Uni
Close My Eyes (or) အဆိပ်ရှိအချစ်
Ep.23
ခြေဖျားခတ်လိုက်တိုင်း လမ်းလျှောက်လိုက်တိုင်း ဂါဝန်စကတဖျတ်ဖျတ်လူးလွန့်ကျန်ခဲ့တယ်။လမ်းလျှောက်တာက အတော်လေးကို မူမမှန်ပေ။တခုခုကို စိုးရိမ်ကြောင့်ကျနေဟန်။
"မဟုတ်သေးဘူး တခုခုတော့လွဲနေပြီ''
နန်းသခင်မကြီး ဟွားကျူးလျန် စိတ်မတည်ငြိမ်စွာ အခန်းထဲ ခေါက်တုံ့ခေါက်ပြန်လမ်းလျှောက်နေတာကို မြင်နေရတဲ့ ဝမ်ချင်လည်းစိတ်မသက်သာ။ဘာကြောင့်မှန်းမသိသလို သူလည်းကူညီမပေးတတ်။
"သခင်မ ဘာဖြစ်လို့ပါလဲ ''
"တခုခုတော့ လွဲနေပြီ မင်းသားဝမ်အသက်အန္တာရာယ်ကင်းသွားပြီပဲဟာ အသက်ဓာတ်ပုလဲလုံးက ပြန်မဆက်တော့ရင်တောင် အမြုတေလေးအဖြစ်စုစည်းသွားရမှာ ခုကပြန်မဆက်ဘူး ပြန့်ကျဲနေတုန်း''
"ဒါ ဘာအဓိပ္ပါယ်လဲဟင် အသက်အန္တာရာယ်က မလွတ်သေးဘူးဆိုတဲ့ သဘောလား
ဟို....ဟိုဟာများလား''
"တိတ်စမ်း....ထင်ရာလျောက်မပြောရဘူး''
ဝမ်ချင်ကို ငေါက်ငမ်းလိုက်ပေမယ့် သခင်မကြီးစိတ်ထဲလည်း တကယ်ကိုစိုးရိမ်ကြောင့်ကြနေတာပင်။
"နန်းတွင်းထဲ ထပ်ဝင်မယ် ''
..................
သူရောက်နေတာ လူ့ပြည်မှ ဟုတ်ရဲ့လား။
သူ့ရှေ့မှာရှိနေတာ ဖန်ဆင်းရှင်ရဲ့ ပန်းချီကား တစ်ချပ်အလား။သေချာအနုစိတ် ပုံဖော်ထားတဲ့ လက်ရာမြောက်မှတ်တမ်းလေး တစ်ခုလို။ဒီလူသားလေးကို ပုံဖော်နေတုန်းက ချစ်ခြင်းမေတ္တာတွေ အပြည့်နဲ့ ဆုတောင်းတွေပါ ထည့်ပေးလိုက်လေသလား။မျက်နှာမြင်ချစ်ခင်ပါစေဆုလေး။
နေမထိလေမထိ အသားလေးက ဖြူဖွေးနူးညံ့လို့ ထိလိုက်ရင်ပဲ့ကြွေသွားလေမလား။မျက်ခုံးထူထူနက်နက်လေးအောက် ကော့ညွှတ်တဲ့ ခပ်စိတ်စိတ်မျက်တောင်ဖျားများက ပြာလဲ့လဲ့မျက်ဝန်းတွေကို ခနတာသိမ်းဆည်းထားတယ်။
မျက်နှာဖုံးအောက်မှာ အမြဲမြုပ်နေခဲ့တဲ့နှာတန်လေးက ဖြောင့်စင်းလုံးဝန်းလျက်။မခွာတန်းနမ်းချင်နေခဲ့တဲ့ နှစ်လိုဖွယ်နှုတ်ခမ်းပါးလေးက ခုမှပိုပြီးနူးညံ့လှပနေသယောင်။ကျက်သရေအပေါင်းခညောင်းနေတဲ့ ဒီမျက်နှာတော်က ဝါဂွမ်းလေးထက်နူးညံ့တယ်၊ ပန်းပွင့်လေးထက်လှပတယ်၊ ဆီးနှင်းလေးထက်ဖြူဖွေးတယ် ။လောကမှာရှိတဲ့ အကောင်းဆုံး၊နူးညံ့ဆုံး၊လှပဆုံးတွေစုလို့ ဒီလူသားလေးမှာဖြစ်တည်နေတယ်။ ဆိုတော့ကာ လူသားမှဟုတ်ရဲလားလို့ အမေးပုဒ်စာထုတ်ရမလို။
VOUS LISEZ
Close My Eyes (or) အဆိပ်ရှိအချစ်
Fanfictionအရှင့်သား သွားခွင့်ပေးပါတော့ ကျွန်တော်မျိုးအရမ်းပင်ပန်းနေပြီမို့ မျက်လုံးတွေမှိတ်ခွင့်ပေးပါတော့။
