Unicode
Chapter 37
Shall we have a dance?
_______________________နောက်တစ်လအတွင်း Su Yi Mo က Ran Feng Ge အတွက် တုပသရုပ်ဆောင်ရာတွင် သုံးနိုင်မည့် ကိုးကားစရာများဖြစ်သော သတင်းစာဆောင်းပါးအဟောင်းများ၊ အင်တာဗျူးများ၊ အယ်လ်ဘမ်များ၊ ရုပ်ရှင်ကားများ၊ တီဗီရှိုးများ၊ Jing Qiu Han နှင့်ပတ်သတ်သည့် အခြားအရာများမျိုးစုံကို ရှာပေးခဲ့သည်။
ထိုသည်များကို လက်ခံရပြီးနောက် Ran Feng Ge အိမ်တွင်းအောင်း၍ တစ်ယောက်တည်းသဘောရှိ လေ့လာတော့သည်။Su Yi Mo က နေ့တိုင်း ထွက်သွားပြီး ညမှပြန်လာသည်။ Su Yi Mo အဘယ်ကြောင့် နောက်ကျမှပြန်လာရသနည်းဟု အဖြေထုတ်ရန် သူစဥ်းစားကောင်း စဥ်းစားမိသော်လည်း သူ့အလုပ်ရှင် ဘာတွေလုပ်နေလဲဟု Ran Feng Ge ဒုက္ခခံမမေးပါ။ ကုမ္ပဏီ၏အရေးကိစ္စများ စီမံခန့်ခွဲခြင်းကလွဲ၍ Su Yi Mo အတွက် အရေးကြီးဆုံးအရာမှာ သဘာဝကျစွာ Jing Qiu Han ဆီအလည်သွားရန်ဖြစ်ပေမည်။
ရံဖန်ရံခါ Su Yi Mo လုံးဝအပြင်မထွက်သည့် ရက်များလည်းရှိပါသည်။
ထိုသို့သောနေ့များတွင် ကြမ်းပြင်တွင် တင်ပျဥ်ခွေ၍ Jing Qiu Han ၏ ရုပ်ရှင်နှင့်တေးဂီတ တစ်ခုခုကို ကြည့်ရှုနားဆင်ရန်
ကွန်ပျူတာဖန်သားပြင်ကို မမောမပန်းနိုင် စိုက်ကြည့်နေသည့် Ran Feng Ge ကို
သူက ဆိုဖာတွင်ထိုင်၍ ကြည့်နေလိမ့်မည်။
ရံဖန်ရံခါ..
Ran Feng Ge က Jing Qiu Han ၏သီချင်းများကိုနားထောင်ရင်း နားကြပ်ခွက်ကိုတပ်ကာ ပတ်လျှောက်နေတတ်သည်။
သူ၏ ကိုယ်နေဟန်ထား၊ လမ်းလျှောက်ဟန်၊ ခြေလှမ်းအမြန်နှုန်းတို့မှာ အင်တာဗျူး ဗီဒီယိုများမှ Jin Qiu Han နှင့်ဆင်၏။ ဖြည်းဖြည်းချင်း ပို၍ပင်တူလာသေးသည်။"မင်းရဲ့ သရုပ်ဆောင်စွမ်းရည်နဲ့ပတ်သတ်ပြီး ငါစိတ်မပူပါဘူး"
တစ်နေ့တွင် Su Yi Mo က မနေနိုင်ဘဲ ရယ်သွမ်းသွေးသည်။
"တခြားအပိုင်းတွေမှာတော့ ငါ့အထင် စံချိန်မမီသေးဘူးလားလို့။
မင်းအတွက် ဆရာတချို့ရှာပေးရမလား? ဆိုတတ် ကတတ်ဖို့လိုတယ်နော်။ လူထုရှေ့ကို တစ်ဖန်ပြန်ထွက်ဖို့ ပြင်ဆင်ရအောင် မင်း ကုမ္ပဏီကို ပြန်တဲ့အခါ မင်းရဲ့ဖန်တွေကို ပြီးပြည့်စုံတဲ့ Jing Qiu Han ဖြစ်ပြဖို့လိုတယ်နော်"
YOU ARE READING
လူစားထိုး
ActionTitle: Ti Shen / 替身 Translation: Body Double Translator: Giraffe Corps Author: Bei Tang Mo / 北棠墨 Publisher: LC Read / 連城 Genre: Action, Drama, BL Original Language: Chinese Status: Complete (3 Volumes + Extras) Translation: Ongoing Full credit to o...