واثِقُ الخُطى مَلِكاً في قلبي(مكتملة)

الفصل الثاني عشر

البارت الثانى عشر

مُبلّلٌ.. مُبلّلٌ
قلبي ، كمنديل سَفَر
كطائرٍ..
ظلّ قروناً ضائعاً تحت المطرْ..
زجاجةٌ..
تدفعها الأمواجُ في بحر القَدَرْ
سفينةٌ مثقوبةٌ
تبحثُ عن خلاصِها،
تبحثُ عن شواطئٍ لا تُنْتَظرْ..
*
قلبيَ يا صديقتي!
مدينةٌ مغلقةٌ..
يخافُ أن يزورها ضوءُ القمَرْ
يضجرُ من ثيابه فيها الضجَرْ..
أعمدةٌ مكسورةٌ
أرصفةٌ مهجورةٌ
يغمرها الثلجُ وأوراقُ الشجَرْ..
قَبْلكِ يا صغيرتي..
جاءت إلى مدينتي
جحافلُ الفُرْسِ وأفواجُ التَتَرْ
وجاءها أكثرُ من مغامرٍ..
ثم انتحَرْ..
فحاذري أن تلمسي جدرانَها
وحاذري أن تقربي أوثانها
فكلّ من لامسَها..
صار حجرْ..
*
مدينتي..
مالكِ من مدينتي؟.
فليس في ساحاتِها..
سوى الذُباب والحُفَرْ..
وليس في حياتها
سوى رفيقٍ واحدٍ.
هو الضَجَرْ.. الشاعر(نزار قبانى) **************** [ موسى ] الماضى _.....:منصصصور رد عليا ياخوى __فتح عينه منصور بألم :متصرخش فى ودنى عاد معرفش أموت منك هزه بصدمه وقال :منصور انت عايش صح رجع غمض عينه وهمس بوجع:مش منصور صقراللى تجتله حته حديده _حضنه بفرحه صحيح هدومه غرقانه دم لكن أكيد هيعيش منصور ارادته قويه رفعه عشان يسعفه لكن منصور رفض حد يشيله وسند عليه قضى اليوم فى المستشفى مع أخوه بعد ماطلعوا الرصاصه من كتفه لمافاق منصور أصر انه يخرج هو ده منصور صعب وراسه حجر خرجوا وعرف قرارات والده بتأجيل العزا بعد الثآروعرف ان عيله صقر أقتحموا بيوت الحكايمه لكن طه الحكيم وعياله أختفوا قرب من والده يعزيه لكن سبقته أيد والده اللى رفعها يصده:بعد عنى ياولدى لساته الجلب شايل عليك __ مشى من قدامه داخل البيت عنده حق هو كان السبب فى موت عمه أبو حياه قابلته والدته سألها عن حياه وقالت اللى زود همه مخرجتش م الاوضه ولا نزلت منها دمعه طلع لأوضته فتح الباب كانت قاعده ع السرير معرفش حتى المفروض يرجع ولا يدخل قال بألم:ندمتى وجلبك شايل عليا كيه أبوى __مردتش واضح انه اللوم بقى عليه بس كان المفروض يسيبها لطه يعنى لف يبعد عنها هى كمان .........:عياخدوك منى ياموسى (لف عليها بسرعه)عيجتلوك كيه ماجتلوا أبوى __مشى ليها قعد جنبها ولف أيده حوالين كتفها سندت راسها لكتفه وعيضت بوجع فضلت أكتر من نص ساعه تقوله مخافوها وهى بتعيض حزنها على والدها وخوفها عليه روت كتفه بدموعها ودى كانت أول مره يشوف دموعها لما هدت بعدها ومسك وشها بأيده : التآر لينا مش علينا وحتى لومت كونى حياه اللى عارفها كونى جويه قالت برفض:أجوى على كل شى الا فراجك *************** [عبدالرحمن] أخدت كيس كبير وكل حاجه تقابلها تحطها فيه ملت الكيس لاخره حاسب ومسك ايدها ومشوا وهى بتمرجح الكيس بأيدها التانيه والفرحه بتشع من عينها فجأه وقفت وكشرت رفعت صباعها وهمست:ده ماهر ابن عمى __بص مكان ما شاورت لقى شاب نظراته حاده متجهه ليهم أستغرب كان فاكر ان ماهر ده طفل لكن فيه شاب فى سنه معقد كده وصلهم وقال بلهجه صعيديه:مش جلتلك لو طلعتى عكسر رجلك __قال بهدوء:يا أخ ماهر قمر طفله حرام نعقدهااامن دلوقتى __ماهر باستنكار:قمر طفله __حطت أيدها فى وسطها :شايفنى بمشى بعكاز ولا أيه __ماهر شاور عليها وكأنه لقى اثبات:شفت دى طفلللللله __أبتسم وقال:معلش هى بس بتدلع عليك __أبتسم ماهر ومد أيده سلم عليه واتعرفوا على بعض ماهر أكبر منه بسنه وداخل تانيه تجاره عين شمس وواضح انه شخص لطيف غير الشيطان اللى صورته قمر وأتكلم معاه بلهجه قاهريه غيرالصعيديه اللى بدأ بيها كلامه وقمر واضح انها متضايقه من صداقتهم مدت أيدها لماهر بكانز أخدها وابتسم لها وهو بيفتحها فارت فى وشه وهدومه طلعته لسانها وجرت ضحك من قلبه عليهم رش ماهر عليه باقى العلبه بغيظ وقال:عشان تضحك بنفس __ضحك وبعد عن ماهر:حرام عليك البنت وشها باظ من ضربك ليها __مسح ماهر وشه وقال بجديه :والله ما عمرى ضربتها __قال باستغراب :ازاى دى وشها فيه كدمات زرقاااااا __ضحك ماهر وضربه على كتفه:يا طيب دى حركات الطفله قمر زى مابتقول ************** [أدم] وصل للمكان اللى وصفتهوله لما شاف عربيته انقهر كله ولا عربيته صح الخبطه خفيفه لكن العربيه أتجرحت قربت منه أروى وهى بتعيض وكأنها لقت الخلاص :آددم هيودونى المركز __هو اللى هيوديها فى داهيه عاللى حصل للعربيه أتماسك وقالها ببرود:طيب أسكتى __قرب منهم شخص طخين وواضح انه هو صاحب العربيه اللى باظت من قدام دى قال:هاااا جه اللى مستنياه __رفع حاجب بهدوء :كلامك معايا وأيوه أنا اللى مستنياه حصل أيه __قال وخدوده بتتهز م الانفعال:زى مانت شايف الانسه فرملت من غير أى اشاره وانا لبست فيها __هز راسه الموضوع محتاج كاس الراجل ده غلس جدا طلع كارت من جيبه ومده للراجل:هات عربيتك للمركز وتصليحها علينا __الغلس:لا أسمحلى انا هضمن حقى بالشرطه __قال بلا مبالاه :طيب انا هاخد عربيتى وخليك معاها وابقى قابلنى لوطلعت بحاجه __ أتقدمت ومسكت دراعه :آدددم __بصلها بسخريه من شويه كانت هتموت لما لمس أيدها قال:بلا أدم بلازفت أنتى اصلا لاقيه تاكلى عشان أديكى عربيه زى دى تمنها فوق النص مليون بس انا الغلطان __بصتله بصدمه وعيونها دمعت وبعدت عنه كمل:وياللا هاتى المفاتيح وخليكى مع الراجل الطيب ده __قال الغلس:خلاص يابنى هات الكارت بس متأكد ان التصليح عليك __أبتسم بسخريه الراجل ده طماع لما شاف أروى راكبه عربيه زى دى قال بس جه الفرج وطبعآ فكر لما يقدم بلاغ أهلها هيدفعوله أى مبلغ عشان كده قالها انتى لاقيه تاكلى خلص مع الراجل لف ومشافش أروى وراه سند ع العربيه وطلع موبايله رن عليها مردتش عقد حواجبه جاتله رساله منها نصها(سورى يا أدم بس تصليح عربيتك والعربيه التانيه عليا انا عندى فلوس انت فاهم غلط) _رمى الموبايل فى العربيه وبص للعربيه بحزن مش كان أحسن لو سابها تركب تاكسى لازم الشهامه تاخده يعنى ************** [أريج] عارفين الشعور لما أيد تمنع عنك التنفس هى بقى نفسها توقف وقلبها حسته بيحاول يخرج من قفصه ولاااا فى أقصى أحلامها تخيلت شكله كده متفكروش انه عينه ملونه أو شعره أصفر