အလင်းရောင်မှိန်ပြပြလေးသာရှိတဲ့ အခန်းလေးတစ်ခုထဲတွင် 'တီး တီး တီး ´ ဆိုတဲ့နာရီနိုးစက်သံကဆူညံလာလေသည်။
ရီပေါလည်း အိပ်စက်နေရာမှ နိုးထလာပြီး နာရီနိုးစက်ပိတ်လိုက်ကာ ကုတင်နံဘေးမှာရှိတဲ့ အချိန်ဇယားစာအုပ်ကိုယူကြည့်လိုက်တော့
" ငါ ဒီနေ့ ကျောင်းသွားရမှာဘဲ့ "
တစ်ယောက်ထဲပြောပြီး ကုတင်ပေါ်မှဆင်းကာ ရေချိုးခန်းတွင်းသို့ဝင်သွားတော့သည်။ ကိုယ်လက်သန့်စင်ပြီးတာနဲ့ နက်မှောင်နေတဲ့အဝတ်အစားတွေဝတ်ကာ အနည်းငယ်ပြင်ဆင်ပြီးတာနဲ့ အောက်ထပ်ကိုဆင်းလာတော့ လှေကားဝမှာရပ်နေတဲ့ သူ့အတွင်းရေးမှူးနဲ့အိမ်တော်ထိန်းကိုတွေ့လိုက်ရလေသည်။
" မင်္ဂလာမနက်ခင်းပါ သခင်လေး "
ထိုနှစ်ယောက်ရဲ့ နှုတ်ဆက်ခြင်းကို ခေါင်းငြိမ့်ပြလိုက်ပြီး အိမ်က စားဖိုမှုးပြင်ပေးထားတဲ့ မနက်စာကိုတိတ်တဆိတ်စားလိုက်ပြီးတော့မှ ကော်ဖီသောက်ရင်း အနောက်မှာရပ်နေတဲ့ သူ့အတွင်းရေးမှူးအား
" ဘာပြောစရာရှိလဲ "
စကားစလိုက်တာနဲ့ အတွင်းရေးမှူးက သူ့လက်ထဲရှိဖိုင်တွဲကို ဖွင့်ထုတ်လိုက်ပြီး ရီပေါလက်ထဲကိုထည့်ပေးလိုက်ပြီးမှ
" ဒီနေ့ ညနေလေးနာရီမှာ အပတ်စဉ်ရှယ်ယာဝင်အစည်းအဝေးပွဲရှိပါတယ် ဆရာ၊ ဒီမတိုင်ခင်မှာ နိုင်ငံခြားကလာတဲ့ စီးပွားရေးသမားတစ်ယောက်က ဆရာကို နေ့လည်စာစားရင် ကုမ္ပဏီအကြောင်းပြောချင်တယ် ဆိုပြီး အကြောင်းကြားထားပါတယ်၊ ညကြရင် သွေးနက်ကျောက်ဂိုဏ်သားတွေက ဆရာနဲ့အတူညစာစားရင် တင်ပြဆွေးနွေးစရာတွေရှိလို့ ညစာစားဖို့ဖိတ်ထားပါတယ် "
( သွေးနက်ကျောက် ဂိုဏ်းကရီပေါတည်ထောင်ထားတဲ့ ဂိုဏ်းတစ်ခုပါ )
ရီပေါက လက်ထဲက အစီရင်ခံစာကိုဖတ်ရင်း အတွင်းရေးမှူးပြောတာနားထောင်လိုက်ပြီးမှ
" ငါနေ့လည်ကြရင် ငါ့အခန်းထဲကကျောင်းသားတွေနဲ့အတူ ရှေးဟောင်းလမ်းက ရှေးဟောင်းပစ္စည်းတွေကိုလက်တွေ့ပြသသင်ကြားပြီးတာနဲ့ ကျောင်းသားတွေနဲ့အတူ နေ့လည်စာစားမှာ ဒီတော့ အဲ့ဒီစီးပွားရေးသမားကို မင်းကငါ့ကိုယ်စားသွားတွေ့ပြီး အရေးမကြီးတဲ့သဘောတူချက်တွေကမ်းလှမ်းလာရင် ငြင်းလိုက်၊ ရှယ်ယာရှင် အစည်းအဝေးကိုတော့ ငါလာခဲ့မယ်၊ ညစာစားပွဲကိုလည်းလာခဲ့မယ် မင်းသွားတော့ ငါလည်းကျောင်းသွားတော့မယ် "
YOU ARE READING
ရူးချင်ယောင်ဆောင်နေတဲ့ ကျတော့်ဖူးစာရှင်
Fanfictionရှေးဟောင်းလက်စွပ်တစ်ကွင်းကြောင့် သမိုင်းဆရာ အမောင်ဝမ်ရီပေါ တစ်ယောက် ရှေးခေတ်ရောက်သွားချိန် သိချင်ရင် ဝင်ဖတ်လိုက်နော်😊😊 ေ႐ွးေဟာင္းလက္စြပ္တစ္ကြင္းေၾကာင့္ သမိုင္းဆရာ အေမာင္ဝမ္ရီေပါ တစ္ေယာက္ ေ႐ွးေခတ္ေရာက္သြားခ်ိန္ သိခ်င္ရင္ ဝင္ဖတ္လိုက္ေနာ္😊😊
