Unicode ❄️❄️❄️❄️❄️❄️❄️❄️❄️❄️
ခါတိုင်းနေ့တွေကလို Lisa လာနေကျ ခုံလေးဆီ ရောက်လာသည်။ မျက်စိရှေ့က ပုံရိပ်လေးကြောင့် အပင်အောက်မရောက်ခင် ရပ်နေတဲ့ ဒီနေရာကပဲ လှည့်ပြန်ရမလား၊ ခြေလှမ်းတွေကိုပဲ ရှေ့ဆက်တိုးရမလား တစ်ယောက်တည်း အတွေးများရပြန်သည်။ စာကြည့်တိုက်ထဲမှာတွေ့ခဲ့ရတဲ့ အမျိုးသမီးက ခုံလေးပေါ်မှာ တစ်ယောက်တည်း ဒူးလေးထောင်ကာငိုနေသည်။ လှည့်ပြန်သွားလိုက်ဖို့ ဦးနှောက်က စဉ်းစားမိပေမယ့် ခြေလှမ်းတွေက သတိမထားမိပဲ အမျိုးသမီးထံ ဦးတည်နေမိလျက်သား။ ခုံတန်းလေးဘေးမှာ ခြေလှမ်းတွေကို အဆုံးသတ်လိုက်ကာ အမျိုးသမီးကို မကြည့်ပါပဲ အိတ်ကပ်ထဲက ပုဝါလေးကို ထုတ်ပေးလိုက်သည်။
" ဒီမှာ .... "
ငိုနေတဲ့ အမျိုးသမီးက မျက်ရည်တွေနဲ့ မော့ကြည့်လာကာ Lisa ကမ်းပေးသည့် ပုဝါလေးကို ယူလိုက်သည်။ ဒူးလေးနှစ်ဖက်ကို အောက်ချကာ ပုဝါကို လက်ခံယူလိုက်သည့် အမျိုးသမီးရဲ့ မျက်ဝန်းတွေဟာ နီမြန်းလို့နေသည်။
" ကျေးဇူးတင်ပါတယ် .... "
Lisa မပြန်မိသေးပဲ ပုဝါလေးဖြင့် မျက်ရည်တွေသုတ်နေသည့် အမျိုးသမီးကို စိတ်လိုလက်ရငေးကြည့်နေမိသည်။ စိတ်ထဲမယ် အမည်မသိတဲ့ ခံစားချက်လေးတစ်ခုက ဝင်ရောက်လာသည်။ ဒီအမျိုးသမီးရဲ့ မျက်ရည်တွေကို ကြည့်ရင်း ဝမ်းနည်းနေမိတယ်လို့ ဆိုရမလား။
" ခဏနေရင်တို့ပြန်မှာပါ ... မင်းထိုင်နေကျ နေရာကို မယူပါဘူး "
ဒီနေရာမှာလာထိုင်နေကျမှန်း ကိုယ်တိုင်ကလွဲရင် တခြားသူမသိခဲ့ဘူးလို့ Lisa ထင်ခဲ့ပေမယ့် ဒီအမျိုးသမီးက သိနေတာကြောင့် Lisa အံ့ဩသွားရသည်။ ဘာလုပ်ရမှန်းမသိတဲ့ Lisa က အလိုက်မသိစွာဖြင့် ထိုအမျိုးသမီးရဲ့ လွတ်နေတဲ့ ဘေးနေရာလေးမှာ ဝင်ထိုင်လိုက်သည်။ ထို့နောက် ပုံမှန်နေ့တွေကလို နားကြပ်တပ်ကာ သီချင်းနားထောင်နေလိုက်သည်။ ခဏနေဆို ဒီအမျိုးသမီးလည်း ပြန်တော့မှာပဲလေ ...
သီချင်းသံကို ခါတိုင်းထက်ပိုတိုးပြီး နားထောင်ကာ ထိုအမျိုးသမီးရဲ့ ရှိုက်သံလေးတွေကို နားစွင့်နေမိသည်။ သီချင်းတစ်ပုဒ်တောင်မဆုံးသေးခင်အချိန်လေးအတွင်းမှာပဲ Jennieရဲ့ လက်တွေဟာ Lisa လည်ပင်းကိုသိုင်းဖက်လိုက်ကာ ပခုံးတစ်ဖက်ပေါ် မျက်နှာလေးအပ်လို့ ရှိုက်ကာငိုလာသည်။ Jennieရဲ့ မျက်ရည်စက်တွေဟာလည်း Lisa ပခုံးပေါ်ကို တဖြည်းဖြည်းချင်း စိုစွတ်နေသည်။
YOU ARE READING
Voice In My Ears
Romansa" Jane ကို ကိုယ်သိပ်ချစ်တာကြောင့် ဘယ်လောက်ဝေးဝေး Jane အနားကိုပြန်လာမှာ ကိုယ့်ကိုယုံပေးနော် " " Jane တစ်ခုမှတ်ထားပေး ဒီလောကကြီးမှာကိုယ်တို့နှစ်ယောက်ကို ခွဲခွာအောင်လုပ်နိုင်တဲ့အရာဆိုတာ မရှိဘူး ရှိလာခဲ့ရင်လည်း အချိန်အတိုင်းအတာတစ်ခုအထိပဲ ... ဘယ်တော့မှ အ...