لاااا ده ملامحه عربيه جدآ عيونه واسعه سوداااااا حاده شعره بنى غامق قصير بيلمع ومرفوع بتسريحه أنيقه عنده ذقن خفيفه جذااااااب جدآ توقعته زى أى مجرم يااما مشوه أوشعره ابيض ودقنه منكوشه وطويله كانت قريبه منه جدآ وصدمتها اكيد واضحه رجعت رجلها لورا وقبل ماترجع التانيه مسك أيدها ووقف وفرد أيده على ظهرها قال:أيه رأيك __بتكره الجو المشحون فقالت بمرح:هشام مش قرد أوى _عقد حواجبه وبأصرار: المهم انه قرررد __غبيييه عبيييطه دايمآ تحب تغامر وهى اللى تدفع التمن كان لازم تعانده قالت بشقاوه: أيه رأيك تعتبرنى مشفتكش وأنا أعتبرك مخطفتنيش _سحب أيده من ظهرها :كلمتى __كملت بيأس:يمين مبترجعش فيها __ساب أيدها وطلع سيجاره وولعها وقال:حلو انك فاكره (كشرت وفعلا حست انها عايزه تعيض وبالذات لما قال بتهديد)أنا مبحبش العناد __جاوبته بعناد:أنا بقى بحبه ولا ممنوووع __رفع حاجبه وأتحرك من قدامها راجع للفيلا قالت وهى ماشيه وراه:أسمع هاتلى أكل حلو ودهان للكدمات ومفرش يفتح النفس و __لف وبصلها سكتت رفعت أيدها لبقها بمعنى مش هتكلم قال:أكتبيهم __فتحت بقها بغباء:هاااا __نزار:أكتبى الطلبات فى ورقه وبعد كده أطلبى بأسلوب أحسن __لف وكمل مشى رفعت طوبه من الارض وكانت هترميه لف قالت بتبرير :دى بس عشان لو طلعلى كلب سلاح يعنى ************** [غرام] نجحت وأحرجته بقاله ربع ساعه بيقنعها ان مايا مجرد زميله قالت بتمثيل البراءه:هى هتطلع فى التليفزيون _أبتسم وكأنه حس بالفرج:أه هتبقى مشهوره أوى __هزت راسها بموافقه:خلاص هاتها __أدهم بجديه:لو متضايقه هستناها تحت وألغى العزومه __لااا هى فعلا عايزااها تيجى عايزه تتفرج على براعتهم فى التمثيل عايزه تحس بمدى حقارتهم همست:لا هاتها انا عايزه اشوف ناس مشهورين عشان لما أروح البلد أحكى لمسعده __أبتسم بهدوء ووقف :خلاص هروح اجيب أكل من برا __أول ماخرج جرت ع الاوضه سحبت الشنطه اللى شايلاها من جهازها خرجت فستان لونه أصفر هادى وعليه بليروا بطيخى أخدت دش وجت نشفت شعرها وسشورته ولبست فردت شعرها اللى غطى كتفها وطهرها بنعومه وقفت قدام المرايه وحطت كحل وروج بطيخى وبلشر ومنوكير بطيخى وهى بتلبس الاكسسوارات أنفتح الباب ووقف مكانه يلتهمها بنظراته مشت من جنبه وخرجت على صوت جرس الباب راحت تفتح هى ودى أول رساله لمايا فتحت الباب تنحت فيها مايا لثوانى ووشها أتغير لونه أكيد كانت متوقعه منافسه صعيديه شكلها وحش مايا:أحم ممكن تنادى سيدك أدهم او مراته مش أنتى خدامه برضه __أبتسمت جت لمنطتها ردت:أكيد كل ست خدامه لبيتها وجوزها (علت صوتها ولفت براسها)مش كده ياحبيبى __أبتسم أدهم وهز راسه وهو بيقرب ويسلم عليها دخلت مايا ومثلت انها اول مره تشوف الشقه بعد نص ساعه مجاملات كدابه قامت رتبت الاكل ع السفره وأدهم ساعدها وراحت جابت مايا وبدأوا ياكلوا مايا:صحيح أنتى تعليمك أيه __أدهم كان هيتدخل لكن سبقته وبثقه:أنا السنه دى أولى أقتصاد وعلوم سياسيه __قالت بغيظ:ليه أنتى عندك كام سنه __جاوبتها وهى بتحط قطعه