『قٌصص ﺑٱرۅد』

⍅قُصة مـريم⍆

قصة وحده من اخواتكم
من الخاص

لتنسون تضيفون الكتاب حتى يوصلكم كل جديد
لا يابه لا والله ردت اگُلك بس چان يمك خطار واني دگيت باب المحل بس ما فتحتلي..

بدون أي تفاهم طردني بره والجو مطر و دنيا ليل واني طفله عمري ٩سنوات وين اروح بهيچ ليل؟ ومنو الي اذا اهلي او بالأحرى ابويه سندي وحزام ظهري شمرني بالشارع؟

هاذي كانت بدايتي اني اسمي مريم عمري ٩ سنوات عايشه ويه اهلي ابويه متزوج ع امي عندي ٣ اخوات اختي الجبيره اسمها مها عمرها 25 سنه والثانيه ڤيان عمرها 19 سنه واني وماعندي اخوان ولد..

ابويه اتزوج بحجة يريد ولد بس مو هذا عذره هاي حجه يقنع بيها الناس..

-حتتزوج واني حامل؟
-اذا حچيتي و گلتي يا ويلچ.

ماما خافت من أبويه كلش ومتريد مشاكل امي كلش فقيره من اجيت لدنيا ابويه چان بالحزب هذا الحچي من چان صدام واله هيبته والكل تخاف ابويه عصبي كلش وميتفاهم ولبسه وعسكريته رعب..

يوم من الايام كان أول يوم رمضان والجو شتاء وجيرانه عدهم طفل زغير چان كلش يبچي بهذاك اليوم اعتقد چان ممتون جدتي تعرف لهيچ شي اجتي

-اريد مريم اتروح وياي بس تدليني على البيت
-امي˛:والله اني ماگدر اگُلها تروح خلي تگول لابوها اذا قبل ما عندي مانع..

رحت على أبويه چان نازل اجازه وعنده محل يگعد بي دگيت الباب ماكو دگيته انوب مافتحلي ٠ان يمه زلم وهوسه..

-مرت ابويه: روحي قابل شراح يگلچ هوه انتي بعدچ زغيره..

والله اقتنعت بكلامها ورحت وياريتني ما رحت رجعنه بعد أذان المغرب ورحت لبيتنه طبيت للمطبخ اخذت تمر حتى افطر ابويه چان ديغسل على المغسله اجه شافني..

-وين چنتي
-يابه...

بعدني ما كملت واجه الراشدي بوجهي

-طلعي بره
-يابه والله دگيت الباب...

ما سمع مني وطلعني بره و سد الباب وين اروح الدنيا ليل وظلمه والناس دتفطر وهدوووء وشتاء وبارده گلت خلي ارجع لبيت جيرانه رحت وگفت بالباب اباوع يمهم أهلهم وملتمين ديفطرون عزت عليه نفسي شگول ابويه طردني؟ زين شنو السبب؟

بقيت واگفه بالطريق حايره وين اروح وفجأه گامت تمطر چانت عايزه والتمت صارت بارده كلش گعدت على رجليه وغطيت راسي بملابسي إلى أن اجت امي..

-يلاا تعالي
-وين مارجع يكتلني
-امشي اني وياچ

ماقبلت اروح شالتني واخذتني للبيت ماشفته بس من طبيت گام يحچي ويغلط على امي ويگول لمرته وخواتي كلشي لتخلن واذا يبقه بالجداري ذبنه أي اب هذا؟ والله حرام يكون اب المهم اخذتني امي غيرت ملابسي ونمت حتى ما فطرت وبقيت لثاني يوم وهم صمت واني كلشي ما ماكله

بعد فتره اختي مها اجوها خطابه وتزوجت واخيرا راح تخلص من العذاب.. بعد زواج مها ابويه گام يتحجج وبده يسوي مشاكل مالها داعي ما چنت افهم شنو ديصير اتعارك ويه امي وراحت لبيت جدادي وبعده مستمر بالمشاكل اجه وضرب ڤيان وحبسها بالغرفه بدون اي سبب هيچ لحاله

استخطيتها كلش ومابيدي شي اسوي اروح عليها من الشباك اشوفها تبچي اكُلها تريدين شي ماتحچي
زين شنو أگدر اسوي بس گُليلي اوووف ياربي

-مرت ابويه: اني راح اروح لهلي ابوچ بعد ميريدني ديربالچ على اختچ
- اشلون تعوفيني وحدي
-من اروح راح يطلع ڤيان

والله صدك وراحت بقيت وحدي للعصر اجه زوج مها وگعد يحچي ويه ابويه وسوه نفسه مريض ومسويله سحر ولازم يشرب حليب جاموس ياربي هذا شبي ماعرف زوج مها مسايسه مادري منطي على گد عقله المهم اجه وفتح الباب على ڤيان وراح..

ابويه تمرض كُلش ماعرف سوه نفسه مريض بعد كم يوم اجت ام مرت ابويه تريد أصلح الموضوع وعبالها ترجع بنتها بس شافت شي ما منه فايده وراحت وثاني يوم اجو الولد اخذو الأغراض وراحت..

مرت ابويه تطلگت بعد زواج 11 سنه ابويه گام ورجع امي ورجعت حياتنه طبيعيه بس ابويه يروح ويجي ما نعرف وين مره اجني وياه نسوان گال (يريد يشوفن البيت) بس افترن وسلمن علينه وطلعن

وره كم يوم ابويه گال اريد اتزوج اني ما اضل هيچ اريد ولد يشيل اسمي و صدگ تزوج بالبدايه حلوو و مرتاحين و بعد شهر اجوي اهل مرت ابويه لينا وخطبو ڤيان لابنهم ابويه بعده فرحان بـ زواجه گبل انطاها وهيه بعدها عمرها 18سنه..

بعد فتره صارت مشاكل بين ابويه ومرته انو هيه تريد يم أهلها وابويه ما يريد يعوف بيته و منطقه المهم شالت ملابسها وراحت لأهلها اخوها وامها من شافو بنتهم زعلانه يمهم اتعاركو ويه فيان ودزها النه وهيه حامل شهرين وبقت يمنه بس ابويه شوفها نجوم الظهر رادها اتذب الطفل حتى يطلگها ويوميه عركه جديده

وبعد مشاكل استمرت سنتين ڤيان رجعت لزوجها لان صدگ ما قصر وگف وگفة زلم وعزل بيها عن أهله ولم زوجته وابنه اما مرت ابويه لينا ما گدرت تعيش ويانه واطلگت بقينه بالبيت اني وامي وابويه

والله وياكم