مشتاگ لرحلتي و ذيچ الايام
حلوه ايامنا بلون الطباشير
رحلتنا قديمه تشگ الهدوم
وارد زعلان من روس البسامير
احل وكت الظهر و الگه امي ع الباب
و تسألني بفرح شنطوك تحضير؟
مدرستي و رحلتي و صفي حلوين
و كبرنا و غفله مرت ذيچ السنين ...
رحاب هههههه يله كملتو تعاي خلي اني البسج ملابسج هاي تحسسني اني كد الامومه وراح اكو شاطره بتربيه اطفالي
عبير أي عاد انتي اشطر منج ماكو اكولج ليش متاخذيني ليوسف تره خوش جنه والله ادريكم وباريكم كله عليه انتي كعدي وحطي رجل على رجل وامريني واني اكول حاضر ها شكلتي
رحاب ليش عيني ماخذين له عجوز خرفانه
عجوز البين سكران بطل بيره هههههههه
عبير ثول مو وجه نعمه عبالي انفعكم وتنفعوني يعني مصالح مشتركه بس انتو دفرتو نعمتكم بيدكم شوفي يا حبابه تقبل بيكم
نضحك ونشاقى علمود طيبه شويه تتغير نفسيتها كملنه لها وطلعنه كعدناها يمنه شويه لاضل محبوسه بالغرفه لازم تغير جو كافي بعد حاجره روحها
هي متقبل نطلع لمنتزه لو زياره اتعصب من نكول لها
جيران كل شويه تجي وحده يشاقون ويضحكون ينجمعون يم خاله نسوي جاي وكليجه خطيه خاله من شافت طيبه كاعده يمهم لبست عبايتها راحت اشترت علاكه مليانه جبس على نساتل عصاير تمشي وتوزع على سلامتها فرحتها ماتنوصف شلون وجهه رجع بي دم عبالك وحده مستنده على الثانيه وحده تباوع على ثانيه ولمعت عيونهن واضحه فرحه على راحه على هدوء
ضلينه نتضر النتائج اطول ايام حسيتها شطولها واخيرا استلمنه والمفاجئه لي صدمتنه هي نسرين ناجحه بمعدل ٨٨ واني ٨٠ ورحاب ٨١ فرحنه الحمد لله جنه بضروف ما يعلم بيها غير بس الله وكعت طيبه هدت حلينه مدرت بال على دراستي لن صديقتي وروحي من دنيا واكعه وكدام عيني ومااعرف شنو اسويلها تمنيت اني اوكع ولا هي الحمد لله بدء كلشي يرجع طبيعته سوينه حفله على كدنه بيت خاله ولمينه كل صديقات خاله لكل تعجبو على الضيافه المسويها بهذا اليوم صدك فرحنه وتونسنه شبعنه سوالف دخلنه لغرفه وطيبه كالت
طيبه اني اسفه بنات كله من ورايه جان هسه معدلاتكم اعلى من هاي لتهيتو بيه وضاعت عليكم فرصه
عبير انتي شعليج هو هذه الدرجات نطلعها بالمدرسه وزين هيج طلع لنه تعرفين السادس كلمن وحظه بنهايه شفتي نسرين كضتها عليج تاخذ غش وماتقراء وتالي اعلى من عدنه السادس انتي وحظج يعني منو جان متوقع انتي هاي سنه تأجلين ونسرين تنجح اني جنت اتوقع تنخطب وتبطل لن مالها واهس بدراسه لو طلع درجه بزايد ستين بس كلمن ونصيبه لي مايعرف نسرين يكول خطيه تعبت وحصلت درجه حق تعبها
واذا عاجبج تردين الجميل مثل مدكولين شدي حيلج وكومي والله مامقهوره على المعدل مقهوره عليج لن من اشوفج اموت قهر حتى دراسه لي اجلتيها عادي السنه الجايه تعوضين بس هاي كعدتج محلوه توجع لكلب بنيه بعمرج هيج كاعده
