صرت مثلك مو حنين
وبعد متردني الاغاني
هاي اول مرة
من اشتاگلك ابقة بمكاني
ضوگتني الخوف يمك
بعد شتفيد الاماني .
ايي_والله_متوهمين_موش_احنه_التغيرنه
بس دگاتگم كسرن خواطرنه
يوسف رحاب اريد اكولج شي يخص دريد بدون لف ودوران
رحاب خير شكو احجي شبيك صفنت بوجهي وكعت كلبي
رفع راسه لسكف الغرفه اخذ نفس هاي شبيك شنو صاير
يوسف ماكو شي هاي شبيج صفريتي وكمتي ترجفين
وسطني ويريد اكون واسطت خير بينكم
رحاب انت من كل عقلك باوع ايدي شلون ترجف ساعه يله تنطق ودكولي ماكو شي
يوسف وانتي ماكو بتفكيرج بس شغلات سوء كولي خير يصير خير بطلي هاي طبيعتج بساع وكمتي ترجفين
رحاب طلع نفسك من الموضوع لن راح اخجلك
يوسف لا صدوك الولد شاريج يعني كل لديسوي يبين شكد رايدج ومتمسك بيج لو غيره يروح يتزوج ويشوف نفسه على شنو متحمل
بربج اكو وحده تحجي لو تصرف هيج ويه زوجها وين رحاب الرقيقه الصوتها ماينسمع من خجلها والضحكه تارسه الدنيا قبل لا تارسه وجها وين اختي الحنينه الطيبه
رحاب ابجي بعد ابجي شبيك مثل واحد ميته مرته
حبيبي عاملتهم بطيب مانفع بيهم شجازاني بطعنه بضهر اني ماغلطانه وسويته قليل كسيرتي ماجانت بالي وعمري ماتوقعتها منه
يوسف خفي عليه رحوبه تره عيب المرأه تغلط على زوجها لو تجاوز على رجال احنه هيج ربيناج
رحاب ماجنت واعيه وغلطت عليه
وكتلك اي وحده بمكاني تسوي مثلي وزايد يحمد ربه ضليت ساكته
يوسف حتى لو انتي مغلطانه لازم تنطي فرصه لغلط منكم اثنينكم انتي جنتي ضعيفه كدامه وهو ضعيف كدامه امه وشغله البنيه برر موقفه ونط عذر
رحاب صاير محامي الدفاع مالته خوش موكل محامي له
يوسف اعجبج هههههههه
لا بس احجي الحق الولد من اخذج لحد لان ما مقصر وياج باي شي وبلسانج كتيها وميت على شوفتج وانتي حتى موبايل ماتردين عليه
هيج الحب يسوي همزين اني خالي مختلي انعل ابو الحب لي هيج يبهذل ويذل صاحبه
رحاب اكول والخيانه اني هم سبب
يوسف ماكو خيانه وتعرفين كلش زين لاتغشمين نفسج عادي اني لو وحده اضوج منها وجتي تقربت مني بسلام لو سوال هم اجاوبها لو رجال بيها مجال ارزله او ماارد عليه بس مره لا صعبه
