Unicode
Chapter 29
Professionals Just Aren't the Same
____________________________Ran Feng Ge ၏ ဒဏ်ရာက ကျက်စပြုလာပြီ။ အားသွန်ခွန်စိုက် လုပ်ရသော လေ့ကျင့်ခန်း တစ်စုံတရာမပြုသ၍ သူ့ကို ဒုက္ခသိပ်မပေးတော့ပါ။
လွန်ခဲ့သည် ရက်ပိုင်းက Ran Feng Ge ၏ အခြေအနေကို မြင်ခဲ့ရစဥ် ယနေ့ပြုလုပ်မည့် သတင်းစားရှင်းလင်းပွဲကို Su Yi Mo ဖျက်သိမ်းချင်ခဲ့သည်။ ထိုအမျိုးသားအတွက် ကြီးထွားလာခဲ့သော သူ၏ စိတ်ဝင်စားမှုအညွန့်အညှောက်ကလေးကို ချိုးယူပြီးနောက်မှာမူ စီစဥ်ထားသည့်အတိုင်းသာ ဆက်သွားရန် Su Yi Mo ဆုံးဖြတ်လိုက်သည်။
သူ့တွင် Ran Feng Ge ကို အထူးအာရုံစိုက်ပေးစရာ၊ ထည့်သွင်းစဥ်းစားပေးစရာ အကြောင်းပြချက်မရှိချေ။
Ran Feng Ge က ယနေ့နံနက်စောစောထပြီး ရေချိုးခန်းထဲတွင် ပြင်ဆင်အလုပ်များနေသည်။
ဗန်နတီပေါ်တွင် အရောင်တောက်တောက် ဘူးနှင့်ပုလင်း တစ်ပုံတပင် နေရာယူထားသည်။ Ran Feng Ge ၏သွက်လက်သော လက်ချောင်းများက ၄င်းတို့ထဲသို့ သွပ်လိုက်ထုတ်လိုက်ဖြင့် ယနေ့ရှင်းလင်းပွဲအတွက် လိုအပ်သည့် မျက်နှာဖုံးပြုလုပ်ရမည့်အရာများကို ပေါင်းစပ်နေသည်။
သူ့တာဝန်ကို အာရုံစိုက်ထားသဖြင့်
လေးလေးနက်နက်အမူအရာက မျက်နှာမှာလာပေါ်ပြီး သူ့ကို အလွန်အမင်းဆွဲဆောင်မှုရှိစေသည်။Ran Feng Ge ကို စစ်ဆေးရန် ရေချိုးခန်းထဲသို့ Su Yi Mo ခြေချစဥ် ဤဖြစ်ရပ်ကို ကွက်တိရင်ဆိုင်လိုက်ရသည်။
စိတ်ပိုင်းဆိုင်ရာ ပြင်ဆင်ပြီးဖြစ်သောကြောင့် ဤတစ်ကြိမ်တွင် မငေးမောမိစေရန် သူ့ကိုယ်သူ ထိန်းချုပ်လိုက်နိုင်သည်။
သူက မျက်နှာအမြန်လွှဲလိုက်ပြီး အကြောင်းရှာမေးလိုက်သည်။
"မင်း အဆင်သင့်ဖြစ်ပြီလား?"Ran Feng Ge သူ အခုတင်လုပ်ပြီးသွားသည့် ပါးလွှာသောမျက်နှာဖုံးကို ကောက်ကိုင်၍ မျက်နှာတွင်ကပ်ရင်း မှန်ထဲသို့ကြည့်လိုက်သည်။
"ပြီးခါနီးပါပြီ။ အချိန်ခဏပဲပေး""အဲဒါကို ကပ်ထားရုံပဲလား? ချွေးထွက်လာပါပြီတဲ့..တစ်ယောက်ယောက်နဲ့ တိုက်မိပါပြီတဲ့..ကွာမကျနိုင်ဘူးလား?"
Su Yi Mo က တံခါးကျည်းပေါင်ကို မှီရင်း သိချင်သလိုမေးသည်။
YOU ARE READING
လူစားထိုး
ActionTitle: Ti Shen / 替身 Translation: Body Double Translator: Giraffe Corps Author: Bei Tang Mo / 北棠墨 Publisher: LC Read / 連城 Genre: Action, Drama, BL Original Language: Chinese Status: Complete (3 Volumes + Extras) Translation: Ongoing Full credit to o...