لحمه فى طبق أدهم:تمنتاشر وأنتى __أدهم:غرام ياروحى مايا بتكره تقول عندها كام سنه __أستاذنت مايا وقامت للحمام سألته بأستهبال:هى تعرف مكان الحمام منين __أرتبك وقال:عشان جنب المطبخ (قرص خدها وضحك)سمعتى أقتصاد وعلوم سياسيه دى منين (بص لورا ورجع بصلها بحالميه وهمس)بمووووت فيكى __بصتله ببرود والاحتقار بيزيد جواها مد أيده لايدها وقفت بسرعه وسحبت الاطباق ودخلت المطبخ بجد بتحس بالقرف لما يعاملها كده أهون عليها انه يعبرلها عن كرهه ولا يعبرلها عن حب كاذب بيحس بأيه لما يقولها الكلام ده هى بتحس انها رخيصه زى مايا معقوله يكون هو بيعتبرها زى مايا لا هو أكيد بيعتبرها أسوأ من مايا فمايا أختارها بأرادته لكن هى أجبر عليها *************** [سراج] ضغط على راسه مجرد تفيكره فى ان شخص مجهول بيتحداه ومستمتع بعجزه ده بيستفزه دايمآ بيتعامل مع الناس زى قطع الشطرنج يحركهم بصوابعه زى ماهو عايز بالصبط نفس اللى عمله فى كل أعداءه خلاهم يخسروا بيعرف ازاى يوجع وأى ضربه تقتلهم بالحيا سند راسه ع الكرسى رن موبايله برقم هشام رد بضيق :أيوه ياهشام عرفت أى حاجه عن روجى __هشام:لا انا بكلمك عن موضوع تانى(سكت شويه وقال)عرفت المناقصه رست على مين __قال بثقه:لااا بس واثق انى مقدم احسن عرض __هشام بحذر:للاسف المناقصه رست على شركه صقر __اتنفض بغضب ورمى الموبايل أتحرك فى المكتب والصدمه موقفه عقله كان حاطط أمل كبير عليها شركته فى النازل خد كذا نفس والموبايل بيرن بشكل متواصل معقوله الموظف لعب بيه رفع راسه وسحب الموبايل ورد هشام بيعتذر قاطعه بنبره تحدى : مافيش حاجه بتكسرنى أتطمن بس أنا عايز منك طلب الطلب ده مش عشانى ده عشان أريج _هشام بهدوء:عيونى لاريج _ضغط على طرف المكتب بأيده الشمال وأيده اليمين فيها الموبايل :اعلن فى الصحف فسخ خطوبتك من أريج عشان لو اللى عمل كده يقصدك انتى هيسيبها _هشام بحده:أو هيقتلها عمى احنا لازم نبلغ البوليس ده الحل الوحيد _صرخ بحده:معلش ممكن تريحنى هشاممم انا كل حاجه بعملها بتدمر وانا مش عارف أتصرف لاول مره اكون __سكت فجأه معقوله كان هيعترف بعجزه لاااااا الشركه مش هتقع وهيرجع أريج واللى خاطفها هيفعصه تحت رجله هشام بضيق:لو بتفكر ان انا السبب فاللى بيحصل لاريج فانا هفسخ الخطوبه بس أريج لما ترجع هتقول عليا ايه _أتنهد:أكيد هشرحلها الموقف مش هنفكر فى مشاعرها لما ترجع المهم تررررجع _هشام:يابختك بقلبك _بص لصوره أريج المتعلقه على جدار مكتبه بأبتسامتها الشقيه ووشها الملائكى ميلومش هشام مين يقدر ميحبهاش ************ [نزار] بيلعب الاسكواش مع أدهم بنص تركيز وعلى غير العاده غلبه أدهم اللى اتكلم بسخريه:لا النهارده اللياقه فى الارض _أبتسم:مره من نفسك _فتح الباب الازاز وخرج وأدهم وراه أدهم:يعنى مش هتعوض لااا انت متغير _قال بجديه وهوبيطلع سيجاره ويولعها :عندى موضوع عاييز أكلمكم فيه _قعد ع الكرسى اللى جنب أدم أحسن حاجه فى أدهم أنه لما يحس بأهميه حوار يتحلى بالجديه قال:بابا عودنا اننا منخبيش