الحنضـــــــل ينجــــرع مـــرات
لـــــو اقيســــة بسوالفهـــــــم
ومـــــرات البعـــــــد مريــــــود
للي مو خوش عشرتهــــــــم
فتحت الباب صارت رحاب بوجهي صفنت عليها والخوفه برجلي نهبطت ذيج الهبطه المعدله بحيث كوه نطقت كتلهم ها رحوبه خو ماكو
شي
رحاب لا بس متضايقه ومخنوكه وجيت يمج
طيبه تعالو ليش واكفين من خوفي نسيت اكول لكم دخلو
يوسف اني اروح وانتن دخلن وقفلو الباب لاطلعن على اي احد طيبه لو ما رحاب ضايجه جان هسه سويتلج زفه
طيبه خير شكو
يوسف شلون بسرعه فتحتي الباب
طيبه غير انتو
يوسف انتي متعرفين ويايه رحاب وفتحتي الباب غير قبل لا تفتحين الباب تسالين شرايد جاي بهيج وقت
طيبه وانتي غريب وسال ليش ماعرفك اني
يوسف غريب واذا قريب ميصير تفتحين الباب عفيه طيبه مره ثانيه لاتسويها دنيا صايره غابه وخوفج من القريب قبل الغريب
مابيها شي لو سألتي شرايد اعتقد هاي الكلمه مابيها شي
طيبه ياا فدوه اروح طولك بس انت وحد عن لكل وهم راح اسمع كلامك لاتخاف نصيحه راح اخليها ترجيه هههههه والله كلامك ذهب
يوسف يله دخلو خاف تردون شي اتصلو عليه
رحاب روح لبيت لاتخلي بالي عليك
يوسف لا وين اروح دنيا ليل وعندي دراسه يله دخلو كدامي
طيبه طبينه ماما نايمه خطيه واني جنت محضره الكتب بس مصارلي واهس فوتي شبيج شو موعلى بعضج صاير شي
تعاي شوفي كلبي راح يوكف كلت منو جاينه بليل
رحاب سوده عليه نهبطتي مصاير شي بس مادري من رجعت من زفه ولهسه اني مخنوكه كوه اخذ النفس
طيبه ليش صار شي احد غاثج مسمعيج كلمه بزفه
رحاب لا بلعكس الزفه كلش حلوه بس
طيبه بس شنو ليش سكتي عليش تبجين على رضاب لن تزوجت هزت راسها اي
رحاب عبالك بعد مااشوفها والله احبها اني ابتعدت عنها لن دور مشاكل مالها داعي وبدون سبب بس هسه مادري احس خسرتها
ماكضينا وقت هواي اني وهي خسرتها
طيبه هذه سنه الحياة مو اليوم باجر حتى اذا ماكو مشاكل يجي يوم وكلمن تشوف حياتها ويصير لها بيت وعائله تبقى بعدها من تنجمعون سوه من تجي عدكم لبيت تبين الحنيه والمحبه بينكم انتي لن مامتعوده ضلين وحدج
صح هي تتعارك وياج بس اسم اختج نفس وياج امانج لو ضاكت بيج الدنيا لهذا شفتي مكانها خالي هذا شي بالبدايه صعبه وراها عادي تتعودين حاولي وياها من تجي وصيرن صديقات كافي بعد فهميها عيب كدام عيالها لو زوجها اذا سمع دور مشاكل
كومي نسوي شي نأكله اني على غداء وبعد مكلت طلعنه بالمطبخ ناكل ونسولف يله رحوبه بعد مومال نضيع وكت مضل شي على امتحانات
