Uni
Close My Eyes (or) အဆိပ်ရှိအချစ်
(Ep.3)
မိဖုရားကြီးဆီက ခွင့်ပြုချက်ရတာနဲ့ အဆောင်ကိုတန်းပြန်လာပြီး ကျမ်းယွီတို့ကို ချိုးရေစပ်ခိုင်းလိုက်တယ်။ မင်းသားဆီကနှာခေါင်းရှုံ့တာ ခံရပြီးတည်းက ကိုယ်ပေါ်ကလိမ်းဆေးအနံ့တွေကို ခွာချချင်နေပြီ။
"မင်းသား ချိုးရေစပ်ပြီးပါပြီ ''
"အင်း...သွားတော့''
မယ်တော်ဆီကပြန်လာတဲ့ လမ်းတစ်လျောက် အတွေးတွေနက်နဲလို့။ စာကြည့်ဆောင် နှင့်ပဝမ်မင်းသားအဆောင်သွားမယ့်လမ်းအရောက်... လမ်းဆုံလမ်းခွမှာ ခြေစုံရပ်လို့တွေဝေနေမိတယ်။နားထဲသမားတော်ကြီးနဲ့ မယ်တော်ပြောတဲ့စကားတွေကို ပြန်ကြားယောင်မိတော့ တစ်စုံတစ်ခုကို အားနာသလိုလို။
" လူတွေတင်ကမ တိရစ္ဆာန်တွေ သစ်ပင်ပန်းမန်တွေလဲ ဂီတသံကို ခံစားတတ်ပါတယ် ''
"မဖြစ်နိုင်တာ''
"အမှန်ပါအိမ်ရှေ့စံ မယုံရင်ရှန်ရှန်းဥယျာဥ်နဲ့ တခြားဥယျာဥ်ကိုယှဥ်ကြည့်ရင် သိနိုင်ပါတယ် ရှန်ရှန်းဥယျာဥ်က ပဝမ်မင်းသားရဲ့ဗျတ်စောင်းသံကြောင့် ဆယ့်နှစ်လရာသီလုံး အသီးသီးအပွင့်ပွင့်ပါတယ်...တခြားဥယျာဥ်တွေထက် အသီးပိုကြီး ရနံ့ပိုမွှေးပျံ့ပါတယ် ဒါဟာသာယာတဲ့ဗျတ်စောင်းသံကြောင့်ပါ..မယုံရင်. အပင်နှစိပင်ကို ယှဥ်ပြီးအတူတူပြုစုပျိုးထောင်ပေးမယ်ဆိုရင်တောင် ဂီတသံရတဲ့အပင်ဟာ ပိုပြီးကျန်းမာသန်စွမ်းတာကို တွေ့ရမှာပါ''
" သားတော်ကြားပြီလား ရှန်ရှန်းအတွက်
ဝမ်လေးဘယ်လောက်တောင်ပင်ပန်းထားလဲ သားတော်သိပြီလား.အမတ်ကြီးအိမ်မှာ ဥယျာဉ်မရှိလို့ လီမုံလုံဒီလိုလုပ်တယ်လို့တော့မပြောနဲ့နော် ဒီလောက်ဆိုသားတော်သဘောပေါက်ရောပေါ့ ဝမ်လေးကိုတောင်းပန်လိုက်ဦးနော် ကဲ သွားသွား''
အတွေးထဲက မယ်မယ့်စကားဆုံး သူ့ခြေထောက်တွေက မင်းသားဝမ်အဆောင်ရှေ့ခြေစုံရပ်နေပြီ။လက်ထဲမှာကိုင်ထားတဲ့ မယ်တော်ပေးလိုက်တဲ့ ဆေးပုလင်းလေးကိုတစ်ချက်ကြညိ့ပြီး အဆောင်တော်ထဲ ဝင်လာခဲ့လိုက်တယ်။
YOU ARE READING
Close My Eyes (or) အဆိပ်ရှိအချစ်
Fanfictionအရှင့်သား သွားခွင့်ပေးပါတော့ ကျွန်တော်မျိုးအရမ်းပင်ပန်းနေပြီမို့ မျက်လုံးတွေမှိတ်ခွင့်ပေးပါတော့။
