هي عيني الشافتك وانه ابتليت
ومن هذيج اللحظه طگاني الهوى
دنيا اذا مابيهه شخصك ليش اعيش
بدون شخصك انه والميت سوه
مرّه سألوا ع الشمس گلت الظلام
ومن حچولي عليك گلتلهم ضوه
وهسه انت رويحتي من تروح اموت
وما اظن ساعتهه ينفعني الدوه 💉❤️🔥
رحاب مشت السياره بنفس الطريق لي جنت من اجي من عيالي وروح البيت اهلي والعكس
اريد اسأل وين رايحين زين البيت لي بناء وين لحد هسه مااعرف باي منطقه ساكته اريد اشوف ليوين يريد يوصل
معقوله ماخذني لبيت اهله اول
لا مايسويها ضليت ساكته لحد ماقتربنه من الشارع لي يوصل لبيت اهله كل ضني ماخذه قريبا عليهم هيج اجه بالي فكرت
يمكن وره بيتهم بشارع لحد مادخلنه فرع بيت اهله هنا متحمله
هاي وين جايبني ليش اجيت لبيت اهلك
دريد اجينه لبيتنا
رحاب انت كلت بيت وحد بنيت
دريد أي اخذت الحديقه مال اهلي وبنيتها
رحاب شو مكلتي
دريد انتي انطتيني مجال احجي وعبالي تعرفين يوسف ماكال لج ام فاطمه
رحاب وليش يعني دكولي ام فاطمه لو يوسف سكتت لن غلطي المفروض اسأل قبل لا اجي وكف السياره وعيني على مكان الحديقه
واجهيت البيت الباني جانت تجنن عبالي اتعارك هههههه
بس من شفته حلو ومعتني بي سكتت نزل فتح باب البيت واني نزلت شايله جود
دخلت برجلي اليمنى مثل ماكالت لي عبير سميت اول نضره لي جان منظره يشرح لكلب وكفت اباوع حديقه صغيره من يم شباك الصاله بيها مرجوحه وميز مال طعام صغير وكراسي شايفتهن من قبل بس وين ما اتذكر
الممر لي يودي لمطبخ كله تارسه سنادين ورد معلكات بالحايط عبالك لوحه مرسومه بالسنادين حجمهن بكد كف اليد هو دخل الغراض بطرمه وسد باب الشارع
راح فتح باب المطبخ ورجع يجيب الغراض الباقيه اني مشيت اول مادخلت المطبخ شفت المطبخ لي اختاريته لعبير نفسه جايبه هو
نصدمت دخل ورايه شايل غراضي وغراض جود ذبهن واجه اخذ جودي مني لزم ايدي وسحبني له باسني من خدي
دريد الحمد لله على السلامه نور البيت
رحاب مشى وايده بعدها شابكه ايدي دخلني لهول وصاله وغرفه نومي كل الاثاث البيت لي اختاريته لعبير طلع لي
جهزت بيتي بدون مااعرف هو يباوع عليه ويبتسم باوعت عليه هزيت براسي خوش عصابه مسوي انت وصديقاتي
دريد شسوي ماتمشين له هيج شونه البيت
رحاب حلو عاشت ايدك لو ايدي
