عشنا الدنيا خد وخد
ما عشناها خد وعين
نضحك بس ضحك مغشوش
انمثل حيييل مرتاحين
دنيا الزين بيها انداس
وكلش زينه للموزيــــــــن .. 😔✋
طيبه الله يبعدنه عن هيج شكول الناس لتحب ستر هسه صارت معقده ليش هيج يعني اقلها تحترم شبيته تجيب صديقتها حتى تغثه والله لو مكايله بنفسها وسامعه من غير احد جان كلت على نيتها ماتسويها يمكن صحيح متكدر تمنع صديقتها
مشت بينه الايام ومظل شي على الامتحانات مالتي مثل هيج يوم بسنه الفاتت ضاعت سنه من دراستي ماعتبرها من عمري لا من دراسيتي وطموحي تذكرت كلشي صار بذاك اليوم ضحكت على
روحي شكد جنت غبيه لن وكعت وتمرضت اتذكر نضرات حبايبي لي بس يردون اصير زينه وكوم على حيلي صدك من يكولون اوكع بشده وعرف عدوك من صديقك وبهاي وكعتي عرفت اودمي
صافنه ودخلت عليه عبير
عبير هلو ياحلو شونك كلب ليش نايم ع درب هاي الاغنيه سجلتها لج ههههه
طيبه هلو بيج كمت عليها تباوسنه ونطتني علاكه بيها قماش ملابس مااعرف شنو بيها كتلها شنو هاي
عبير افتحيها وشوفي نبع الحنان دزتها لج وكول امانه تلبسها أول يوم الامتحان هو كومي خاف بيها شي حتى اعدلها قيسي يله
طيبه فتحتها مثل الفستان موديله لونه نيلي هاي نيليه اني مالبس مو تدرين لابسه اسود
عبير اي كافي عاد مشبعتي من الاسود
طيبه لا مااكدر اعتذري من خاله
عبير خاله تعاي على بنتج تره راح اموت من وراها
ام طيبه ها يمه شبيج
عبير متقبل على الفستان
ام طيبه نزعي بنيتي الاسود مايرجع اوادم ولا يفيد بشي
طيبه مااكدر على شنو البس الوان ضوه البيت وطفى صارت الدنيا كلها ضلمه بعد شلي بالألوان
ام طيبه شفت اخوج وكال ليش حزينه طيبه خلي شوف حالها زعلان عليها اني اذا علمودنه احنه مرتاحين لاتبجي علينه دتأذينه بهيج سوالف
طيبه اسمع وابجي لن لي هم اجاني بلحلم بس مكلت لهم وجان يطبطب على كتفي ويكول صيري قويه ميهزج شي شوفي صديقاتج شون عايشات وحدتهن مايهزها اي شي وضروفهن مثل ضروفج ليش ضعيفه انتي اريد صيرين مثلهن هن سندج عيشي بما يرضي الله ورفعي راسنه بسمعه زينه واحترام الناس لج اريد اسمج ينذكر بالخير واني متاكد راح ترفعين راسنه موكلشي بالحياة نريده يصير الله كاتب لنه خط نسير عليه وحقج مايضيع عند رب العالمين هو ساندج
عبير هاي هيه تره بعد زعل عليج وهي نيلي قابل الوان فاضحه احمر وصفر
طيبه خليها والله كريم عود
