UnicodeDon't worry, I would never in love with....
စားသောက်နေရင်း စကားစမြည်ပြောဆိုခြင်းက အလွယ်တကူ ဆို့နင်စေနိုင်သည်။ အထူးသဖြင့် Ran Feng Geလို အစားကို ခံတွင်းတစ်လုံးအပြည့် လျှံထွက်မတတ်ထည့်ကာ ညက်သည်မညက်သည် ဂရုမထားဘဲ တစ်ချက်နှစ်ချက်ဝါးကာ မျိုချလေ့ရှိသော လူမျိုးတွင်ဖြစ်သည်။ ရုတ်ချည်း သူ့ခန္ဓာကိုယ်က တောင့်တောင့်ကြီးဖြစ်သွားပါ၏။ လက်ထဲကတူတစ်စုံကိုပစ်ချပြီးလျှင် လက်သီးဆုပ်နှင့် ရင်ဘတ်ကို တဒုန်းဒုန်းထုသည်။ လည်ချောင်းကိုဆန့်ပြီးလျှင် အားစိုက်မျိုသည်။ မျက်ခမ်း မျက်စပ်များပါ နီမြန်းလာ၏။
"စွပ်ပြုတ်ရည်နည်းနည်းသောက်လိုက် " ဟု Su Yi Moက သတိပေးသည်။
ရုတ်တရက် နားလည်သွားသည့် မျက်နှာနှင့် Ran Feng Geက သူ၏ဘယ်လက်ထဲတွင်ကိုင်ထားသော ကိုက်လတ်စ ဘန်းမုန့်ပေါင်းကို ခွက်အတွင်းသို့ ပြန်ထည့်လိုက်သည်။ ပြီးသည်နှင့် စွပ်ပြုတ်ခွက်ကို လက်နှစ်ဖက်နှင့်ကိုင်ကာ နှုတ်ခမ်းရှေ့သို့မြှောက်၍ အကြိမ်အနည်းငယ် လေနှင့်မှုတ်လိုက်ပြီး နည်းနည်းစမ်းသောက်ကြည့်သည်။ အရမ်းမပူ၊ ကြက်သီးနွေးရုံသာဖြစ်ကြောင်းကိုသိလျှင် တန်း၍မော့လေတော့သည်။
Ran Feng Ge ၏ထိုကဲ့သို့ ဖုတ်ဝင်နေသူတစ်ယောက်ပမာ၊ စသည်မှအဆုံးထိ ဟားတိုက်ဖွယ်စားသောက်နေပုံကိုကြည့်ရင်း Su Yi Moသည် ကူရာမဲ့ကာ ခေါင်းရမ်းမိရသည်။ စွပ်ပြုတ်ကို ကုန်အောင်သောက်ပြီးမှ Ran Feng Ge လေတစ်ချက်တက်လိုက်သည်။ ယခုမှသာ အောင်အောင်မြင်မြင် ခဲခဲယဥ်းယဥ်းနှင့် မျိုချလိုက်နိုင်ခြင်းဖြစ်သည်။
"မင်းကို ကြည့်ရတာ သေလုမျောပါးနာမကျန်းတဲ့သူနဲ့လည်းမတူဘူး " ဟု Su Yi Moက သတိကို လွှတ်ချကာ အသည်းအသန်စားသောက်နေသော Ran Feng Ge ကို ကြည့်ရင်းဆိုသည်။ ယခင်က အေးတိအေးစက်လူသားသည် ယခုတော့ တဖက်သူကို ရယ်သွမ်းသွေးရန် ထိုသို့သော တဗျစ်တောက်တောက်စကားကို ထုတ်ပြောလာ၏။
သူ့ဝမ်းကို ဖြည့်ပြီးချိန်မှသာ Ran Feng Geက မတ်တပ်ရပ်ကာ အိပ်ယာဆီလျှောက်လာသည်။ "တစ်ခါတလေ စိတ်လွတ်လက်လွတ်နေရတာက ကောင်းတယ်လေ။ ဒါနဲ့ ခင်ဗျား ဒီကိုမလာခင်က လိုအပ်တဲ့ပြင်ဆင်မှုတွေ မလုပ်ခဲ့လို့လား ?"
YOU ARE READING
လူစားထိုး
ActionTitle: Ti Shen / 替身 Translation: Body Double Translator: Giraffe Corps Author: Bei Tang Mo / 北棠墨 Publisher: LC Read / 連城 Genre: Action, Drama, BL Original Language: Chinese Status: Complete (3 Volumes + Extras) Translation: Ongoing Full credit to o...