السلام عليكم
عمري چان سبع سنوات تقريبا و اختي الصغيرة عمرها تقريبا سنتين ، يگولون مرات الطفل ميتذكر الماضي و اذا يربى يم احد ينسى امه چذب هالحچي ، اني منسيت أمي ابد ، چنت يوميا بليل اباوع عالسگف و اتخيلها و اسمع صوتها بكل مكان بالبيت بس هي مموجوده و هي اصلا مميته هي حيه ترزق بس مو يمنه ببيت جدي ، ابوية انفصل عن امي و اني و اختي اعمارنه صغيره سبب الانفصال خالي ، خالي سوه مشكله چبيره وي ابويه و صارت مشاكل بيناتهم وصلت للمحاكم و انسجن خالي فتره و طلع ..
من طلع تهجم على ابويه و ضربه بسچينه و انهزم و هم لزموه و حبسوه ، جدي ابو ابويه گال لابويه طلگها لزوجتك و ابويه عبالك ما صدگ مع العلم امي مسكينه و مالها دخل بلي صار ، طلگها و تزوج وراها ، الي تزوجها ابويه قبلت مرغمه ان تربينه لان هي بنت عم ابويه و طبعا جانت متاخره بالزواج و نفسيتها كلش محلوه بكل شي …
چنت بأذني اسمعها من تحچي وي خواتها بالتلفون تحچي عليه وعلى اختي و عبالها اني ما افتهم چنت اشوف بعيونها نظره اشمئزاز من تنظف اختي وتلبسها حفاظات لدرجة اني بذاك العمر تعلمت احفظ اختي و اسبحها و حتى من تفوت للتواليت (مكرم القارئ) اني الي انتظرها يم باب التواليت حتى افوت اغسللها وره متكمل .
و مچنت اگول لبابا هالشي لان ابويه اول حجايه راح تطلع من حلكه اذا فتحت وياه هيج موضوع هي سب و شتم على أمنه .
و المضحك المبكي بالموضوع على الرغم من اعمارنه صغيره ولازم نبقى يم امنه بس اهل أمي من كرههم لابويه وره الي صار غصبو امي تقبل انو احنى الجهال نبقى يم ابونه ، بحجة خلي هو يحير بيهم …
و طبعا ابويه قبل على هالشي و ما قصر رأساً تزوج جابلنه زوجة اب على اساس تدارينه ، اختي الصغيرة گمت احسها بنتي و اني عمري اصلا صغير چنت اني اسويلها كل شي حسيت روحي شايله مسؤوليتها ، و طبعا ابويه ملتهي بزوجته الي خلته مثل المخبل من كثر ما تحجي و تطلب منه شغلات ..
ابويه امكانيته كلش زينه وكل الخير الي عند ابويه هو من جدي ، يعني البيت الي گاعدين بي مساحته ٣٠٠ متر و ملك بس لابويه وهو چان عمره صغير مو جبير و اصلا سبب المشاكل الي وي خالي و حتى سبب الانفصال هي الفلوس ، و بيت جدي اهل امي هم مقاصرين و امكانيتهم كلش زينه يعني الي اتذكره بالعراق چانت سالفة الخدامات بعدها مطالعه و زوجة ابوية هلگد مو عجوزية و تتعاجز من عدنه على الرغم اني شايله مسؤولية اختي گامت تتعارك وي ابويه يجيب وحده تخدمنه ..
و جاب وحده چانت زوجة الحارس مال المعمل مال بيت جدي ، الي جتي چانت تخدم زوجة ابوية متخدمنه بس چانت تحبنه كلش اني واختي و كبرنا ثنينا ، كبرنا و احنى بعالم وحدنا الحمدلله متفوقات بالدراسة و معدلاتنه كلها قوية بكل السنه …
و مثل مگلت اختي چانت تحس روحها مسؤولة مني مو من ابويه حتى من چانت تريد شي تجي عليه و اني اروح اگول لابويه الي تريده و هو ينطيني …
أنت تقرأ
『قٌصص ﺑٱرۅد』
Short Storyلم أرَا نظرات الحُب الحقيقية إلا على عتبات المقابر ، والمستشفيات ، نحن أُناسٌ لا نتذكر من نحبهم إلا في النهاية.
