عريان يگول:
مو گوه المحنه الگوه ما
تنراد
يامحلى النفوس بكيفها من تحن
نسرين والله ماادري هاي شبيكم اكلتني و شربتني هسه هي شلون صارت ضل بالي عليها
رحاب شلون حالها بعدها
وديناها لدكتور يكول تنسى هاي سنه الدراسيه مقهوره عليها بله سنه كامله راحت هيج شكد تعبت ودرست تالي تبخرت بلحظه ومنا علاجها يطول عدها نهيار قوي حتى متكدر تنطق وقله الاكل مأثره عليها ملتمه عليها كل الامراض
لو شوفين حالها اصلا متعرفيها اليوم اول يوم امتحان واني مامصدكه هي نايمه بفراشها مو ويانه تنهدت تنهيده شكت كلبي اويلي عليج طييه شكد جانت تنتظر الامتحانات اكثر وحده متلهفه لها وتالي هي الوحيده لي ماحضرتها
عبير كله من وره القرايه نهار كله لازمه كتابها تريد معدل يله بنات هاي اجه الخط صعدنه ورجعنه لبيت طيبه لكيت ماما جايه كتلها ها همزين اجيتي كلت بس لا احد يجي وماتكدرين تجين يمهم وخاله متكدر لها
ام عبير لا اجيت من صبح خطيه امها وين بيها حيل وخاف هي هم تكعد لازم احد يراقب حالتها شونكم باامتحان انتن
رحاب شونج خاله لتفت عليه جنت وراها واكفه
ام عبير هلا خاله هلا بيج شونج عيني توني اكول شونكم بالامتحان كل تفكيري يمكم
رحاب الحمد لله ماشيه بوستها وهي تبوسني ودكول
ام عبير ريحت امج اشتمها بيج من ابوسج اووف راحت بعز شبابها جانت ورده مفتحه ذبلها المرض
نسرين شونج خاله
ام عبير هلا خاله هلا بيج شونج امج شونها شو صار هواي ماشايفتها كامت ماتمر علينه
نسرين ملتهيه والله هي هم مريضه متطلع هلكد
ام عبير سلمي عليها هواي مابيها غير العافيه شونج باامتحان شو صافنه ما جاوبين عليه
عبير زينين الحمد لله
رحاب اباوع على نسرين لكل مره امها مريضه بس من تسوي حفلات لو عدها سفره لو معارفها عدهن ونسه ماتتمرض بس من يمنه لا
ام عبير يله اني اروح خواتج وحدهن ذني من يشوفن نفسهن وحدهن يلعبن طوبه بالبيت وانتن اذا تحتاجن شي اتصلو عليه لاطلعن انتن اني اجي لو اكلف وحده من ربعي تجي عليكم
عبير اي روحي مدام اجينه احنه هاي هي
ام عبير اني سويت الغداء وكملته والعشاء هم خليته بثلاجه
عبير يافدوه لكلبج نعناعه همزين نقذتينه اروح فدوه لج ربي يخليج خيمه فوك راسي ولا يحرمني منج تعاي ابوسج صار هواي مابيستج بستها وهي دكولي
ام عبير شتغلت الواكه الغداء اني سويته لكم بس العشاء خواتج كالو احنه نسوي لهن خطيه عدهن قرايه جابو من البيت هناك محضراته مسويات لكم معجنات وكيكه ومخلمه وكص كالو خاف يجوعن ومابيهن حيل يسون يلتهن بالقرايه عاد بس يخلو بالفرن خليته بحافظات طلعو واكلو لا تهملن نفسكم حتى اذا خلص يسون بعد لجن لا تشيلن هم يله اني رايحه
