مساء الورد 🌹🌹
هلوو شلونكم اخباركم ان شاء الله تكونون بخير
اعرف مقصره وياكم وعدتكم انزل وخلفت بوعدي بس والله مو بيدي عندي ضروف بس راح أبدي انزل لكم
لكثرة طلبات لي تجيني على الخاص ويعاتبوني
لن مو كد كلمتي بس والله عندي ضروف لهذا راح
انزل بس على صفحتي هنا
الفيس وغير مواقع من اشوف نفسي فاضيه انزلها لكم وشكرا كل من سأل عني ودخل خاص ممنونه منكم ومن اخلاقكم الحلوه وكلماتكم الطيبه محبتكم لي هي تخليني اتواصل وياكم ❤❤❤
ومثل ماعودتكم
اليوم قصتنه اسمها صديقات العمر وهي قصه تابعه
لسلسلة قصص وحكايات لطالبات الثانويه وابطالنا بسلك العسكري عن حبهم وحياتهم سوه وشون عايشين يكملو مع بعض لو ينفصلون
طبعا بقلمي أن شاء الله تنال عجابكم لاتنسوني بضغط على النجمه اذا عجبتكم القصه تحياتي لكم ❤🌹
بعض دروس الحياة قاسية جداً ..
ولكننا نستوعبها بعد أن نكون خسرنا
الجزء الأجمل والأكبر من حياتنا .. !!
كاعده صافنه واسمع سوالف النسوان كل وحده عدها هم دك موبايلي باوعت مكتوب حبيب الروح رديت عليه الو
ها كلبي بشري شكالت لج الدكتوره
طلبت تحاليل وكالت الطفل مابي شي الحمد لله
ها لعد شنو سبب الالم
كالت رمل يجوز هو تحليل مال ادرار
شونك بل امتحان
الحمد لله تردين اجي عليج
لا ماعندي شي اشوف شنو دكول ورجع لبيت هو شويه زدحام على ابو تحليل له ماعندي شي
ها لعد لا طبخين اني اجيب ويايه
حبيبي مابيه شي لاتجيب اطلع سمج اشوي صار كم يوم نفسي هافه عليه
خاف مدكدرين اجيب من بره
لا مابيه شي مادام طفل الحمد لله كلشي تمام وسمج المطعم ملحها قليل اريدها مالحه وحامضه
يله يابه اني وصلت لدائره عود اتصلي طمنيني عليج
يله عمري الله وياك
اني ساعه وارجع اكمل شغله عندي مااتاخر
تمام نهيت ويا ورجعت اسمع قصه البنيه الكاعده مقابيلي امها وياها تسوالف على بنتها عمرها ١٥ سنه وحامل خطيه كلش صغيره ناعمه وجهه طفولي حتى مبينه توها بالغه عبالك
متزوجه ومتعاركه عمتها وياها وطاردتها من البيت
اربعه اشهر بعد زوجها ودكلهم
ما اريد بتكم وصخه وقذره راح اطلكها بس طلعت حامل وضلت معلكه
لاهي مطلكه ولا هي متزوجه
عايفيها على اهلها وهاي هي هسه داخله شهرها وعلى باب ولاده ومحد سائل عليها لازوجها ولا اهله الام تسولف وتبجي على بنتها واني كلبي مثل النار الام ندامه ماكلتها على بنتها وحقها لن بعدها صغيره
