وتتوهّم أحياناً أنك بقلب أحدهم شيء كبير، ولكن يمرّ موقف يجعلك تضحك على سخافة ظنّك.........
ومالكت غيرج تشك بيها وتغار منها مادري شبيها
طيبه مااصدك والله هيج تفكر بيه معقوله
اخذت نفس احس ضاق صدري
يله خليها بهذا عقلها
رحاب صرت اروح يم نسرين لن بهذا حملها بس نايمه طفل ثاني وهي بعده ابنها عمره اشهر يعني من ولدت منا حملت متدري بنفسها كلش متنحسه خصوصا هي ماعدها خلك تربي اطفال هي محتاجه للي ربيها
تشوف عسل لي مكضيتها سفرات ونسى ونسرين تتكرضم تريد تطلع وتتونس حتى رادت تسقط الطفل بس الدكتوره ماقبلت لن اكثر من شهرين
كاعدين نسوالف وسالفه طيبه تحز بنفسي لن صار كم مره اجيها ابد ماتسال على بيت خاله ام طيبه افكر خاف اني هم تشك بيه لن اضحك وسولف ويه امير كلت ويه نفسي بعد مااجيها بس هي طبعها عادي ويايه حتى تطلب مني انام عدهم ضليت اكول بنفسي تالي سالتها
اكول نسرين اشو ماتسالين على طيبه
نسرين هاا لا هي كطعت بعد لا تصلت ولا جتي
اكولج بصراحه زين سوت
رحاب صاير شي اني مااعرفه ليش هيج دكولين هي ملتهيه بدراستها لهذا ماتجي بس تسالني عليج دائما
نسرين مااعرف شكولج بس مااكدر اظم عليج بصراحه مااحبها تدخل بيتي لن متصورتها هيج تطلع
رحاب شكو
نسرين يمكن تضحكين اذا اكولج وتنصدمين صدكين عينها على امير
رحاب منووو هاي عينها على امير طيبه ههههه
نسرين أي حقج تضحكين
رحاب لا هاي نكته اكولج هي السلام كوه ترد له نوب عينها عليه كولي ياالله شفتي عليها شي امير كالج شي لو بس شك
نسرين أي طبيعي ماتصدكين لن مشوفيها من يدخل شلون
رحاب قاطعتها نسرين عيب هذا الكلام واني ملاحظتها من تجاوبه متباوع عليه وطيبه متسوي هيج شي شنو متعرفيها واكولها لج هي اصلا تضوج من امير من قبل ماتزوجون بس هاي تخيلات بعقلج لن هو خطبها قبلج وهي مالها ذنب
نسرين ماخطبها ابو رادها وامير رادني لي واكيد ماتسوي شي كدامنه حتى لا نلاحظ
رحاب نفس شي المهم هي قبلج رادوها لن بالج هذا الموضوع ورجاء مااريد دكولين هذا شي مره ثانيه لن اذا نعاد الموضوع بعد مادخل بيتج وانسي اني بنت خالتج
نسرين لا اني هم مااريد احد يعرف مدام هي كامت متجي لهنا وانتي هم حاولي لا تجيبيها وياج من تجين واذا صار وجتي انطيني خبر قبلها
رحاب مااعرف شلون اجه بالج هيج شي
نسرين اني اريد ابعد شك عني وابعدها عن امير هم لهذا مااريدها تدخل ببتي وتلتقي بي
