كلبت دفتر_حياتي
ذكره حلوه ما لكيت
وراجعت سنين عمري
وصدك ع حظي بجيت
يا دفـتر حياتي الخلص
بـــس هموم
يا اتــعـــس قــلم مــا فـارك الدمـــعة ...
يا دنـــيا غـــبـــية تـــواكـــحت ويـــاي
ياهــو الــي اريدة تــكول مـــارجـعة
صعدت للغرفه واني حاير شراح اسوي من شافتني نسرين حست بيه شي اعرفها تتمنى تطلع اليوم قبل باجر طبيعه اهلي مو مثل اهلها هناك جانت يوميا حفله ومناسبه رايحه هنا الحجي ماعنده شي اسمه حفله حفلته ليسويها عباره عن اجتماع عائلي سوالف واكل وقصص جدي وببيتي يكعد يقصهن على الكاعدين
المصيبه كلها تكعد تستمع له وتطلب منه بعد يقص عليهم هاي حفله حجي وهاب هيج لو تشوفها نسرين وتسمعها جان طكت ضحك صح يجتمعن البنات وحدهن بغرفه وياخذن راحتهن بس نسرين متعلمه على طلعه وسفر اهلي سفرتهم الزياره
نسرين شبيك حبيبي اشو مو على بعضك صاير شي
امير الحجي يريد نطلع حتى ناخذ راحتنه وحدنه
نسرين امير كال الحجي يريد نطلع بس مكال علمود عسل ضمها عليه اني سمعت الصار بينهم لن جنت جوه بس هم ميدرون بيه سكت وصفن بوجهي كتله عادي حبيبي هم صح احنه نرتاح وهم اهلك يرتاحون لن دشوف الولد متقيدين بلبسهم وكعدتهم حتى مهلكد يطلعون بصاله كله بغرفهم
امير الراتب ميكفي اذا اطلع لازم بيت اخذ مرتب ويريد أثاث وسحب بيت وحد يعني مصرف كامل اني هنا الحجي هو يصرف ويدوب مكفي الراتب
نسرين اهلي عدهم بيت هسه طالع منه المؤجر ونضيف ومرتب والمنطقه زينه نكعد بي لما نرتب وضعنه ونشوف شون تدبر
امير لا مترهم عيب
نسرين ليش شكو بيها
امير العالم شدكول عليه كاعد عدهم كعيدي عند اهل زوجته صعبه
نسرين وين عند اهل زوجته حتى مو هنا البيت ومنو يعرف البيت مال اهلي
امير لا مااكدر اشوف بيت اجار ومناسب لنه نوب حتى الاجارات صاعده صايره نار
نسرين ناجر بيت اهلي هو نفس شي
امير اي اذا هيج موافق
نسرين هسه اتصل على ماما وكول لها شلت الموبايل اتصلت عليها ردت هلو ماما شونج
ام نسرين هلو ماما شونج شو اليوم ماكو
نسرين ملتهيه شويه
ام نسرين ملهيج امير عني هيج الام تنسي
نسرين هههههه لا امير قبل شويه اجه من دوام بس اني عندي كم شغله جنت مشغوله بيهن وعسوله جانت تحجي ويايه هم
ام نسرين اي عاد عسوله سوالفها يراد لها ساعات مو ساعه هههههه شكو ماكو اخبار ليمج
نسرين ماما البيت مالتنه بعده لو تاجر
ام نسرين ها يمج لا بعده
