Unicode ❄️❄️❄️❄️❄️❄️❄️❄️❄️❄️
" Jane မနက်ဖြန်ဘယ်အချိန်အားလဲ "
" ညပိုင်းလောက်မှအားမယ်ထင်တယ် "
" အဲဒါဆို မနက်ဖြန်ညကျရင် တွေ့နေကျ ပန်းခြံလေးကိုလာခဲ့နော် Jane ကိုလက်ဆောင်ပေးမလို့ "
မနက်ဖြန်ဆို Janeရဲ့ ပွဲဦးထွက်မယ့်ရက်မို့ Jennie စိတ်လှုပ်ရှားမှုတွေ လျော့နည်းရအောင် စကားလုံးတွေဖြင့် ကြိုးစားပေးနေသည်။ ရှေ့လျှောက် လွတ်လွတ်လပ်လပ်တွေ့ရဖို့ ခက်ခဲသွားတော့မှာပေမယ့်၊ လွမ်းရတော့မှာပေမယ့် ချစ်ရသူရဲ့ အိပ်မက်တွေ အကောင်အထည်ပေါ်လာတော့မှာကိုတွေးမိရင် ကြည်နူးရိပ်ကစိုးမိုးနေဆဲ ...
" ဟုတ်ပါပြီရှင့် ကျမလာခဲ့ပါ့မယ် "
" အိပ်တော့လေ Jane မနက်ဖြန်အတွက် အားမွေးထားနော် "
" ချော့သိပ်လေ "
" ဟုတ်ပါပြီ ချော့သိပ်ပါ့မယ် "
ညတိုင်းကြားရတဲ့ လေချွန်သံလေး အားတိုင်းလည်းနားထောင်နေတဲ့ လေချွန်သံလေးသာ ကြားခွင့်မရတော့ရင် အိပ်စက်ရမယ့် ညတွေဟာ အသက်မဲ့နေမှာ ကျိန်းသေသည်။ ဒီလေချွန်သံလေးကို စွဲလမ်းမိသည်ဆိုတာထက် ပိုလွန်းတဲ့ ဖော်ပြစရာစကားလုံးဆိုတာ မရှိတော့လောက်အောင်ထိ စွဲလမ်းမိနေတာမျိုး။ Drug တစ်မျိုးလိုပဲ။ တော်သေးတာပေါ့ ... အဲလေချွန်သံလေးတွေ အခွင့်ရှိတိုင်း နားထောင်ခွင့်ရတာ ကမ္ဘာပေါ်မှာ တစ်ယောက်တည်းရှိနေလို့ ...
Lisa အဖို့တော့ ဒီညက Jennie ထက်ပိုပြီး စိတ်လှုပ်ရှားလို့နေရသည်။ သိပ်ချစ်ရသူအတွက် စိတ်လှုပ်ရှားပေးရင်း ဒီညတာကရှည်လျားခဲ့ပြီး အိပ်ပျော်ဖို့လည်း ခက်ခဲခဲ့ရသည်။
မနက်နိုးလာကတည်းက လက်တော့တစ်လုံးရှေ့မှာချပြီး Jane ရဲ့သီချင်းထွက်လာမယ့်အချိန်ကို စောင့်နေမိသည်။ ဖန်သားပြင်ပေါ်ကနေ မြင်တွေ့ရမယ့် Jane ရဲ့ ပုံရိပ်လေးကိုတွေးကြည့်ရင်း စိတ်လှုပ်ရှားနေမိတာ ခြေမကိုင်မိလက်မကိုင်မိဖြစ်နေရသည်။ စိတ်ထဲမှာလဲ လေးလံနေလိုက်တာဆိုတာ အကြောင်းအရင်းမယ်မယ်ရရမရှိပါပဲနဲ့လေ ...
YOU ARE READING
Voice In My Ears
Romance" Jane ကို ကိုယ်သိပ်ချစ်တာကြောင့် ဘယ်လောက်ဝေးဝေး Jane အနားကိုပြန်လာမှာ ကိုယ့်ကိုယုံပေးနော် " " Jane တစ်ခုမှတ်ထားပေး ဒီလောကကြီးမှာကိုယ်တို့နှစ်ယောက်ကို ခွဲခွာအောင်လုပ်နိုင်တဲ့အရာဆိုတာ မရှိဘူး ရှိလာခဲ့ရင်လည်း အချိန်အတိုင်းအတာတစ်ခုအထိပဲ ... ဘယ်တော့မှ အ...
