حچينه هواي
ومـافــاد الــــحچي وياهـــــم
وگعنـــه بــــنــاس مــــاتــعرف نواياهم
فــقـره وداعـتـك ونصــدك بسـاع
ولامـره حـقـدنـه ولا كرهناهم
نسرين عسوله طلعت تعرف دمراتهم اكثر مني خبره هاي بكلشي ههههههه خلي اتصل عليها اخذ كم نصيحه
عبير كاعده انتضر رحاب راحت تجيب صاج واني عيوني مزرزه هنا وهنا التفت بكل أنحاء الكليه حتى اصيد عصافير الحب اخبار طلاب كلها يمي اباوع و مااشوف له شاب انيق واكف مقابيلي مبتسم اني اعرفه طالب ماجستير ويانه بنفس قسمي ملابسه بسيطه مرتب بكلشي من شعره لحد حذائه بس اني غلست سويت نفسي مااعرفه ههههه تفضل محتاج شي
طه مرحبا اقدم لج نفسي اني طه
عبير من كال مرحبا عرفت هذا شاب بيتوتي مو من ذولي الشباب مال هل وكت كتله اهلا وسهلا تفضل
طه هلابيج ادخل بالموضوع وياج بدون لف ودوران اني معجب بيج واريد
عبير قبل لاتكمل اني جايه ادرس لا ادور حب ولا علاقه هاي سوالف اعتبرها بس المراهقين يسوها و
طه نطيني مجال اكمل اني رايد اتقدم لج وطلب ايدج
عبير اعذرني اني فكره الارتباط شايلتها من بالي
طه على كيفج سديتيها بوجهي لاعلاقه ولا زواج شنو سالفه قفلتيها بوجهي
عبير ليش اكذب عليك جبتها لك من الاخير تتعلق بيه وراها اكولك لا ماارتبط معتكفه عن زواج وصدمك وينقلوك لمستشفى وتصير مريض بصدمه العاطفيه
طه هههههه حلو بس كل بنيه نهايتها الزواج
عبير صح بس اني غير والموضوع مامفكره بي هسه
طه اكدر اعرف ليش اذا عندج شروط عادي كوليهن كلي اذان صاغيه وحاضر
عبير ماكو شروط لن كتلك الفكره حذفتها من حياتي بالوقت الحالي
طه لازم اكو سبب عندج انتي مرتبط
عبير اكيد لا لو مرتبطه جان كتلك من اول مانطقت
طه اكدر اعرفه اعتذر اذا ضايقج سوالي بس صار عندي فضول
عبير شي خاص بيه بس حتى انهي لموضوع وما يطول وضل رايح جاي اني اريد اكمل الكليه وراها اتعين حتى اساعد والدتي لي تعبت وهي محني ضهرها على مكينه الخياطه اريد اساعد خواتي يكملن دراستهن وراهن مشوار طويل والدتي كبرت بالعمر وتعبت ومن حقها عليه ترتاح واني اشيل حملها بعد كل هاي سنين
طه وتشوفين نفسج تكدرين على الحمل وتستلمين منها المسئوليه وتضيعين عمرج
عبير فدوه لهم عمري وتعبي بس كون الله يخليني عايشه وكمل ويه خواتي لاخر وحده ان شاء الله كلهن اوصلهن لبر الامان ادعيلي عفيه
