چا هي الثواني
شمالها بفرگاك چنهه سنين
ويمك لو اجيت العمر
رمشة عين
دخلنه كلمن غرفته نرتاح وراها طلعنه نفتر الجو جان يجنن والسعاده البيها اني اتمناها حتى العدوي كل افعال الحجيه وفاتن نسيتها اباوع على ابتسامة دريد احس فرحتي ماتوسع الدنيا بكبرها وعيونه المليانه حب من يباوع عليه صدك حسيته يعشقني وماكو شي يفرقنه عن بعض
ضلينه يومين من مكان المكان ودونه اماكن تجننن ابد مشايفتها امير يندلهن حتى دريد تعجب مجاي قبل لها شركات السياحه عدهم اماكن محدده يرحون لها
الطبيعه والخضار والمي راحه نفسيه المناظر تهدي النفس وتريح الاعصاب
يوم الثالث العزيمه بيت عسل رحنه وهي جانت توها واصله من بغداد زوجها موجود قبلها هو متزوج بدون علم اهله يخاف من زوجته الاولى تصير بنت عمه
الله مفضل عليه صاحب املاك وتاجر معروف كبير بالعمر بس معتني بنفسه طبعا هو أبن اوادم يسولفون عن اهله ناس محترمين ومعروفين شجابه على عسل مااعرف معقوله نفس نموذج هو وياها بس مامبين عليه
كاكا نبيل جان طاير بينه ميعرف شون يرضينه حاير شجايب المخرب الكعده سوالف عسل الطايح حظها يعني مااعرف شنو من قابليه كاعدين احنه وهي كاعده بصفه وتبوس بي من شفايفه لو تحظنه لو تسوي حركات سخيفه
صح زوجها بس احنه كاعدين عيب غرب عنكم زين خجلي من امير دريد حتى حظنتها له بيها نحرف مو مثل لعالم وناس
تشاوره وتضحك وهو مامصدك نفسه كبير بالعمر وماخذ زعطوطه عمره بالخمسين بس ليشوفه اصغر من امير عبالك
امير يله يابه احنه نرفع الزحمه ماقصرت وشكرا على الغداء
نبيل وين من كل عقلكم اعوفكم انتو ضيوفي اليوم اكعد دريد شنو سالفه بس امير نطق كمزت
دريد والله هم يله نرجع نرتاح
نبيل لا ماكو اليوم كله انتو ضيوفي عفت كلشي علمودكم فضيت نفسي لكم ماصدكت تجون فرحتي بيكم ما اعرف شلون اوصفه لكم المفروض تضلون يمي
امير غير مره ان شاء الله على لجايات قابل هاي اخير مره
نبيل ماكو حلم ترحون اني اليوم برنامج العشاء بمطعمي ينور بيكم يله كعدو شويه نوب ونروح
رحاب جان يحجي عربي عادي نسرين وامير جاين قبل ضلينه لمغرب وراها طلعنه فترينا وبعدها رجعنه نفس طريق بيت عسل طلع البيت موبعيد عن المطعم
دخلنه اول ماكعدنه اي مطعم مرتب وحلو ومبين راقي نزلو اركيله لهم يشربون اول صدمه جانت لي
نسرين تشرب ويه امير مبينه مو اول مره
يعني عسل عادي ما انصدم منها بس نسرين اول مره اشوفها ابد مشايفتها بيتها حتى بدون خجل من دريد كنو مامسويه شي
