يهز كلبي العشك واشتاك كل يوم..
وتحن رويحتي ل ديرتكم تريد..
مضيع مدري تايه مدري مهموم..
مدري الروح ولت وانت عني بعيد..
لا ليلي اليريح عيوني بالنوم ..
ولا وجعات كلبي تقبل تهيد ..
ويمرر الموت بينا ومايمرون.؟...
وتهون أشما طفح ميزانها اتهوون...
وخلهم الباعوك لا تنشد عليهم؟
باجر تمر الأيام وينغدر بيهم...
ابو يوسف اني نطيتك اغلى واحب وحده بولدي وبناتي رغم عندي بس اثنين بس هي اعز من اختها
فقيره متاذي نمله حتى لي اذيها ماتاخذ حقها منه
ما تطلب شي مكتفيه بالعدها من توفت امها لحد هسه ماشفتها نزلت دمعه ودائما ضحكتها على وجها
جنت اتمنى تطلب تتعارك تسوي اي شي بس بعمرها ماغثت احد تطلع بهدوء وتدخل بهدوء
رغم انت عندك تجربه زواج سابقه واكبر منها بس كلت مادام رجال راح يسعدها ويحافظ عليها
اني شفت بيك الرجال الحنيه والعطوف
وامير تكفل بيك
بس طلعت بنتي عايشه بذل وقهر صح من اهلك مو منك ومااكدر اعتب عليك وغمج وياك لن راح دكول ما اعرف وذنب من رحاب
وبعد كل صار اذا ها اذا رادت ترجع لك اني اكولك ماترجع ويه اهلك من سابع المستحيلات اخليها ترجع هذا شرطي اني
له رحاب تريد تنفصل وانطيتها مهله كم يوم تفكر بيها وتهدى اعصابها اذا ضلت مصره على طلبها تنفصل
وينتهي الموضوع واذا لا شرطي اول شي تنفذه وبعدها اشوف ارجعها لك لو لا
دريد عمي اني مااريد اطلك زوجتي واريدها وعرف حقها خليها هنا ترتاح شكد متريد واني حاضر لكل لتريده
ابو يوسف اني اعتذر بنيابه عن يوسف لن ميصير يجاوز عليك اولا اكبر منه وبيتنا ونسيب هم واكفه وعيب عدنه اهانه النسيب
دريد لا عمي ماكو داعي تعتذر حقه هو اني العايل بي
ابو يوسف لا عيب عدنه النسيب ينهان عدنه مكانته جبيره
يوسف اني اعتذر منك بس ابويه كال لك رحاب اغلى وحده مو كدامك بس انت عاشرتها وتعرفها
كمت بست راس ابويه اسف يابه ان شاء الله متتكرر
دريد اني اترخص بس بعد اذنك عمي اذا ماعندك مانع اجي اشوفها
ابو يوسف هي زوجتك شوكت متريد هلا بيك بس اذا هذا شي برضاتها ماعندي مانع انا ابغض الحلال عند الله الطلاق
لا عبالك سهله علينه بس الله حلاله حتى المشاكل لاتستمر
دريد سلمت وطلعت واني الخجل ماكلني مااعرف وين اودي وجهي منهم كل مره من اكعد وياهم اني اصدر الكعده وهم يسمعون مني بس بهاي اني لسمع منهم
