شفت اشكال من ناسي
واسامح كل غلط ناسي
شكرا حيل ياناسي
ماقصرتوا وياي...........
رحاب اتصلت على طيبه ردت بسرعه الو صباح الخير
طيبه صباحوو ها ولج شو من صبح متصله تره والله مالحكت اشتاق لج دغيبي يومين اربعه
رحاب صوجي هاي فوك مااسأل عليج مو وجه نعمه
طيبه مشكوره عيني جزاج الله خير وكثر الله من امثالج ويحفظ عائلتج وينصرج على كلمن عاداج ها بعد لو كافي
رحاب لا كفيتي وفيتي شبيج شايطه عليه
طيبه والله تعجبت من شفت اتصالج كلت من شاف احبابه نسى طمطم
رحاب هههههه لا طمني انتي ماتنسين انتي الروح والريه
طيبه خالو شلونه شخباره
رحاب زين الحمد لله ديسمع فاتحه سبيكر
طيبه شوف شلون لوتيه ايا ملعونه فدوه اروحلك حجي وهاب تعرفها زين لوتيه
عود دكول ديسمع لاتحجين عليه تره يمي هههههه صباح الخير خالو
دريد هههههههه صباح الورد طمطم
طيبه مبين سهرتك دسمه تحجي بحيل صدر خالو
دريد أي ليلتي من العمر ابني وحبيبتي بحظني شريد بعد من الله
رحاب دريد الشايب اكثر تلوك له خالو ياهو ليجي وكالو له خالو
طيبه يحفظكم لبعض ياررب ويديمها عليكم
دريد ها ولج هذا منو شايب
رحاب انت منو يعني
طيبه ههههههه
دريد مو اكوم وشوفج منو شايب
طيبه يا قوم ياعرب يا متزوجين تره نحن هنا لازلنه متواجدين هههههه
دريد صدك اكولج طيبه
طيبه ها عيني
دريد سالمه عيونج اكولج انتي متواصله ويه نسرين
طيبه اي البارحه جنت احجي وياها
رغم سوته بس من شفتها قبل فتره جانت تشتري لابنها كسرت كلبي ورجعت اتواصل وياها نوبات اروح من عندي مجال يمها
دريد مكالت لج ترجع لامير
طيبه والله هي مثل المشتهيه ومستحيه
رحاب لج انتي شو صايره فدنوب تجطيها وماتخجلين
طيبه شكو كلمه عاديه تره يعني وحده مشهيه اكله وتخجل دكول اريد بيها شي
انتي عقلج شاطح عابت اي والله عابت كوه تسوني خارجه عن الطريق
دريد جان حجيتي وياها كالت خالتي امير ديحاول وهي معانده كل شويه براي
