تستاهل يگلبي الي يصير وياك-
كم مره النصح وياك جربته~
تعاندني بصلافه دگلي لاغلطان-
مايلوك الكُره إبگلبي جربته~
مو كافي يگلبي شلون خل ارتاح-
ياهو الگال احبك انت صدگته~
بعضهم من صدگ يتمنى انت بخير-
وبعض الناس بس يريد مصلحته~
بَسَك ياگلب كثًرَت بيَ جروح -
وتاهت ياهو عِفته وياهو ضَمَدته❤
ام علي تدرين سرمد طلع متزوج
ام طيبه ياسرمد
ام علي سرمد ابن حماج ليش اكو غيره
ام طيبه ياااا شوكت
طيبه بس سمعت اسمه ضليت اسولف ويه عبير واذني يمهم زوجت عمو زيدون دتسولف ويه ماما واني بالي يمها من كالت متزوج عبالي تقصد على غير واحد بس احس صارت رجفه برجلي
بحيث احس نفسي كوه واكفه هي ثواني بس مااعرف شنو صار عقلي رافض بس جسمي صدك حتى عبير انتبهت وسكتت صفنه على ام علي جنه واكفين باب المطبخ دخلنه وام علي دكول ابن حماج صفنت عليها وعبير تقربت لها
عبير ام علي تقصدين سرمد لي نعرفه ابن عمكم
ام علي يمعودات هو اكو غيره شبيكم متعجبات والله ليش لومكم هو احنه هم مثلكم نصدمنه
عبير لمن خطب
ام علي اكولها متزوج دكول لمن خطب عرس عيني لف المسعده بحظنه
عبير هيج بسرعه زواج لا خطبه لا مشيه
ام علي والله مااعرف عيني لي عرفنا صار له شهرين من متزوج
طيبه واكفه اسمع وبدت الرجفه من رجلي تصعد صارت بكل جسمي احس كلبي نغرز بي سيف لزمت الكاونتر وجهي مادري شبي احس دمي نزل من راسي لرجلي
دكات كلبي يمكن صارن ينسمعن هلكد ماسريعه وقويه عبير عبالك تعرفني أسئلتها نفس لي يدور بالي واريد اسألها ومااكدر انطق احس شي مكتفني وعكد لساني اريد اصرخ ما اكدر احس نطق وكف لكلمه محصوره يم بلاعيمي اعض بشفافي وأني بعمري كله اضوج من هاي الحركه مااسويها وتخبل لو شفت وحده تعض شفتها اريد اكولها لا كذب بس اكو شي يمنعني كله بثواني صار بذيج الدقيقه مادري شنو صار بيه احس من قبل منتظره هاي الضربه
عبير كولي غيرها ام علي شنو سالفه خاف خاطب
ام طيبه شو لعد محد عزمنه انتو عزموكم
ام علي اكولهن سرمد طلع متزوج دكولي عزمكم هاي شبيكم اليوم ركزن وياي حقجن عيني والله سالفه متسولف احنه هم كل شويه اكوله لابو علي خاف مو هو
بس ولا توقعناها منه نزل من نظرنه طلع نفس اهله الئيم عود كلنه احسنهم وتعبان على نفسه وحباب طلع اضرب منهم
صدمه والله كلنه ليش هيج سوه نتمنى له الخير ونحبه قابل مراح نفرح له
عيبر لعد شمدريج متزوج
