وكيف لي ان أخبرك...!!
عن تعب قلبي 💕 عندما افتقد حديثك
فلن أقول إشتقت لكنني سأكتفي بكتابة
ينقصني انت لأكون انا...!!!❤
دريد اني احجي ويه الحجيه عود بس كون انت ونسرين تقنعوها لن اكو واحد رايدها ومصر عليها وشفته الولد مرتب وابن ناس من نفس عمرها شوفو شنو تريد
امير هاي شنو حتى على الولد سألت ههههه
دريد لا بصدفه كالي عليه اخو ولد صديقي وسالت عليه كالو ابن ناس وحلتهم زينه يعني مايتعيب امير الكلام لي سمعته عنها بالكليه خلاني اقفل عليها رايدها
طيبه واذا متزوج ومنفصل قابل حرام اثنين ماتوالمو بينهم اني مااريد اشيل غيبه يجوز البنيه هي سبب ويجوز هو الوحده من تزوج وتروح بيت زوجها تشوف عالم ثاني يختلف عن عالمها لعاشت بي لو تستجيب وتمشي المركب لو توكف لو ترجع تبقى هي وشطارتها تره اكو دكولج على شنو متحمله شي اكبر من طاقتي يجوز متحملت وظيفته
لو بعدها زوجته على ذمته ويريد يتزوج مره ثانيه جان كتلج ارفضي بس منفصل اني الولد حاجيه ويه محترم له درجه ومرتب يعني مامخربط وملطلط
عبير تره مو كل اثنين ماكملو سوه يعني بيهم عيب يجوز الضروف مساعدتهم ماحبو بعض هواي اسباب ليش تحكمين عليه وانتي اصلا من قبل مقبلتي يعني قبل لا تعرفين منفصل لا طلعين حجه هذا دليل انو انتي متردده
رحاب اني من البدايه مااطيقه ونوب امه جتي كملتها لو تشوفنها عبالك جايه غصب تباوعلي من فوك ليجوه دكول لبنتها يله كومي ميردون ينطون هي كوه واحنه حتى مانعرف هم على
شنو جاين
اي معلومه ماعدنه عنهم لهذا اكول ابعد عن الشر وغنيله احسن هيج هاي مقوله نسرين ههههه
طيبه اشوف لو تاخذين فتره تفكرين لن هسه اشكال بالج ولاتنسين ابنها الضابط هههههههه
رحاب دوختني بيها هههههه فد متباهيه عبالك بس هو اكول شعجب هذا تقنعيني عليه
طيبه لن شايفته من وصلنه وسولفت وياه هواي مشفت بي عيب محترم ومهذب يعني راكز له هيبه اني مااعرف برتبته جنت بس من كلامي ويا لا تعبان على نفسه ودارس الحياة وفاهمها واني نضرتي ماتخيب
من كتلج اجه لكليه وسلم عليه صديقتي جانت ويايه كامت تتلوك كدامه وتاخذ وتنطي بالكلام ويا تحاول تلفت نضره عجبني من مانطاها مجال رد عليها باادب بحيث خجلت من نفسها بدون مايحسس احد يعني لا تجاهلها ولانطاها مجال
اقصد طريقته بتعامل ويه المقابل كلش محترمه رزن له هيبته مكتسبها من خبرته بالحياة مو مثل لبعض مسوي لنفسه شخصيه ويحاول يبرز روحه وهو فارغ من داخل كلشي مايفهم ولا يعرف يعامل المقابل يمشي رافع خشمه وهو ملطلط درهم مايسوه
دريد اني اشوفه تعبان على نفسه حيل حتى من يضحك ضحكته بيها ثكل تحسي رجال بمعنى الكلمه
ويجوز من تشوفي وتخافين لن له هييه مسيطره على المقابل ولج وين شايفين هيج واحد حتى بالحلم ماكو
رحاب لو متقدم لج توافقين
