Voice In My Ears

Voice in my ears { 33 }

Unicode ❄️❄️❄️❄️❄️❄️❄️❄️❄️❄️❄️

မျက်လုံးနှစ်လုံးမပွင့်ခင်မှာတင် မြည်လာတဲ့ ဖုန်းကြောင့် မျက်လုံးတွေကို အားတင်းပြီးဖွင့်ကာ ဖုန်းကိုကြည့်လိုက်သည်။ ဖုန်းခေါ်လာသူက ချစ်ရသူဖြစ်နေတော့ နိုးနိုးချင်းမှာတင် Lisa ပြုံးမိတော့သည်။

" Hello Jane .. "

" အခုချက်ချင်း တို့တိုက်ခန်းကိုလာခဲ့ပါလား Ban ... အရမ်းအရေးကြီးလို့ "

" ဘာဖြစ်လို့လဲ Jane ... Hello ... Hello "

ပြောပြီးချက်ချင်းချသွားတဲ့ဖုန်းကြောင့် အိပ်ချင်နေတဲ့စိတ်ဟာ လွင့်ပြယ်သွားရတဲ့အပြင် စိုးရိမ်စိတ်တွေကြောင့် လူဟာကုတင်ပေါ်မှာ ထိုင်လျက်သားဖြစ်သွားသည်။ ချက်ချင်းမျက်နှာသစ်အဝတ်အစားလဲကာ Jane ရဲ့တိုက်ခန်းကိုသာ အမြန်ဆုံးသွားရတော့သည်။ စိုးရိမ်‌စိတ်ကြောင့် ကားမောင်းသည့် အရှိန်ဟာမြန်လွန်းနေသလို နားထဲမှာလည်း Robbins ရဲ့ သတိပေးသံတွေကို ပြန်ကာကြားယောင်နေသည်မို့ ပါးစပ်ကနေသာ ဘာအန္တရာယ်မှ မဖြစ်စေရဖို့ တတွတ်တွတ်ရွတ်ဆိုနေမိသည်။ တိုက်ခန်းရှေ့ရောက်လို့ တံခါးပွင့်လာသည်နှင့် တိုက်ခန်းထဲကိုဝင်ကာ Jane ကိုယ်လေးကို ပွေ့ဖက်လိုက်သည်။

" Jane အဆင်ပြေရဲ့လား ... တစ်ခုခုပြဿနာရှိလို့လား "

" တို့ကဘာမှမဖြစ်ဘူး "

Jane ပြုံးဖြီးဖြီးဖြင့် ဧည့်ခန်းကို လက်ညိုးထိုးပြလာတော့ နားမလည်စွာကြည့်လိုက်သည်။ ဧည့်ခန်းမှာ ထိုင်နေသည့် Jane ရဲ့ မိဘနှစ်ပါးဟာ ချောင်းဟန့်လို့ အနေရခက်စွာ မျက်နှာလွှဲထားသည်။

" အဟင်း .... "

" Ban ကိုခေါ်လိုက်တာ အမေ နဲ့ ‌အဖေ ကတွေ့ချင်တယ်ဆိုလို့ "

ကျောက်ရုပ်တစ်ရုပ်လို ရပ်နေမိတော့ လက်ဖဝါးတစ်ဖက်ကိုဆုပ်ကိုင်ကာ ဧည့်ခန်းဆီဦးဆောင်ခေါ်သွားရင်း မျက်ဝန်းတွေကို စိုက်ကြည့်ကာ ပြုံးပြနေသေးတဲ့ Jane ကြောင့် အနည်းငယ် စိတ်သက်သာရာ, ရသည်။

ဘယ်လိုပဲဖြစ်ဖြစ် ကိုယ့်သားသမီးတစ်ယောက်လုံးက ကိုယ်နဲ့ လိင်တူအပေါ်မှာ ချစ်ခင်စုံမက်နေမိပြီဆိုရင် အများစုသော မိဘတွေက ကန့်ကွက်ကြသည်မလား ...