حاجه عن بعض وانا وابن عمى ع الغريب _أدم رفع راسه عن موبايله وقال:متعودناش منك ع المقدمات _رفع موبايله بص فى الساعه ورجعه وقال بثقه:جه الوقت اللى نرجع فيه عمتى حياه ع الاقل حتى نعرف هى عايشه أو لأ _وقف أدم وقال بلا مبالاه:متعتقدش انى أقدر أفيدكم سلام _ومشى بخطواته البارده بصله بغيظ لف أدهم وشه بأيده:نزار سيبك منه قولى نرجع ماما ازاى أنت تعرف حاجه احنا منعرفهاش _أتكلم وهو عاقد حواجبه من تصرف أدم:اللى عرفته من عبدالرحمن ان عمتى حياه راحت يوم الحادثه تحذر بابا من سراج عارف ده يعنى ايه _هز راسه بعدم استيعاب كمل:يعنى أولا انها قريبه من سراج ثانيآ انها من ثمن سنين كانت عايشه _وقف أدهم بغضب وقال:مش فاهم ايه دخل أمى بسراج لو ليه يد فى اللى حصل هقتله أبن ال___ _وقف وحط أيده على كتف أدهم مش هيقوله انه هو كمان اللى دخل عمه السجن والا أدهم هيتهور نفس اللى عمله والده من ثمن سنين :أهدى ياأدهم عمتى حياه أنقذت حياه عبدالرحمن وانا هقلب الدنيا عليهااا _أدهم:خلاص سهله بنته قصاد أمى يرجع ماما نرجعله أريج _سحب أيده بقوه من كتف أدهم وقال بحده:لا مش سهله لان بنت سراج شافتنى وحتى لو مكانتش شافتنى فخطوات انتقامى منه مش هغيرها لاى سبب وقلتلك انى هقلب الدنيا على عمتى حياه (سكت واتكلم بضيق)متخلنيش اندم انى قلتلك _أدهم مسح وشه:مش هخليك تندم بس حس بيا يانزار لوكان قتلها أرحم من انه يحرمنا من أمنا ونعيش بعار ولاد الست اللى باعت جوزها لما دخل السجن _لا قتلها مش أرحم واسأل مجرب هز راسه وحقده على سراج بيزيد يوم بعد يوم ************* [الفيل] حط ورقه قدامهم وأستمتع بالغضب اللى ملا عيونهم فدى عاشر مره يغلبهم بص لكميه الفلوس اللى كسبها لمها بأيده ووقف قال واحد منهم:أنت بتغش صح _ثبت نظارته ومشى من غير مايرد طبعآ بيغش وأيده خفيفه وهما عارفين كده بس بيستغبوا شويه عيال من بتوع مامى وبابى والفلوس زى الرز عندهم فتح عربيته وركبها وهو بيقلده:أنت بتغش صح _نزل عند سوبر ماركت وأخد بسكويت وشيبسى وكانز وخرج من غير مايحاسب فجأه حد مسك أيده وصوت بنت بتصرخ :أنت هو أنننننت اللى أخدت شنننطه أريييج _بصلها بسرعه المجنونه بتاعه شغله الشنطه:أشششش وطى صوتك _صرخت :لاااااا قول روجى فين هى هربانه ولا لأ مش هسيبك الا لما تقول _قال بخبث :صاحبتك عايشه أحلى قصه حب شفتى فيلم شورت وفانله وكاب _فتحت عينها بحماس:يسسس _كمل:هى بقى كده عايشه حياتها مع واد مز _قالت بشك وهى لسه ماسكه فى أيده:واد مز يعنى مش نضال _ده مين نضال ده كمان قال:مش لازم تعرفى أسمه _جيداء:هتاخدنى عندها حالآ _خدك ربنا يابعيده حط أيده على راسه وسند ع العربيه همس:ألحقينى بحاجه مسكره عندى السكر بسرعععه _أرتبكت وبسرعه فائقه جرت ع السوبر ماركت ودخلته لف وركب عربيته وفى أيده محفظتها رماها جنبه وأول ماطلعت شاولها باااى ومشى وهو بيضحك على غباءها وصل لشقته عشان يفتح الفتحه السريه ويحط فيها الفلوس اللى جمعها النهارده *************** [أدم] مش هيفكر فى كلام