Qur'on Birlashtirgan Qalblar ✍Fahriya_Yaqub

37

***
Tõy kuni ham keldi. Erta tong subhdan quyosh gõzal kõtarilgan, Sakiyna joynamozi ustida tasbeh aytib õtirardi. Ota-onasining uyidan ketishini õylab, kõzlariga yosh olar, ular yonida turgan bõlishsa ham ketmay turib gõyo ulardan yiroqlashgandek yiĝlab yuborar edi. Axir qaysi qiz ota uyidan õzga xonadonga ketayotganidan quvonsin. Otasining yonida õtirar, otasi unga chiroyli nasihatlar qilar va:
—Sen ham katta qiz bõlib qolibsan, sezmapman-a deb qõyardi. Sakiyna avvaliga kulib, keyin yiĝlab yuborardi. Tõy uchun uylarini bezatishgan shom namozidan sõng tõy boshlanardi. Mehmonlar kelib qutlashar, «bu kuyov sizlarning oilangizga berilgan inoyat» deyishardi. Sakiyna õz xonasida dugonalari bilan kiyinib yasanar, tõyiga taraddud kõrardi. Shom namozi ham kirgan, uylari tõy tashvishlarining shirin ĝala-ĝavuri bilan tõlgandi, mehmonlar, qarindoshlar, kelinning dugonalari tõyxonaga ketishga shoshilardi. Kuyov tarafdan kelinni olib ketgani bir qancha ayollar kelishgan, va Sakiyna oppoq libosda yana ham gõzallashib  ketgan, yuziga ham õta nafis pardoz qildirgan, kõrgan odam unga qarab tõyolmasdi. Ota qizini kõrib kõzlariga quvonch yoshi quyila boshladi. Bir ota uchun qizini gõzal tarbiyalab, vaqti kelganda egasiga topshirish qanday ajoyib tuyĝu. Qiz ham otasini yuzini yerga qaratmay itoatda bõlib, sabr va shukr qilganligi uchun nafaqat õzi balki otasi ham mukofotlangan edi. Ota va qizning xayrlashuv lahzalari kõngillarni tuyĝulantirib yuborgan edi.  Otasi Sakiynaning yuzini ochib peshonasidan õpib, qõlini duoga ochib , qiziga oq fotiha berdi:« Alloh õzingga hamdu sanolar bõlsin, Rasululloh s.a.v.ga salovat-u durudlar bõlsin, Allohim shu ikki yoshning nikohini xayru barakaga tõldirgin. Hazrati Muhammad va Hazrati Xadiyja onamizning nikonlaridek mustahkam qilgin. Õz rizoligingga musharrafu- muyassar qilgin. Keyingi yili shu uylarni bolalar tovushi bilan tõldirgin, Amiyn. Hamma bu duolarga «amiyn» deya qõshildilar. Kelinni olib ketisharkan ortilaridan Bilol opasini tõxtatib mahkam quchoqlab yiĝlab yubordi. Sakiynaning qora kõzlaridan marjon yoshlar oqar Bilolni mahkam quchoqlab xayrlashdi. Bu tõy Usmon va Sakiyna uchun sabr bilan kutilgan bayram,  Usmonga oshiq bõlgan qizlar uchun  motam marosimi bõlgan edi.
***
Tõy õtgandan sõng ilk kechalarida bir-birlari bilan suhbatlashar, sahobiylarning hayotlari haqida soatlab gaplashardilar. Usmon Sakiynaga Mus'ab ibn Umayr, Ubay ibni Ka'b va Abdulloh ibn Mas'udning  hayot yõllarini sõzlar, Qur'on ahli Allohga eng mahbub ahl ekanini aytar, Sakiyna butun vujudi bilan tinglar edi.