ရောင်စုံခြယ် ပန်းချီကား🎋🎋
အပိုင်း(၆)
ဆေးရောင်အတွင်းဘက်အဆုံးထိလျှောက်ရှာပါသော်လည်း ကြွယ့်ကို အရိပ်အယောင်ပင်မတွေ့ရပါ။
ဆေးရောင့်ရင်ထဲ၌ စိုးရိမ်စိတ်ကြောင့် အသံကုန်အော်ကာခေါ်နေမိ
ပါသည်။
"ကြွယ် ကြွယ် ရေ ”
ဆေးရောင် နံရံဘက်ကိုမျက်နှာမူထားသည့်အချိန်တွင် နောက်မှ တစ်စုံတစ်ယောက်ရောက်လာခဲ့သည် ။
အရိပ်တစ်ခုက ဆေးရောင်ကိုယ်ပေါ်သို့ တစ်ဖြည်းဖြည်းအုပ်မိုး
ဝါးမျိုတော့မည့်ဟန်ဖြင့် နံရံတွင်ထင်ဟပ်လာပါသည်။
ဆေးရောင်လည်း အမြန်နောက်လှည့်လိုက်ချိန်တွင်ဖြင့်....
"ဝါး...ဟားဟား”
"ဟင် ကြွယ်...”
ကြွယ်က လက်ချောင်းများကို ဖြဲကာ လက်နှစ်ဖက်ကိုမြှောက်ထားပြီး ဆေးရောင်လှည့်လာသည့်နှင့်တစ်ပြိုင်နက် အသံနှင့်အတူခြောက်လှန့်လေသည်။
ဆေးရောင်၏ထိတ်လန့်နေသောအမူအရာကြောင့် ကြွယ်က
"ဟဟ နင့်ကလည်း လန့်တတ်လိုက်တာလွန်ရော ဟားဟား ဖြစ်သွားတဲ့ရုပ်ကြီးကိုက ရယ်ချင်စရာကြီး”
ဟူ၍ ဝါးလုံးကွဲအော်ရယ်နေပြန်ပါသည်။ထို့နောက်မျက်နှာကိုပြန်တည်ကာ
"နေစမ်းပါအုံး ပုန်းတမ်းဆော့နေပါတယ်ဆို ဘာလို့အသံပြဲကြီးနဲ့ အော်ခေါ်နေတာလဲ နင်ရအောင်လိုက်ရှာရမှာမဟုတ်ဘူးလား”
ကြွယ်က ခါးလေးထောက်ကာ ဆရာမကြီးအိုက်တင်ဖြင့် ဆေးရောင်ကို ဆူလိုက်ပြန်သည်။
"ငါမရှာတာမဟုတ်ပါဘူးဟာ
အကိုတိမ်စိုင်က သူ့အဖေလာခေါ်လို့ပြန်သွားပြီဟ
အဲ့ဒါ နင့်ကိုလိုက်ရှာပြီး ပြန်ခေါ်လာဖို့ပြောလို့ပါ”
မြေအောက်၌ ရှိနေကြသည်ဖြစ်၍ မီးစက်သံများကဆူညံနေသည့်အတွက်
ကြွယ်ရော ဆေးရောင်ရော စကားကိုအော်ပြောနေကြရသည်။
"ဟွန့် ကိုကိုကလည်း ဘာလို့ပြန်သွားတာလဲမသိဘူး ဒီမှာဆော့တောင်မဆော့ရသေးဘူး”
နှုတ်ခမ်းလေးထော်ကာ ခြေဆောင့်၍ကြွယ်စိတ်ကောက်နေသည်။
"ငါနင့်ကိုရှာနေတာကြာပြီ ကြွယ်
နင်ဘယ်ရောက်နေတာလဲ”
"အော်
ဟုတ်သားပဲ ဆေးရောင်
ငါနင့်ကိုပြစရာတစ်ခုရှိတယ်”
VOCÊ ESTÁ LENDO
ရောင်စုံခြယ်ပန်းချီကား ( Season 1 Complete)
Romance🎋ရောင်စုံခြယ် ပန်းချီကား 🎋 Intro စာရွက်ဖြူလွှာလွှာလေးပေါ်မှာ စုတ်တံလေးနဲ့ အပြာရောင်ခြယ်ရင် အဖြူပိတ်သားကပြာမှာပဲ အနီရောင်ဆိုးလိုက်ရင်လည်း နီမှာပဲ ဖြူလွှလွှပိတ်သားကြီးကို အရောင်တွေတစ်မျိုးပြီးတစ်မျိုး ချယ်ပြီးတဲ့နောက်မှာတော့ ရေးဆွဲသူရဲ့ပုံဖော်လိုတ...
