ربع حبي يعادل كل اليحبون
نص حبي الك ماحبتك امك
من تنجرح انته يسيل منك دمك
دروح افحص وشوفه دمي لو دمك .؟
عليه اتعودت وبدوني راح تموت
لحد الموت من حبي ولا افطمك
اني العلمك تتهجه معنى الحب
غيري اللي يجي ماتكولي شيعلمك
دريد طفي ضوء اريد انام نعسان
رحاب طفيت واجيت كعدت كل مره يحظني يله ينام من يكون راجع من الخفاره يضل يشاقى ويضحك يشتم بشعري وركبتي ويكول هل مره اني انام بحظنج
بس هسه بعد كل هاي المده اشوفه بارد
نزع ساعه وخلاها على ميز لي بجهته مدد على ضهره غمض ثواني وانطاني ضهره ضليت كاعده وصافنه عليه
من هلكد مامشتاقه له اريد احظنه اريد اختل بحظنه اريد اشكي همي بدون مااحجي له يعرفني ويحس بيه من اكو شي صاير لي
بس مقهوره من معاملته لي ليش هيج شنو شاك بيه اني بالقصد وكعته لو شنو خاف كالو له شي لا مااعتقد جان ماسكت بس يمكن تعبان
رجعت اني هم مددت احس دكات كلبي راح توكف شعري صار على عيوني حركت ايدي على كيف وبعدته عن وجهي صار صوت مال لبتوت بسرعه خليت ايدي الثانيه عليهن حتى لايطلعن صوت وجهي عليه خفت ليصيح بيه ندار عليه وكال
دريد الحمد لله على السلامتج
رحاب عبالي راح يحجي بس من نطق الحمد لله على السلامه رتبكت رديت له بصوت مرتبك الله يسلمك
احس عبالك غريبه عليه تقربت منه بسته من خده بدون وعي حظني ونام بدون ما يكول اي شي اني مكدرت انام ضليت جامده بحظنه وره الساعه وحده ضهر يله كعد
نزل يتريك فاتن من شافته وكعت له تبوس وخذته حاصل فاصل مانطته مجال يرد لها هو مبتسم لها
فاتن بالنه يمك صاير اناني شغيرك انت الحنين ابو كلب طيب قبل جان لو شما يصير ابد ماتعوفنه جنت كل ساعه تتصل علينه تسأل
ماجنت هيج احنه شنو ذنبنه فدوه راح لك اخذ شر وراح ليش هيج ضعفان
رحاب ضليت صافنه عليها لي يشوفها مايصدك هاي هي وامها يردن يهجمن بيت اخوهن وهن اصلا هجمنه بسبب غيرتهن يموتن ولا يشوفنه مرتاح وسعيد
ليشوفهم ميكول ذني لاعبات طوبه بزوجته وهن لي خلني اسقط الحمل اغسل بالماعين وحجي ويه نفسي اني كتله بس كلمه الحمد لله على السلامه وهاي هي معرفت احجي شي ويا
جتي بنت فاتن تصفك وتركص كدامه فرحانه بشوفته كعدت بحظنه تشاقى ويا وتضحك وهو طاك ضحك وين صارت الكتله مال احمد لمن ضرب جدي
غميت نفسي اني وغسل الماعين حتى يمكن شافني اني لي لازم اسوي هيج
اني لي ابين له شكد مشتاقه له
