Unicode ❄️❄️❄️❄️❄️❄️❄️❄️❄️❄️
" မင်းကိုး ဘာကိစ္စရှိလို့လဲ "
" Jane ရှိလားအစ်ကို ... Jane ကိုလာခေါ်တာပါ "
" NiNi ရေ Lisa ရောက်နေတယ် ... ခဏစောင့်ဦး "
" ဟုတ်ကဲ့ပါအစ်ကို "
မနေ့ကရော ဒီနေ့ရော နှင်းတွေက ထူထဲစွာကျဆင်းလို့နေသည်။ အိမ်ခေါင်မိုး အပင်တွေနဲ့ လမ်းမပေါ်မှာ အဖြူရောင်နှင်းတွေက အစုလိုက်ရှိနေသည်။ နှင်းတွေကျတဲ့အခါ အတူတူ နှင်းတွေကြားမှာ ကစားကြမယ်ဆိုပြီး ကတိပြုထားခဲ့တာကြောင့် ဒီနေ့အတူအချိန်ဖြုန်းဖို့ Jane ရဲ့ အိမ်ကို မနက်စောစောကတည်းက ရောက်လာခြင်းဖြစ်သည်။
" နေပါဦး မင်းကို ဘယ်သူက အစ်ကိုခေါ်ခိုင်းလို့ အစ်ကိုလို့ခေါ်တာလဲ "
" ခေါ်လို့မရဘူးလား .... မရရင်လည်း မခေါ်တော့ဘူးလေ။ Joong Inn shi "
တအားခေါ်ချင်နေတာ မဟုတ်တဲ့အတွက် Joong Inn shi လို့သာပြောင်းခေါ်လိုက်သည်။ အစ်ကိုလို့ခေါ်တာထက်တော့ ပိုပြီးအဆင်ပြေတယ်မလား ...
" ဒါနဲ့ NiNi လေးကိုခေါ်ပြီး ဘယ်သွားမလို့လဲ "
" ဒီနေ့နှင်းကျတယ်လေ ... အရင်တုန်းက ကတိပေးထားတယ် နှင်းကျတဲ့အခါ ရပ်ကွက်နားကပန်းခြံလေးကို သွားကြမယ်လို့လေ အဲဒါလာခေါ်တာ "
ဧည့်ခန်းထဲမှာ စောင့်ရင်း အစစ်အဆေးခံနေရသည်ကို Lisa တည်ငြိမ်စွာပဲဖြေလိုက်သည်။ Joong Inn ကခေါင်းသာညိတ်၍ငြိမ်နေသည်။ လှေကားကနေ ကပြာကယာဆင်းလာသည့် Jennie ကဆံပင်တွေဖွာလန်ကြဲလို့ မျက်လုံးလေးတွေကလည်း မို့အစ်နေသေးသည်။ မိတ်ကပ်မပါပဲ အိပ်ရာထကာစမျက်နှာလေးကတောင် သိပ်ကို ချစ်စရာကောင်းနေတာ မလွန်လွန်းဘူးလား ...
" Ban အစောကြီး ရောက်နေတာလား "
" မစောတော့ဘူး Jane ရဲ့ နာရီလည်းကြည့်ဦး ကိုးနာရီထိုးနေပြီ "
" ဟုတ်လား ... ခဏစောင့်ပေးနော် Ban အင်္ကျီသွားလဲလိုက်ဦးမယ် "
ခေါင်းလေးညိတ်ပြလိုက်သည်နှင့် အပေါ်ထပ်ကို အပြေးတက်သွားသည့် ချစ်ရသူကို ချော်လဲလို့ တစ်ခုခုဖြစ်မှာစိုးရိမ်ရသေးသည်။
YOU ARE READING
Voice In My Ears
Romansa" Jane ကို ကိုယ်သိပ်ချစ်တာကြောင့် ဘယ်လောက်ဝေးဝေး Jane အနားကိုပြန်လာမှာ ကိုယ့်ကိုယုံပေးနော် " " Jane တစ်ခုမှတ်ထားပေး ဒီလောကကြီးမှာကိုယ်တို့နှစ်ယောက်ကို ခွဲခွာအောင်လုပ်နိုင်တဲ့အရာဆိုတာ မရှိဘူး ရှိလာခဲ့ရင်လည်း အချိန်အတိုင်းအတာတစ်ခုအထိပဲ ... ဘယ်တော့မှ အ...
