واثِقُ الخُطى مَلِكاً في قلبي(مكتملة)

الفصل الرابع

البارت الرابع ------
‏‏‏‏§‏‏§‏‏§فان وقفت أمام حسنك صامتا §§§ §§§فالصمت فى حرم الجمال جمال‏§‏‏§‏‏§
‏‏‏§‏‏§‏‏§ كلماتنا فى ‏الحب تقتل حبنا §§§ §§§
ان الحروف تموت حين تقال‏§‏‏§‏‏§ ‏-----‏ ‏---‏ لكل شئ بدايه ولكل بدايه سبب وتعددت الاسباب والحب ووواحد ----‏ ‏

[عبدالحميد] ---------فاق أول مافتح عينه بدأ مخه يسترجع اللى حصل أريج ونضال اه صح نضال مات قربت منه ممرضه وقالت بهمس:بيقولك سراج بيه لو حققوا معاك قول انك كنت مع نضال راجعين م المطار وصلتوا ملفات لهشام سند وان بنته أريج مكانتش معاكوا والناس اللى عملوا كده كانوا قاصدين اللى أسمه اممم (رفعت راسها بتفكير)أه نضال اللى مات قول انهم كانوا عارفينه وكمان بيقولك هتندم لو مسمعتش الكلام وهو بيعمل كده لمصلحه بنته --------------قال بلهفه:يعنى أنسه أريج هترجع ------الممرضه:معرفش حاجه غير اللى قلته (طلعت وهو سرح يقول كده ولالأ هو غلبان مش قد سراج ولاقد الحكومه المهم عنده أريج بيعتبرها زى بنته متستحملش اى ضغوط ضعيفه ورقيقه بس عنيده ومجنونه أبتسم بألم عشان خاطرها هيسمع كلام سراج لانه والدها وأكيد ده لمصلحتها همس بدعاء من قلبه:ربنا يحفظك ياأريج يابنتى زى ماكنتى بتحترمينى
¤ ¤ ¤ ¤ ¤ ¤ ¤ ¤ ¤ ¤ ¤ ¤ ¤ ¤ ¤ ¤

[سراج] كتب فى ورقه أسماء أعداءه وأعداء هشام لاول مره يحس انه فى موقف الضعيف أعداءه كتير أجتمع مع البلطجى اللى بيتعامل معاه حط ورقه الاسماء وقال: عايز أعرف كل تحركاتهم خطوه خطوه ------- عارف ان ممكن اللى يكون خطفها عصابه عشان تبتزه وده اللى بيتمناه أياآ كان المبلغ هيدفع رفع راسه بسرعه أزاى نسى عداوته القديمه والاهم طول عمره شايل هم لو نطق موسى قبل مايخرج م السجن أتصل على الموظف اللى ف شركه صقر سأله:ملاحظتش تصرفات مريبه على نزار النهارده ----الموظف :لا ياباشا النهارده فرح ابن عمه وكلنا فى الصعيد الموظفين كلنا ونزار صقر قاعد هنا كمان ---خد نفس هو ازاى فكر كده جمال صقر لو عرف هيقتله على طول مش يخطف بنته وكمان فى الحفله ملاحظش عليهم اى حاجه ارتاح شويه لو كان جمال صقر مكانش هيشوف بنته تانى --
¤ ¤ ¤ ¤ ¤ ¤ ¤ ¤ ¤ ¤ ¤ ¤ ¤ ¤ ¤ ¤ ¤

بعد يومين [نزار] -------دخل الفيلا المهجوره بخطوات ثابته وبتمشى وراه منار فات يومين وهى هنا ولسه مقابلهاش كان هناك حاجات أهم لازم يخلصها قال:أكلتوها --------- منار بحذر:لأ -حط القناع القماشى على وشه وفتح الباب بقوه ومشى أول خطواته لاختراق حياتها وتحويلها من اللون البمبى للأسود عليها وعلى والدها كانت قاعده فى زاويه وضمه نفسها وكأن حد هياكلها فتحت عينها برعب بصلها بحده وشاور لمنار اللى أخدت كرسى وحطته قدام بنت سراج أتقدم وقعد عليه شبك أيده فى بعض وميل براسه ناحيتها وقال بسخريه :أحنا خلاص فصل الشتا دخل علينا مش شايفه ان لبسك ده خفيف شويه (هزت راسها برعب حقيقى بالرفض كمل بتوضيح)أنا بس بقول كده عشان هتطولى معانا ومنار قدك مرتين (ضم شفايفه بأسى)هتلبسى أيه -------------منار بضحكه:نجيبلها لبس أطفال -رفع أيده بحده سكتها وقال بطيبه مصطنعه وعينه على أريج:شكلك عايزه تقولى حاجه أتكلمى متخافيش (فتحت بقها وقفلته برعشه كمل بتشجيع )قولى ----------أريج بصوت مبحوح:عاا اي زه بااابااا ----قرب منها أكتر:على صوتك مش سامع -كحت بشويش وقالت:عايززه بااابا --رفع أيده ونزل بكفه الكبير على خدها الناعم ووقف وقال بحده:ده أول درس ليكى سيره الكلب أبوكى متجيش على لسانك --حطت أيدها على بقها تخفى رعشته وأتملت عيونها بالدموع قال بأمر :هاتى أكل (طلعت منار ودقايق ورجعت فى أيدها طبق فيه ساندويتش قال بأمرموجهه كلامه ليها: كلى ---بصتله بخوف قال بنبره أقوى :كلى -مدت ايدها برعشه أخدت الساندويتش وقضمت منه بخوف كان واضح انه بتحاول تبلع لكن مقدرتش شاور لمنار تديها مياا أخدت الميا وبقت تشرب كل ماكانت تحاول تسيب الساندويش بنظره منه كانت ترجع وتقضم منه قضمه وراها تشرب ميا حس بالرضا بعد ماأكلت كفايه تحت تهديد نظراته سحبها وقفها أخد الجنزير ولفه على معصمها وقفله لف ألطرف التانى ع السرير وقفله عارف انها متقدرش تهرب من هنا بس عاوز يحسسها بالجديه رمى المفتاح لمنار وخرج عنده شغل يخلصه ويرجع بالذات ان عبدالرحمن ف الصعيد فمش مضطر يروح الشقه
¤ ¤ ¤ ¤ ¤ ¤ ¤ ¤ ¤ ¤ ¤ ¤ ¤ ¤ ¤ ¤ ¤ ¤