دنيا و كضيناها قهر
واحدنه من حزنه انكسر
و شبيك يا وكتي صعب
شو بشر ما يرحم بشر
الناس متغيره أحس
واليوم اصعب من أمس
شو طال ليلك يا حزن
بس خوفي ما تطلع شمس … 😔✋
رحاب مرت الاياام بهاي الفتره دريد مشغول هواي لليل يله يرجع
اتصلت على نسرين دنسولف وسالتني
نسرين شبيج شو ضايجه
رحاب عندي موعد ويه دكتوره ودريد مشغول
نسرين جان جيتي وياه شويه غيري جو يمنه
رحاب هسه
نسرين اي
رحاب دريد عدكم
نسرين اي توه اجه هو وامير
رحاب صفنت على كلام نسرين هو كال عندي شغل وحتى اذا صح ليش من راح ويه امير لبيتا متصل عليه
نهيت وياها طبيعي واتصلت بي دك ومرد عليه مره ثانيه وهم ماكو بثالثه رد الو
دريد ها عمري
رحاب وين انت
دريد بيت امير ليش
رحاب تدري عندي موعد ويه الدكتوره لا انت لوديتني ولا خليتني اني اروح
دريد ياعيني ليش انتضرتي جان انتي رحتي موكتلج مشغول
رحاب دزيتلك مسج كتلك اتصل على يوسف ومرديت عليه
دريد ماشفته
رحاب مشفته شكد بارد انت شنو من بشر
اني ميته وانت دكول مشفته
لعلاج لي داخذه ايذيني وانت دكول مشفته حالتي النفسيه زفت وانت دكول ماشفته
معدتي نعدمت بسبب العلاج وانت دكولي مشفته
دريد يله خليها على باجر ليش عصبتي
رحاب ليش عصبت مااروح لاباجر ولاغيرها
دريد بعد احسن
رحاب هو كال هيج لو عبالك ضربني بكلبي شلت الموبايل وركعته بلميز طشر صار اربع قطع
طفيت الضوه ونمت ابجي على نفسي ليش هيج اعصابي تعبت من الحجي ونضرات الشمات والعلاج لي اخذه تعبني
كملت السنه الثانيه واني من ثاني اسقاط بعد مصار عندي
صار كم شهر ملتزمه اخذ علاج بدون فايده امنيتي ولد بنيه بس حتى لصم حلوك العالم واولها الحجيه
اني راضيه بالكاتبه الله بس لي يحجون ولي يسألون ولي يشمتون ونضراتهم تموتني صرت مااحب اطلع مناسبات بسبب تصرفات البعض واسالتهم
اكو صار لهم سنين ما عدهم اكول الله يساعدهم شون عايشين اني صار مرتين عندي ومخلصانه من لسانهم وبعدني توني سنتين اشكال الحجي اسمع لو خلصت سنه الثالثه شلون