نزار هو ميهموش حياه كل ذكرياته معاها نساها مافيش غير ذكرى واحده محفوره فى قلبه لما أتخطفوا هو وأدهم عشر أيام متواصله أتحبسوافى مخزن قديم مخيف عانوا م الجوع والعطش وأتعرفوا على كل أنواع الحشرات كانوا عمرهم تسع او عشر سنين بس قرروا يقووا ويكونوا زى عمهم منصور ووالدهم رجاله ولما أنفتح الباب طلعوا بسرعه عينهم وجعتهم م النور كانت واقفه وخافيه جمالها الساحر بلبسها المحتشم وعلى بعد منها كذا شخص كانت جامده قاسيه غير والدتهم اللى عرفوها اللى مع شدتها كلها حنان وحب جروا عليها بفرح وحضنوا وسطها بشوق بعدتهم عنها وقالت بأمر:أمشوا للطريج وشاوروا لاى عربيه أطلبوا منيها توصلكوا لبيت جدكوا جمال صقر _نزلت دموعه بخوف وهمس وعينه بتروح للرجاله بغيظ:وأنتتتتى _حياه بقسوه:أنى أعتبرونى مت أسمعوا كلام عمكوا منصور هو عيبجى أبوكوا وهمسه أمكوا متغلبهومش عاد _مسك فى عبايتها بعند طفولى :متسبيناش _صرخت:أسمعوا الكلام عاد أنى دبحت روحى عشانكوا _أدهم:ماما خلينا هنا مش لازم نرجع مش هنخاف صح ياأدم _هز راسه بسرعه وبصلها وهو بيمسح دموعه نزلت ع الارض وحضنتهم بقوه قالت كلام كتير بس مكنش مركز فيه كل اللى عارفه ان لو والدته بعدت عنه زى والده هيكرهها وعمره ما هيسامحها مهما كان السبب لما خلصت كلامها الكتير قال بقوه مش لايقه على عمره ولا على وشه اللى كله دموع :متمشيش معاهم مش هحبك تانننننى خليكى معانا وانا هحميكى __مسك الطوب عشان يثبتلها ورمى عليهم وهو بيهددهم ويشتمهم وساعده أدهم من كتر قهره مكانش عارف هو بيرمى طوب ولا تراب وبكل برود قربوا الرجاله وسحبوها وهى مشت معاهم مسك فى عبايتها وأيده التانيه بترمى تراب عليهم سحبت عبايتها وركبت عربيتهم جروا مسافه طويله ورا العربيات اللى بعدت عنهم قعدوا ع الارض بيأس يعيضوا أب وأم لكن فجأه رفع راسه ومسح دموعه بأيده اللى كلها تراب مسك أيد أدهم ووقف ووقفه معاه مشوا للطريق وهو بيضغط على أيد دهم بصوا لبعض وأتعاهدوا بنظراتهم انهم يكونوا أقوياء بدون أب ولا أم **************** بعد يومين [أريج] فات يومين والوحش الوسيم مجاش ده أسمه الجديد قضت الوقت مع ياسر الحارس قاعده على درجات الفيلا المهجوره وهو واقف مكانه مربعه رجليها وبتتكلم تتكلم وهو ردوده مختصره بس ع الاقل لقت حد يسمعها قالت:هو أسمه عبدالحميد طخين كده وراسه متركبه على جسمه على طول مافيش رقبه _أتعدل فى مكانه وعينه وراها بصت لورا وكتمت شهقتها مسمعتش صوت العربيه بصت لياسر بعند وأتجاهلته:وعنده بنت سوداااااا وهببببله قاطعها ببحه صوته الرخم زيه:تعالى عايزك _دخل الفيلا قالت بسخريه:طظ فيك يا ملك الاناقه _كملت حكايه سواقها الطيب لكن نطق ياسر اللى بيجيله خرس مؤقت هو كمان:قومى أنتى مش قده بلاش عناد _قامت بغيظ ودخلت ألاوضه لقته بكل برود نايييم على سريرها أتغاظت أكتر بقت تخبط فى الدولاب وتفتح أبوابه وتقفلها بصوت مزعج قعد ومسح وشه وبصلها قالت بسرعه :فين الحاجات اللى قلتلك هاتها ولا كلمتك فى الشر مترجعش فيها لكن فى