فـوت خلي الما رضـو كلهم وراك
وسـوي كلشي الدنيا باجر كاضيه
ولا يهمـك ناس ما ترضه عليك ؟
هي وادمنه عليمن ..... #راضيـه💔
كوثر ههههه منو المرحوم العايش بسويد
رحاب شنو عايش بسويد ليش تضحكين
كوثر رجلها عايش بسويد هي مطلقه مو ارمله
رحاب فتحت عيوني صدوك تحجين لا شنو مطلقه
كوثر غير ابن عمتي الثانيه هو نهزم قبل السقوط بكم شهر
وطلع مطلكها ودز لها ورقتها بس مكالت عبالها اهله يحجون عليه ويرجعها صار السقوط ونكشفت
رحاب ليش دكول ارمله لعد
كوثر عقلها تعبان
رحاب ضليت صافنه كتلها زين هو ليش نهزم
كوثر هو من قبل لا يتزوج يريد يطلع ذابح نفسه يريد يهاجر
جان ميقبل يتزوج تالي زوجو حتى يلتهي لن اذا يطلع تهريب ودوله عرفت اخوانه يوكعون بيها لن جانو بمناصب حساسه وهي ذبحت نفسها عليه
مخلت شي ماسوته حتى كال لها اي ساعه اخذ جنطتي وطلع ودزلج ورقتج وهي قبلت اهله عبالهم من يتزوج يشيل الفكره من راسه
بس هو ضحك عليهم لن رادو يسجنو فخاف تزوج وضل كم سنه يخطط لحد ماجته الفرصه ونهزم
جانت لاعبه بيهم طوبه ومحد مايحجي وياها علموده حتى لايكلهم انتو الزوجتوني تالي طلكها وشلع
رحاب بله صباح وبنتها شنو من بشر ذني شضامين عليه بعد اسرارهن ماتخلص
كوثر يمعوده ذني اذا مايخربن البيوت العمران يموتن ديري بالج ولاتنطيهن فرصه مدام دريد يحبج هذا اهم شي
والله بصراحه اني شايفته يموت عليج لاضيعي من ايدج هو رجل ونعم منه بس تنخي صح شويه عصبي بس مدام يحبج هاي هي حاولي تجنبيهن لن هو كلشي ولا امه
اني جنت مااسكت لها لساني متبري مني لا اكول عمه ولا اكول مره كبيره ويمكن لن ماعندي مشاعر تجاه وتحملها لخاطره واعتبرها هي سبب بزواجي بالغصب لن جان كل ما تشوف بابا دكوله انطيها لي حتى ماتخرب خوتنه دوختج مو بله هههه
رحاب لا والله اصفن من اسولف وياج يعني يوميا اكتشف شي وذكر امير من كلي ماوافقت لن انتي فقير لهذا مقبل بالبدايه
كوثر اي لكل يعرفها بس الصبايا ذابحات نفسهن على دريد وميعرفن عمتي وفاتن حتى اذا اقرباء يلعبن بيهن طوبه جان لكل حاسديني ويكولون اتبطر وشايفه نفسي
هاي انتي غريبه واني بنت اخوها شوفي شنو ديسون لا خوف من الله ولا من عباده
رحاب نهيت وياها واني صافنه راسي صدع من سوالفهن اذا هي بتول هذا عمرها وذبت عليه تهمه مادري هي صح فهمت غلط مادري اني ثوله هو مال ثوله ثوله مااعرف شلون اتصرف وياهن
