعبك الحزن وافتقدت الامان
فلتبكى يا قلبى
............
واذا رايت يا قلبى كره من حولك
وتركك الجميع ولم يسمع احد قوللك
ونسيت هذا وسامحت من ظلمك
فعاد ليؤلمك ويزيد من المك
فلتبكى يا قلبى
.............
ابكى يا قلبى ولا يراك الاخرون
فبكاءك يعذبك وينعم به الحاقدون
ياليت عينى التى تبكى ولكنه قلبى المطعون
........

‏ ‏ ***************

[عبدالرحمن]

فى الطريق كان مستمتع مع أريج أحلى حاجه فيها انها مبتسألش وطريقه رؤيتها للأمور كلها براءه وصريحه ولا لما قالت :عارف أنا حبيتك أنت أحسن من أخوك

__ضحك لما نزار مد أيده وحطها على وشها وزقها برفق لورا وقال :أقعدى عدل وأربطى الحزام ياللا ياشاطره

__صرخت : ليه شايفنى بيبببى أنا بعترض

__أنصدم لما سمع ضحكه أخوه اللى ميعرفش أخر مره سمعها أمتى وحتى أريج وقتها سكتت وصلوا لبيت جده ونزلوا لكن أعترضت طريق نزار قمر بلوحه كبيره مكتوب عليها (أمشى من هنا يانزار مش عايزينك فى الصعيد ) كل اللى عمله نزار أنه حركها بأيده ودخل البيت بخطوات واسعه ثابته جرت قمر وراه بغضب :أستنااااا لسااا فيه ورررق

__دخل معاهم وهومتضايق من شقاوه قمر وبعد ماتوتر الجو بسبب أدهم ووالدته خرج وعلى درجات سلم المدخل المكون من خمس درجات لقى غرام قاعده قعد جنبها ولمس شعرها بحنان :قمر عيب اللى عملتيه نزار أكبر مننا وانتى أهانتيه قدامنا

__فتحت بقها بصدمه وقالت بتهويل وأيديها بتتحرك فكل مكان :أنت ماشفتوش لما زقنى دا لو ماكنتش ثبت رجلى كويس كنت وقعت وانكسرت

__فضل باصصلها بصدمه وهى حست انها زودتها فغيرت الموضوع :المهم قولى أنت بتقابل الولا ماهر هناك أمانه أفتنلى عليه

__ :أفتنلك عليه ؟؟؟ .

__ :أه يعنى تقولى بيعرف بنات ولا مصاحب ولاد بيضربوا مخدرات عشان أفتن عليه لعمو

__هز راسه بيأس :ماهر محترم وراجل

__ :أوووف منك أصلآ هو المفروض ييجى تلات أيام فى الاسبوع لكن هو مجاش يبقى أتدهول على عينه وانحرف

__أتنهد بخفه ميعرفش ليه حاول يبعد الكلام عن ماهر فسأل : أنتى لسه منمتيش ليه اللى أعرفه انك بتنامى بدرى

__حركت أيدها بحماس :رحت عند عميي وكلمت ماهر وشتمته فى التليفون وعمى ضحك عليا وماهر حلف ليأدبنى