گـلـولـه شــح امواصلك
والدنيا خنگت ریـتـي
راح امشي لديار الـبـعـد
عگبك شسوي ابـيتي
يافـرحه ونبـاگـت غـفـل
ياواهسي او ياصيتي
کل همي اشوفك ونسعد
لا كــن سراب امنيتي
🌺🌺🌺
جنت مرعوبه كل شويه ادخل لحمام اشوف خاف صار بي شي
ارجع اكول لا كلشي مانزل يعني مابي شي دخت وعيوني زغللت كعدت واني اطلب من رب العالمين يحفظه لي
اني شبيه ونزلت من كل عقلي اخلي نفسي بينهم وهم ماطايقيني
اتحارش بالهبطات حظي نزلني نفتح باب غرفتي نركع حيل جان تدخل فاتن عليه هي والحجيه صاحت بيه جمدتني بمكاني عبالي جايت طمئنن عليه عقلي المزنجر هيج كالي بلحظتها
فاتن لج انتي شنو حيه ام راسين تلدغين وظمين راسج عكربه صفره مين لفيتي علينه
رحاب من هبطتي معرفت شكلت شكو شنو صاير عفيه والله مامسويه شي هنه يحجن ويصيحن واني بالي يم بطني صار بيها الم من لخوف كمت ارجف عبالك مسويه مكسوره اني هن يحجن بس اني مافاهمه شي منهن
الحجيه خلي يجي الشفيه لجابج عليه من دخلتي بيتي لهسه ماشفت خيركل المصايب لفت عليه بنت الفكر جيتي لبيتي شبعتي بطنج وصرتي ادميه براسنه
جتافج صار هل عرضه جان طولج شبر شوفي هسه كلمن يشوفج يكول خير الحجيه مبين عليها
رحاب عيب حجيه شنو هذا الحجي اني مو بنت فكر الحمد لله اهلي احسن عيشه عايشين مااسمحلج تجيبني طاري اهلي
على شنو تحجين عليهم ارد عليهن وارجف خوف على حمل خاف بي شي بالي مو يمهن نهائي مجرد اذني تسمعهن هن اشكال يكولن بس كلمه افهمها وكلمه مااسمعها
بالي مشتت عبالك اني بحلم لا كابوس لحظات مو اكثر الهوسه صارت شكبرها
فاتن امشي دايحه ام الكليه جابج دريد ومقرج صايره براسي مره جايه تتهمين بنتي تصادقين ولد وذبيها براسها
بنتي احسن تربيه مربايه احسن منج بنيتي باب البيت ماتندلها وين مثلج رايحه جايه وحدج لا صداد ولارداد عبالج كلها مثلج
رحاب و الله ماحاجيه ولاجايبه طاريها شلون احجي وكول هيج عليها هي مثل اختي صغيره وسالو احمد ماكتله شي هو اجه وسألها اني مافتحت حلكي حتى مادري
فاتن انجبي تذبين بلاوي انتي افلامج ماتمشيها عليه تسرقين موبايل ابني وتتصلين على الولد وتصادقيهم وتتمعشكين بسم بنتي مسميه نفسج بتول حتى لو شما سوين نكشفتي وعرفناج حقيره
تصادقين ودكولين هاي بتول مواني ذبيها براسها بنتي شريفه عفيفه بنتي مداومت كليه ام لكليات بنتي تسواج بنتي ماتختلت بالبيوت شبعتي دكرص وهسه جايه طلعين سمعه على بنتي لن احسن منج تغارين منها تغارين
