Unicode
Chapter 36
The Truth
______________________ကိုယ်လုံးပေါ်မှန်၏ မျက်နှာပြင်တွင် အရိပ်ထင်နေသည်က အမျိုးသားတစ်ဦး၏ အဝတ်မပါသောခန္ဓာကိုယ်...
ကျယ်ပြန့်သည့် ပခုံးနှစ်ဖက်၊ သေးသွယ်သည့် ခါး၊ သိမ်မွေ့သည်ညှပ်ရိုးများ၊ ကြွက်သားစိုင်များရှိသော်လည်း ဖုထစ်မနေသည့် ရင်ဘတ်နှင့် ကျစ်လျစ်ဖြောင့်တန်းသည့် ခြေတံနှစ်သွယ်..။ ကျားခန္ဓာကိုယ်တစ်ခု၏
ချို့ယွင်းချက်မရှိသည့် ကောက်ကြောင်းများက ညှို့နိုင်စွမ်းရှိသော ပုံရိပ်တစ်ခုကို ဖော်ပြနေပြီး စင်းလုံးချော ခပ်လတ်လတ်အသားအရေမှာ အပြစ် အနာအဆာမဲ့လှသည်။
သူကား ပြောင်မြောင်စွာထုဆစ်ထားသည့် ကျောက်ဆစ်ပန်းပုရုပ်ပမာပေ။Ran Feng Ge လက်မြှောက်ကာ သူ၏လက်ညှိုးဖျားဖြင့် ဘယ်ပခုံးမှ ညာဘက်ခါးတိုင်အောင်ရှိသည့် မမြင်ရသောလမ်းကြောင်းတစ်ခုကို ဖြည်းဖြည်းချင်း ခြေရာကောက်မိသည်။
မှန်ထဲမှ သူ့ပုံရိပ်ကို ကျော်ကြည့်၍ ဖုံးကွယ်ထားသည့် အတိတ်၏အခိုက်အတန့်များဆီငေးမောနေပုံပေါ်သည်။"မင်းမှာ ဒီလိုဝတ္ထုစွဲ ကာမစိတ်*မျိုးရှိနေမယ် ထင်မထားဘူး"
[*ဝတ္ထုစွဲကာမစိတ်= သက်မဲ့အရာဝတ္ထု တစ်ခုခုအပေါ်တွင် ကာမစိတ်ဖြင့်စွဲလမ်းတပ်မက်ခြင်း၊ အရာဝတ္ထု၏ ပုံသဏ္ဌာန်တစ်ခုခု သို့မဟုတ် လှုပ်ရှားမှုတစ်ခုခုကို မြင်ရုံဖြင့် ကာမစိတ်ဖြစ်ပေါ်လာတတ်ခြင်း။ ဥပမာ ယနေ့ခေတ်တွင် အရုပ်နှင့်လက်ထပ်ခြင်းမျိုး။]
အထက်ပါနှင်းခါးရိုက်စကားလုံးများကိုကြားမှ Ran Feng Ge ပစ္စုပ္ပန်သို့ ပြန်လည်ရောက်ရှိလာ၏။ မှန်ထဲသို့ကြည့်လိုက်လျှင် တံခါးဝတွင်ရပ်နေသည့် Su Yi Mo ကိုတွေ့လိုက်ရသည်။
တံခါးကို တွန်းဖွင့်လျှင်ဖွင့်ချင်း ယခုလိုမြင်ကွင်းမျိုးနှင့် ကြံရမည်ဟု Su Yi Mo မျှော်လင့်ထားပုံမပေါ်။ သူ့မျက်ဝန်းထဲက အံအားသင့်မှုမှာ ယခုတိုင်မကွယ်ပျောက်သေးပေမည့် ခွင့်မတောင်းဘဲ အခန်းတွင်း လျှောက်ဝင်ပြီးနှင့်ပြီ။ သို့သော်လည်း သူ့အကြည့်က Ran Feng Ge ၏ကိုယ်ပေါ်တွင် တာရှည်မနေပါ။
YOU ARE READING
လူစားထိုး
ActionTitle: Ti Shen / 替身 Translation: Body Double Translator: Giraffe Corps Author: Bei Tang Mo / 北棠墨 Publisher: LC Read / 連城 Genre: Action, Drama, BL Original Language: Chinese Status: Complete (3 Volumes + Extras) Translation: Ongoing Full credit to o...