سالوني كيف أحببتها وهي بعيدة❤️
قلت لهم اراها بقلبي لا بعيني
المسها بروحي لا بكفي
واتنفسها باحساسي 🤚
ثم سالوووني
وهل تستحق منك
كل هذاا الحب 💞
نعم هي عشقي الابدي
ودنياي ودنيتي
وأنا أسميها نبض قلبي....💓
توني خليت رجلي على دراج جان تجرني الحجيه من الدشداشه لو مااثبت على نفسي جان لطشت على ارض
الحجيه اسمعي اكولج لج ديري بالج تخلين نفسج بيني وبين ابني
متلومين له نفسج لاعبالج خايفه منج ساكته لج لا عيني كلمه مني اخلي يشمرج بشارع
رحاب صافنه عليها شنو المصيبه الجديده لي راح تذبها عليه من دخلت بيتهم ولحد هسه وهن يهجمن عليه واني مثل الطرش بزفه
ما اخاف لدريد يطلكني بس اكول ماكو داعي اسوي مشكله وهي متسوه مااريد تطلع مني اريدهن هنا يكولن له ذاك الوكت اخذ حقي ومااسكت
مااريد اني اكول وحجي وطلع ادور مشاكل
اذا اني غاثتهن ليش هن ساكتات ليش بس يهددن ماينفذن
صافنه عليها وبعقلي اكول كون هيج يجي دريد ويشوفها ويسمع باذنه ويكشفهن بس مع الاسف هاي بالمسلسلات نشوفها ماكو هيج صدف بالواقع
الحجيه المسكنه وحبيبي ودشداشه المشلحه هاي تمشيها على غيري لاعبالج تكدرين تخربين على بنت فاتن بطلي غيره وحقد
رحاب ليش خاله سويت اني وليش اخرب عليها على شنو اغار منها شنو بينه قابل
هي اصغر مني اعتبرها اختي
الحجيه ياعيني عليج فقيره ومسكينه لازكه بختي الصغيره وانتي كلج سم اسمعي لج كافي تدوين وتحجين بأذن دريد
تره اذا احطج بعقلي اطين عيشتج بطلي خبث وحقد علينه تحملت لج ولصبر حدود تره ساكته عنج لن مخليتج خدامه بيتي تخدميني وتخدمين حبايبي
رحاب رحمله والديج حجيه
وعلى بتول والله مجايبه طاريها على شنو اغار منها وحقد غير اكو شي
الحجيه امشي لج كمتي ترجفين منها لن اصغر منج ونخطبت
رحاب هو اني اكبر منها كم سنه وهم صغيره ونخطبت وليش الصغيره وتزوج هاي فخر يعني
الحجيه لاضلين يوميا طلعين شغله اول شي اخذتي ورحتي سفره وتعطلت الخطبه ودور معاند ميقبل يزوجها اعرف انتي تقرين براسه على صغيره
رحاب سفره رحنه نحتفل بعيد زواجنه هو مسويها لي مفاجئه واذا على زغيره اني ماشوفها زغير ماشاء الله تعادل اربع نسوان
