အဆိပ်/လီဝေယန်း

၅၇။ အရေးနိမ့်သွားသော အကောက်ကြံမှု

[၁]. 公中: ရှေးယခင်က မိသားစုခွဲများစွာ အတူနေထိုင်သောနေရာတွင် အဓိက အိမ်တော်ခွဲမှာ ထိန်းသိမ်း စီမံသော ပိုက်ဆံ ထားရာ ကျီဖြစ်ပြီး ကျန် မိသားစု ခွဲ များကို ဖြန့်ဝေပေးသည်။

[၂]. (ယင်းလိုင် ဆုန့်ဝမ်) 迎来送往: yíng lái sòng wǎng - "အဟောင်းထွက် အသစ်ပြန်ထည့်"

[၃]. 凤子龙孙: fèng zǐ lóng sūn (ဖုန့်ဇီလုံစွင်း)- ဇာမဏီသား နဂါးမြေး။ မင်းမျိုးမင်းနွယ်။
____

၅၇။ အရေးနိမ့်သွားသော အကောက်ကြံမှု (Nc, Tr)

လီချန်းလဲ့၏ အေးတိအေးစက် မျက်ဝန်းများက သူမကို စိုက်ကြည့်နေ့သည်။ "ငါ နင့်ကို ဒီအတိုင်း မလွှတ်ပေးလိုက်နိုင်ဘူး"

လီဝေယန်းကမူ တည်တည်ငြိမ်ငြိမ်နှင့် ဣန္ဒြေမပျက် ရှိနေသည်။ "တာ့ကျဲ... လေလေးနည်းနည်းတိုက်တာနဲ့၊ ခံနိုင်ရည် မရှိတော့ဘူးလား၊ ပျော့ညံ့လွန်းပြီး အစွမ်းအစမရှိဘူး၊ နောက်ဆိုရင် ကိုယ့်ကိုယ်ကိုယ် သတိထားနေနော်... ဖခင်နဲ့ မိခင်တို့ တာ့ကျဲအတွက် ပူပင်ရအောင် မလုပ်နဲ့"

ထိုသို့ ပြောပြီးသည်နှင့် လီဝေယန်းသည် ပိုင်ကျစ်နှင့်အတူ ဝင့်ကြွားစွာ ထွက်သွားတော့လေသည်။

ဘုရင်မင်းမြတ် ချီးမြှင့်လိုက်သော လက်ဆောင်စာရင်းမှာ ရှည်လျားများပြားနေသည်။ တာ့ဖူးရန်၏ လက်တို့က ထိုစာရင်းကို တင်းတင်းကြပ်ကြပ် မလွှတ်တမ်း ကိုင်ထားမိတော့သည်။

"လောင်ယဲ... ဒါက သိပ်များလွန်းမနေဘူးလား"
ပေလွှာက ရှည်လျားလှသော လက်ဆောင် စာရင်းကို ကြည့်ပြီး တာ့ဖူးရန် အံ့သြနေသည်။

"ဒါက ပိရှက ဝေယန်းကို ချီးမြှင့်တဲ့ လက်ဆောင်တွေပဲ..." တာ့ဖူးရန် အဘယ်ကြောင့် ဤသို့ စကားစသည်ကို လီရှောင်းရန် သိသည်။ အကြောင်းမှာ ယခု ဆုတော်လာဘ်တော်တွင် ပါဝင်သော ကျောက်မျက်ရတနာ၊ ရွှေငွေများက တာ့ဖူးရန် အိမ်ထောင်ပြုစဉ် ယူလာနိုင်ခဲ့သော
ခန်းဝင်ပစ္စည်းတန်ဖိုးထင်ပင် သာ၍ များပြားနေသောကြောင့်ပင်။

"လောင်ယဲ... ပိရှက ဒါတွေကို လီအိမ်တော်ကို ချီးမြှင့်တာပဲ" တာ့ဖူးရန်က စာရင်းကို ကြည့်ရင်း စကားတစ်လုံးချင်းစီကို ပီပီသသ ထုတ် ပြောလိုက်တော့သည်။ လီဝေယန်းတစ်ယောက် ကောင်းစားသွားမည်ကို ကို သူမ ဒီတိုင်း ကြည့်မနေနိုင်။