مشت بينه السنين ومرّت الأيام
بس فرگه ومرار وضيم حصلنه ..!
تركتنه الأماني بوسط كومه أحلام
خلصنه عمرنه وماخلص همنه ..!
عرفنه الهم نكد'بس بالصبر ينزاح
وبس الله المعين وهو يرحمنه ..!
وجزاها الله الشدايد كشفت المستور
وعرفنه ال يحبنه من الي يكرهنه … 😔✋
سنه غير كل السنين لا اكدر احزن عليها ولا اكدر أفرح بيها شعورين متناقضه
اي شعور منهم يجيني بلحظه الثاني يدخل دخيل على اول وتشتت افكاري
اليوم واني كاعده على مكتبي ونصدم
اخر شخص جان يجي على بالي عسوله بمشروعها لامه الربع كلهم
شنو هل صدفه لي جمعت الأناني والطماع والئيم ويايه المغرور والحاقد صدفه لو القدر
جنه دائما نشوف بالمسلسل بنهايه ينتصر الخير على شر وكلمن ياخذ حقه
وهاي عداله السماء داشوفها كدامي هسه
سبحان الله اريد واحد براسه حظ وكول حرامات مايستاهل لصار له ماكو
المتهم الرئيسي لي جان يوقع ويستلم المبالغ هو سرمد ابن عمي ولن هواي عالم مستلمين منها فلوس بحجه يحجز مكان او محل او صاله
طبعا امير شتكو عليه اصدقائه لهذا مشكلته نحلت بينهم بس سرمد لا لن هو بالواجها والعقود كلها بأسمه
وصدمه الثانيه التاجر لي نهزم هو وعسل يصير اخو زوجته لسرمد ولن كل تعرفهم نسابه هو وسرمد وكل العقود بسمه وحتى المشروع بااسمه وكع بيها
من صدمه لن اعرف شنو حكمه دخت وماكدرت اكمل دوام اخذت اذن ورجعت لبيت بلحظته خفت احد يعرف اني بنت عمه لو هو يشوفني
جانو جايبي لمحكمه وصلت البيت
واني احس بخوف ليش مااعرف ولمن اخاف هم مااعرف
غيرت ملابسي وكفت يم ماما اساعدها بطبخ او امثل اساعدها واني عقلي احسه واكف هيج دخلت المطبخ بس اريد لتهي
دوامي بهيج مكان شوفني العجب بهاي لكم يوم هزيت راسي اطرد الافكار وكتلها ها حب اليوم شنو دطبخين
ام طيبه اسوي كبسه لحم شتهيت وكلت اسويها
طيبه يله اني اسويها عنج هاي شنو هنا بهذا الجدر
ام طيبه هاي لحم خليته ينسلك
طيبه هو خلي اتذوقه شلت شويه من صلصه الله طيب هاي شلون هيج سوتي هاي الطريقه جديده احجي ويه ماما واحس معدتي تريد تكلب حسيت بغثيان مااعرف ليش وحس كلبي ممرود
ام طيبه اي كالولي عليها وجيت اسويها نجربها ونشوف
طيبه ها شنو طريقه كولي خلي احفظها مبينه طيبه
ام طيبه اول شي تطبخين تمن وراها تحمسين بذنجان مكعبات وبزليه جزر وكشمش وبتيته وبصل ولوز وقليل شعريه كلش قليل وتخليهن على تمن تخلطيها هاي مكونات التمن كملنه طبعا تسويهن مكعبات
