To Be Loved...

-11-

ZAWGYI READERS CAN SCROLL DOWN

UNICODE

လူတယောက်နဲ့လက်ထပ်တာကအရမ်းနက်နဲမယ်လို့ရောင်ခြည်ကထင်ခဲ့တယ်။တကယ်တမ်းဖြစ်တော့လဲ ခဏလေးအတွင်းမှာဖြစ်ပျက်သွားခဲ့တာပဲ...သူကအခုပျားရည်ဆမ်းခရီးအတွက်ငပ္ပလီကိုအကိုလေးနဲ့ရောက်နေတယ်....မန္တလေးလေဆိပ်ကနေလေကြောင်းလိုင်းနဲ့လာတာမို့ညနေစောင်းလောက်မှရောက်ပြီးအရမ်းကိုကြည်နူးဖို့ကောင်းတဲ့နေရာကစိတ်ကိုအေးချမ်းသွားစေတယ်။

ပင်လယ်နံ့သင်းနေတဲ့လေတဖြူးဖြူးနဲ့ ပင်လယ်ပြာက ပုဇွန်ရောင်ခြည်သမ်းနေတဲ့နေရောင်ခြည်နဲ့ပနံသင့်လွန်းလှတယ်။

"မင်းအကျကလှသားပဲ''

အပြာရောင်လွင့်လွင့်နဲ့ခရုအဖြူရောင်လေးရောစပ်ထားတဲ့အကျကတကယ့်ကိုနွေရာသီစတိုင်ဖြစ်ပြီးလူငယ်ဆန်စေတာမို့အကိုလေးကရောင်ခြည်ရဲ့အမြင်ကောင်းမှုကိုချီးကျုးလိုက်တော့ထိုကောင်လေးကသူ့ကိုပြုံးပြလာ၏..

ကမ်းခြေမှာနှစ်ယောက်သားပေါ့ပါးစွာနှင့် နေ၀င်ချိန်ကိုကြည့်ကာအတူတူရှိနေရတာကိုရောင်ခြည်ကအခုထိအိမ်မက်လို့ထင်နေတုန်း။သူတခါမှအကိုလေးနဲ့ဒီလိုမပုံဖော်ခဲ့ဖူးတာမို့သူ့နှလုံးသားကတဒိတ်ဒိတ်ခုန်နေတာမှမနက်ခင်းမီနေတဲ့Alarm clockလေးလိုပဲ။

ဘေးတဖက်ကသူချစ်ရသူကတော့ပုဇွန်ဆီရောင်ကောင်းကင်နဲ့အရောင်တူတူဖြစ်တဲ့အကျကိုမှ အုန်းပင်လေးတွေတောင်အဆစ်ပါသည်ကို၀တ်ဆင်ထားကာသူသဘောကျလွန်းလှတဲ့စူးရှတဲ့မျက်၀န်း‌တွေက ကမ်းစပ်ကိုထိကပ်နေတဲ့လှိုင်းတချို့ကိုငေးမြောနေသည်။

ဘယ်လောက်တောင်လှတဲ့မြင်ကွင်းလဲဆိုတာ သူမတွေးတောနိုင်အောင်ပဲ။

သူကြည့်နေတုန်းပဲထိုမျက်၀န်းလေးတွေကသူ့ဘက်လှည့်လာသည်မို့တုန်နေတဲ့ရင်ကနှစ်ဆလောက်ပိုတောင်တုန်လှုပ်သွားရသည်။ ထိုသူနဲ့ပတ်သက်လာရင်သူ့ရဲ့နှလုံးသားဟာဆယ်ကျော်သက်တယောက်‌သာသာပဲဆိုတာကို၀န်ခံပါတယ်။