الخير عادى ترجع فيها _وقف بسرعه ومسك معصمها وصرخ:لو تعرفى انا بتحكم فى أعصابى ازاى مش هتنطقى والله لو طلع غضبى عليكى لاكون دافنك حيه _صرخت :لييييه احنا فى العصر الجاهلى فى حاجه اسمها شرطه ياأستاااااذ _لف أيدها بقوه وسحب شعرها بأيده التانيه وفكه مشدود بشكل مخيف قالت بألم وأستسلام:أنا عملت أيه دلوقت ممنوع اتكلم كماااان _زقها من أيده ومشى للشباك واقف وراه وطلع سيجاره وولعها كالعاده قال بأمر:لو شفتك طالعه م الفيلا بلبسك العريان ده مش هتشوفى خيييير أنتى مش تحت أيد سسسراج أنتى تحت أيدى أناااا تمشى بقوانيييينى أناااا (لف عليها وكمل)اللى مسموحلك يبان وششك وأيدك بسس _قالت وهى ماسكه نفسها متعيضش :أنت متأكد أنك أنسسسان _قال بحده:وشعععرك هتغطيه هعرف أمتى خالفتى كلامى وهتتعاقبى وعشان طوله لسانك دى هتتحبسى فى الاوضه النهارده _طلع صرخت بصوت عالى:بكرههههههههك _قعدت بغيظ تمسح على أيدها اللى احمرت من أيده الغبيه وتدعى عليه **************** [أدهم] بقاله يومين مخرجش م البيت مش طايق حد حتى غرام بيمثل قدامها انه نايم مانع نفسه بالعافيه انه يروح لسراج ويعذبه لما يعرف مكان والدته والدته أجمل ست شافها كان دايمآ يسألها ماما أنتى ليه جميله ترد عشان متجوزه أحسن راجل فى البلد عمره مايصدق انها باعت والده لمجرد أنه اتسجن هى مجبوره فتح عينه على صوت الازعاج قال بزهق:غرام أطفى النور وأطلعى _جاوبت بسخريه واضحه:وأنا بقى أطلع أشتغل وأصرف ع البيت وأنت أقعد هنا نام وأطبخ وربى العيال _رفع الغطا وبصلها بغضب:أقصرى الشر أحسنلك وميييين أصلآ قالك انى عايزأطفال منننننك _بصتله وواضح انها مصدومه مندمش ومش هيندم يتحمل أى حاجه الا انه يجيب طفل يتعذب زيه هو معرض انه يتسجن أكيد مش هيسيب نزار يشيل الليله مش هيكرر حياته هو وأدم فى طفل جديد عطاها ظهره وكمل نومه أو بمعنى اصح تمثيل النوم لازم يودى غرام عند دكتوره تديها حبووب سمع دوشه رفع الغطا كانت فاتحه الدولاب وبتمسك كميه هدوم بأيدها قال بملل:بتعملى أيه _مردتش وطلعت م الاوضه ورجعت فاضيه تاخد هدومها تانى وقف بعصبيه ومسكها لفها عليه قال:ردددى بتعملييييى أيه _غرام :أنا كمان مش عايزه أطفال مش عايزه أبو ولادى يكون زييييك _مش عاوز يصدق أنه جرح كرامتها قال:أنا مقصدش منك أنا أقصد مش عايز أطفال أصلآ لكن أنتى _غرام قاطعته:أسمع أوعى تكون مفكر انك ممكن تجرحنى انا زى مانت متوقع معنديش احساس انا اصلا عايزه اتطلق منك لكن مقدرش أرجع بعد كام يوم متطلقه و أخلى عمامى يشمتوا فى جدى عشان مش جدى هو اللى أختار انا اللى أخترت ولازم استحمل _طلعت وقفلت الباب وراها رمى نفسه ع السرير أحيانا البنت دى بتخرج بره عبايه البنت الجاهله الصعيديه البريئه الغبيه عديمه الاحساس اللى هو يعرفها لكن دايمآ بترجع بس ليه حاسس المره دى انها اتغيرت كلامها موزون بتعرف ترد تعرف تجرح فهمت اللى فى باله قبل ماينطق حاسس بالندم م اللى قاله بس برضه مش عايز أطفال *****************

⚘قراءة ممتعة..

يتبع...