شفت بيك العشگ غافي
وشفت بيك النفس دافي
وعشگتك من گلب ولسان
عشگ ماي وعشگ عطشان
وعشگ سباح للغرگان
وعشگ خبزه بحلگ جوعان
وعشگ فقره بزمن طغيان...
كعدت الصبح على شي يمشي على وجهي فتحت عيوني على وجهه مبتسم وخصله شعري بيده يمشيها داير مداير وجهي وعطر غسول الجسم لي جبته له مالي الغرفه ابتسمت كتله صباح الخير
دريد صباح الخير يا وجه الخير شكد شوخرتي
رحاب اني لا يمه اني ابد ماعندي هاي السالفه
دريد ليش فزيتي تدرين حتى محسيت بيج
نومتج عدله مابيها اي ازعاج شلت هم كلت بس لا تطلع من ذني ليدفرن وشبع دفرات ههههههه
رحاب لا نومتي مااتحرك بيها هواي ههههه لاتخاف
دريد الحمد لله همزين
رحاب خله شفافه على خدي وباسني بوسات خفيفه وكال
دريد يله كومي
رحاب لعد حسيت عليك مانمت له وجه الصباح ما رد بس ابتسم وهز راسه بمعنى اي نزلت علمود الريوك وقبلها اتصلت بطيبه حتى يجون متفقه وياها من اصحى اتصل حتى تجي هى وخاله ام يوسف
يجيبون صبحه دخلنه المطبخ كل ضني وحدنه بالبيت
لن كلهم راحو امه واخته همه عافونه وحدنه بس نصدمت بالحجيه موجوده كتلها
صباح الخير خاله وهي ردت بوستها ودريد ورايه صبح عليها باركت وبوسته
كعد مقابيلها وكال لها
دريد ها حجيه مغبشه شعندج
الحجيه بيتي ان شاء الله تريده الك البارحه طردت الاوادم كنله عريس ويريد ياخذ راحته
رحاب اباوع عليهم واحد يناكر الثاني
دريد والله اذا ماعدهم احساس شسوي لهم مايفيد بيهم غير الطرد
اني كلت أمي راح مدخلهم لبيت راح توكف بلباب لهم بس شو انتي ذبيتي عبايتج وكعدتي
الحجيه حمامه غراب يعريس
دريد شتدرين بيه بس لو ادري انتي هنا جان هديتج عليها
الحجيه ها بدت تتمقلج عليك
دريد لا كامت دور امها
رحاب باوعت عليه وعوجت حلكها ضل هو يداهر بيها ويضحك وهي احسها متعصبه
ندك جرس البيت وطلع دريد فتحها دخلت خاله وطيبه سلمو عليه وباركو له ودخلن لبيت هم سلمو عليه وعلى الحجيه ردينه بوستهم وباركو لنه
ضلت الحجيه صافنه على الريوك الجايبي نترس ميز طعام فدوه لكلبه بابا ممخلي شي ماجايبه صينه كيمر كبيره وشيشه عسل كبيره ومربى اثنين واجبان وكاهي صينيه وصمون يكفي عشيره وحتى كيك وكليجه جايبين اكيد هاي عبير دزته فدوه لكلبها
