لحظه لا هذا الدرب بي ذكريات
يعني من دون الطرق من دونها !؟
كون ذيج الشجره تنگص وتموت
وكون هاي المسطبه ايشيلونها
فدوه ذاك الجسر لاتعبر عليه
اهنا حلفنه العشره ابد منخونها
وگلي هم ايمر وكت تنساني بيه؟
كتله من اجنازتي ايشيعونها
المدرسه هي لتفيدج
طيبه اي همزين رجعت حتى عمو زيدون يكول ماشاء الله وجهج منور قبل جنتي جامده هههههه يعني معقوله اني جنت هيج مو حلوه
رحاب خطيه هو الوحيد الحنين من عمامج هو وزوجته صدك يستاهل الله يوفقه
طيبه الباقين مثله كل اهل ابويه فقره وحنان بس نسوانهم شايفتهن من وحدتهن تفتح حلكها تخلي المقابل يكول ياريتني ما حجيت لهذا عمامي يشترون راحت بالهم الرجال اذا اخذ بنت اوادم وحنينه تعلمه على حنيه حتى اذا هو جاحد
عبير انطوني اني اغسل الماعين رحوبه خو ما بعدج جوعانه
رحاب لا الحمد لله طلابه بعد ههههههه الكرش شما اقصي بي لازم اضعف كدام الاكل
عبير اي مو كلت ههههه باعن صدك راح افتح دوره ثانيه مال تعليم خياطه تعالو تعلمو بلاش لجن حتى بيجن يكثر للعدد
رحاب اشوف اني مالي واهس بس اجي اقضي وقت
طيبه اني هم افضي نفسي ساعه واجي اريد شويه اشوف ناس احس متقيده تدرون إجه عليه وكت كرهت طريق المدرسه
من جنت مريضه اذكر السنه الفاتت من عمري اول يوم داومت من رحت اباوع على شوارع على البيوت حتى ابو المحل لي نشتري منه كرهته بلحظتها بس من دخلت المدرسه كلشي تغير من رجعت احسن نفسي طايره من الفرحه
رحت كائيبه ورجعت مليانه سعاده مااعرف شلون اشكركم لن وكفتو ويايه عمري ماانسى طيبتكم وعطفكم عليه لو ما انتن جان سويت اني وحدي
عبير يله عيني رحمله والديكم على لكبه كلش طيبه عاشت ايدكم لن اذا نظل نسوالف راح ننصبها مناحه وطيبه راح تطلع تتسول بينه ههههههه
طيبه هههههه الف عافيه سويتها نفس معلمتيني طلعت هيج خفيفه ام بيت هنياله لياخذج
رحاب هههههه لا بعد زمن الدموع راح ووله يله عبير امشي باي حب نجي عود غير يوم نكعد ليل ونكمل
طيبه باي سلامي لماشفناهم يمشن ويضحكن واني اباوع عليهن ودعي ربي كون يحفظهن وينطيهن على نيتهم طلعن البنات واني كملت كم حاجه بالبيت وبعدها اتصلت رحاب شايطه هههههه
رحاب هلو قلبوشتي شفتي بنت خالتج البر.... اريد هيج اكول عليها طلعت اليوم خطبتها ومكالت جاين اهل امير
طيبه منو تقصدين على نسرين بالعافيه عليها
رحاب كوه يله كالت طلعت حجه له تكمل بعد كلشي مصاير وصتني لادكولين لطير بشر شنو راح نحسدها
