Forget Me Not [ Completed ]

04 : If I had a choice

[Unicode]

ရွေးချယ်မှုတိုင်းမှာ စွန့်လွှတ်မှုဆိုတာလည်း ရှိတယ်။ ရွေးချယ်လိုက်သည့် အရာက တန်ဖိုးကြီးလေ၊ စွန့်လွှတ်ရမည့် အရာကလည်း အဖိုးတန်လေပဲ။

အကယ်၍ ထပ်တူညီသည့် ရွေးချယ်မှုမျိုး အနာဂတ်မှာ ကြုံလာရဦးမည်ဆိုပါလျှင်

အကယ်၍ အတိတ်ကိုပြန်ရောက်ခဲ့ပြီး ဒီ ရွေးချယ်မှုကိုပဲ တစ်ဖန်ပြန်လုပ်ရဦးမည်ဆိုပါလျှင်

နောင်တဆိုတာ ရှိလာခဲ့လည်း ကျွန်တော့်ရဲ့ရွေးချယ်မှုဟာ အစ်ကိုပဲ ဖြစ်နေဦးမှာပါ ။

Forget Me Not

တစ်စုံတစ်ယောက်ရဲ့ အပြုံးက ကျွန်တော့်အတွက် ဒီလောက်အထိအရေးပါမည်မှန်းမသိရခဲ့ပါ။ ခပ်ရေးရေးပြုံးပြနေသည့် အစ်ကိုထယ်ဟျောင်းဟာ ကျွန်တော့်မျက်လုံးထဲ သိပ်ကြည့်ကောင်းတယ်။ အဲ့ဒီ့နေ့ကလည်း ကျွန်တော့်ကို ဒီလိုမျိုး ပြုံးပြနေခဲ့တာပဲ။ ချက်ချင်း မမှတ်မိခဲ့သည့် ကိုယ့်ကိုကိုယ်ပဲ အပြစ်တင်မိသည်။ ဒီလိုအပြုံးမျိုးကိုလည်း နောက်တစ်ကြိမ် ဘယ်တော့မှ မမေ့ပစ်ပါဘူးဟု တစ်ယောက်တည်း ကတိပေးမိပါရဲ့။

" မင်း ခွင့်မပြုလည်း ငါက မင်းအိမ်မှာနေဖို့ ဆုံးဖြတ်ထားပြီးသား "

ခပ်ပြုံးပြုံးဖြစ်နေရာမှ ဂျောင်ဂုရဲ့မျက်နှာလေးက အနည်းငယ်ဆူပုတ်ပုတ် ဖြစ်သွား‌တော့တယ်။ စေတနာထားလို့ကို မရတဲ့ ဝိညာဉ်။ ပြောလိုက်ရင် ရိုက်ပေါက်တွေကြီးပဲ။ လူ့ဘဝမှာလည်း လူမုန်းများခဲ့လောက်တယ်။

"အလကား ဝိညာဉ်ဂွစာကြီး! "

" ဘာရယ် "

စိတ်ထဲတွင် ပြောနေသည့်စကားလုံးတွေဟာ ပါးစပ်ကပါ ထွက်ကျလာသည့်အခါ ဂျောင်ဂုက ပါးစပ်ကို လက်ကလေးနဲ့ အုပ်လိုက်ပြီး

" ဘာလဲ! ဘာပြောလို့လဲ? ဝါးး ကြယ်တွေတော်တော်လှတာပဲ "

ဘာလဲ ဆိုတာကို ခပ်မြန်မြန်လေး ၊ ဘာပြောလို့လဲ ဆိုတာကိုတော့ မျက်လုံးလေးပြူးကာ ပြောပြီးမှ ကောင်ကင်ကြီးကိုမော့ကြည့်ပြီး အရှက်ပြေပြောလာလေတယ်။