ألسلام عليكم
اشلونكم انشالله كلكم زينين
جبتلكم قصة جديدة اليوم
اتمنى تعجبكم ولا تنسون التصويت والتعليق ❤️
عنوان القصة بَس احـبها
┈┉━❀❃❀━┅┈
البيت الي بصف بيتنه حايط ع الحايط متروك اكثر من خمس سنوات حتى اذا اصعد للسطح لو اباع من شباك الغرفة الفوگ اشوف الدغل و الحشيش مغطي الحديقة و متبين الگاع مالتها لان مثل مگلت البيت متروك وماكو احد مهتم بي .
ابو البيت الاصلي صاحب املاك ببغداد بس هو اصلا مو من بغداد من محافظة ثانية بس يشتري بيوت يعوفها فترة طويلة و بعدين يبيعها يحصل من وراها خوش فلوس
فد يوم امي چانت ترش الطرمة و سمعت ناس جوي للبيت وعرفنه انو البيت راح ينسكن كيفنه لان بصراحة البيت المتروك مرات يخوف
يعني مثلا حرامي من المنطقة يطفر بي اذا انكشف لو بي حشرات لو بي فار و جريدية واكيد شكلة محلو اذا يبقى فارغ .
ع العموم البيت جوي بي عائلة مكونة من اربع نفرات بنات ثنين و امهم و ابوهم طبعا قبل ميحولون الغراض جوي ينظفون البيت واني چنت بذاك الوكت معطل يعني دوامي بعده مبادي و مگظيها لو بالبيت لو اطلع وي اصدقائي لو بالمنطقة لو بباب الشرجي لو كرادة نفتر .
چنت صف خامس اعدادي بذيج الفترة
الحاصل .
احنى گاعدين نتغده بالمطبخ اني و اختي وامي وابوية چان بعده بالشغل سمعنا صياح بنات بس صياح مو طبيعي عبالك جنازة امي طفرت من مكانها لان الصياح بالبيت الي بصفنه الچان متروك .
اختي هم گمزت واني هم ركضت و كبل فتحت باب البيت البره و امي گبل فاتت للبيت الي بصفنه بدون حتى متدگ الباب لان الباب مال بيتهم چان ممسدود الظاهر عايفي مفتوح لان ابوهم رايح يجيب شغلات من السوگ مال تنظيف و يرجع ولان البيت مابي جرس بعده عافوله الباب مردوده .
انوب امي فاتت جوه اشو هم كامت تصيح !
اني من حلاة روحي وخوفي على امي گبل دفعت الباب و فتت انصدمت بيهم كلهم يركضون يمنه و يسرى ويصيحون وامي ركضت عليه بدون اي احساس دعمتني وطفرت بره
هههههه طلعو العينتين همه و دينظفون واگعه كوره مال زنابير من وحدة من الاشجار و هاجه عليهم الزنابير و شلون زنابير عيوني من ذوله الحمر المكحلات بسوار اصفر ذهبي على بطنهم ههههههههه و صارت هجمة مرتده عليه اني عود ردت انهزم بره وره امي .
بس ماعرف شجاب رجلي دخلها بسطله نايلون بيها مي وزاهي و تزحلگت و وگعت على وجهي الوگعه چانت عبالك هدية للزنابير يعني شايفين واحد واگع على صواني مال جمر شلون يتگلب من الجويات ؟
هيچ گمت اتگلب بالگاع و وي كل گلبه انگرص من مكان و حظ الفكر الزنبور الي يگرصني يچلب بجسمي گمت على حيلي بس گمت دايخ هم من الوگعة وهم من الوجع مال گرصات و ركضت مغمض عيوني بس على اتجاه الباب البره لان خفت لا يگرصوني من عيوني و غمضتهم بس اني كل عقلي متوجه على باب البره .
أنت تقرأ
『قٌصص ﺑٱرۅد』
Short Storyلم أرَا نظرات الحُب الحقيقية إلا على عتبات المقابر ، والمستشفيات ، نحن أُناسٌ لا نتذكر من نحبهم إلا في النهاية.
