『قٌصص ﺑٱرۅد』

⍅همسه و هشام⍆

9:39م
رساله لقلبك الجميل : ابتسم قليلا وكأن العالم حزين مِہטּ دون تلك الابتسامه هل تعلم بأنك ستكون نجمه منيره وملاك ؏ـلئ الأرض لشخص مِہטּ البشريه سواء كان بعيد أم قريب هناك دائما شخص لك ربما تشعر نفسك وحيدا احيانا ע بأس جميعنا نشععر بذلك ولكن تذكر قوله تعالى (خلقناكم أزواجا) فقط دع أملك دائما اقوى مِہטּ شعور الوحده هذا وتذكر إذا لم يكن لك أحد تستطيع أن تأتي الي سأسمعك حتى وإن كنت ע أعرفك ولكن عندما تأتي دعني أرى تلك الابتسامه

همسة اختي قبل متكون صديقتي ... علاقتي بيها مو علاقة شهر لو سنة لو خمس سنوات .. علاقتي بيها علاقة طفولة و كومة سنين و ذكريات و احلام عشناها سوه .. چنت ما اطلع من البيت اذا ما اشوفها واگفتلي بباب بيتهم هي وجنطتها و امها واگفتلها وره الباب تنتظر استلمها ..

اخذها من ايدها و نمشي سوية لحد منوصل للصف .. اني وياها بنفس الرحلة والله ... اختي وحبيبتي و صديقتي .. چانت تبچي على بچيي و ابچي على بچيها ... يجوز من كبرنا خلينا علاقتنا تصير سرية و مو طدام عيون المجتمع ... لان مجتمعنا مع الاسف ميرحم هيچ علاقة بريئة بين ثنين جوارين .. و مستحيل يترجمها صح و اكيد ولازم يخلي بيها (انه) ... بس بالطفولة چِنه ثنينا مكشوفين و منخاف من الناس ..

همسة تاخذ رأيي بالصغيرة و الچبيرة و اني نفس الشي هم ما اضم عليها شي ... عرفتها على حب عمري وحياتي و چانت دائما تدخل بنصنا من تصير مشكلة بيني و بين حبيبتي و تحاول تصالحنا ... اختي والله العظيم اختي ..

همسة تزوجت زواج تقليدي والي تزوجها معايش بالعراق ... عايش بالسويد .. چانت تتصل بيه بدون ميدري و تحچي وياي ... بالمناسبة بهل الحچي چنت متزوج اني و مرتي تگعد بصفي وتسمع كل الحچي ..

الي تزوجها انسان حقير وميخاف الله و ابو نسوان
.. وهي المسكينة كلش نظيفة و بس چانت تريد تعيش وترضي اهلها و المجتمع وهاي هي ...

الرقم الي چنت احچي وياها بي هو نفسه نفسه رقم زوجتي .. يعني ع الفايبر ..

و هي تحب زوجتي كلش و زوجتي تموت عليها وتدري بيه شگد احبها وشلون معتبرها اختي ..

فد يوم رجعت من الشغل و زوجتي فاجئتني بشغلة سخيفة وما صدگت بوقتها الا شفت الرسائل .. السخيف النذل داز رسائل لزوجتي من رقم سويدي ثاني و كاتبلها اني شفت صورتچ بـ الفايبر و ماعرف شصار بيه.. و اني سامع صوتچ اكثر من مرة .. وفوگاها شكاتب !!
كاتب واعرف زوجچ شلون معذبچ و شلون مضوجچ وانتي بس تريدين تخلصين منه؟

زين هالحچي اصلا زوجتي محاجيته عليه و لا گايلته عليه ولا جايبه طاري اني مضوجها .. من قريت رسائلة بالبداية صدگ تعصبت و احترگت حرگ بس من وصلت لهل الجملة ضحكت بلا وعي ..
لان الغبي ماعرف شنو قصده بهل الحچي!

يعني عباله اني مضوج مرتي و هي من تگعد تحچي وي زوجته ساعات تشكيلها عليه؟
ما اعرف درب سواه حتى يفوت لزوجتي بي .. و كاتبلها دزيلي رسالة گُليلي بيها شوكت تفرغين حتى نحچي صوت ..