ဒါလေးကို နားထောင်ရင်း ဖတ်စေချင်ပါတယ် ...
Unicode ❄️❄️❄️❄️❄️❄️❄️❄️❄️❄️
Jennie ခန္ဓာကိုယ်လေးလဲလျောင်းနေတဲ့ ကုတင်ဘေးမှာ ကျောက်ရုပ်တစ်ရုပ်လို မတ်တပ်ရပ်နေတဲ့ Lisa က ခန္ဓာကိုယ်သာရှိပြီး အသက်မရှိတော့တဲ့ ရုပ်ခန္ဓာကိုကြည့်ရင်း ကိုယ်တိုင်လည်း အသက်မဲ့နေတဲ့ လူသားတစ်ယောက်လိုမျိုး ...
အခုမှပြေးဝင်လာတဲ့ Joong Inn က မျက်ရည်တွေနဲ့အတူ Lisa အင်္ကျီကော်လံစကိုဆွဲလိုက်သည်။
" မင်းကြောင့်နဲ့သေရတာ ... ငါ့ညီမလေးက အပြစ်မရှိပဲ မင်းကြောင့်နဲ့အခုလိုသေသွားရတာ "
Joong Inn ဘက်က အင်္ကျီစကိုဆွဲရင်း ဒေါသကြီးပြောဆိုနေပေမယ့် နီရဲနေတဲ့ မျက်ဝန်းတွေက Jane မျက်နှာကိုသာ ခပ်တွေတွေစိုက်ကြည့်နေသည်။ မတော်တဆများလေ မျက်ခွံလေးပြန်ဖွင့်လာတဲ့အခါ ပထမဆုံးသိရတဲ့သူ ဖြစ်လိုက်ချင်လို့လေ။ အမြဲအတူတူနေရဖို့ကို သိပ်ကိုမျှော်လင့်နေခဲ့တဲ့ Jane က တစ်ယောက်တည်းထားခဲ့ပြီဆိုတာ ဘယ်လိုမှမယုံနိုင်ဘူး ...
" ငါ့ညီမကို ပြန်ခေါ်ပေးစမ်းပါ Lisa ... ကျေးဇူးပြုပြီးငါ့ညီမလေးကို ပြန်ခေါ်ပေးစမ်းပါ "
Joong Inn နဲ့အတူပါလာတဲ့ မိဘတွေကလည်း Jane ခန္ဓာကိုယ်လေးကို ဖက်ကာငိုကြွေးနေသည်။ ဒီဆုံးရှုံးမှုက ကိုယ့်ရဲ့ အသက်ဖြစ်သွားရင်တောင် ကျေနပ်မိဦးမှာ။ အခုတော့ ရှင်လျက်နဲ့ ဘဝကသေသွားရပြီ ...
" Jane မသေပါဘူး။ Jane က သူ့ကိုထားရစ်ခဲ့လို့ စိတ်ဆိုးပြီး ခဏလေး စနေတဲ့ သဘောပါ။ Jane အခုလိုကြီးမနေနဲ့လေကွာ ... စနေတာပါလို့ ထပြောဦးလေ "
Jane ပါးလေးတွေကို လက်ဖဝါးနှစ်ဖက်ထဲထည့်ထားရင်း အပြုံးတွေနဲ့ ပြောနေပေမယ့် မျက်ရည်တွေက Jane မျက်နှာပေါ်တစ်စက်ချင်းကြွေကျနေသည်။ မျက်ဝန်းတွေမှိတ်နေပြီး အသက်ရှုခြင်းကို ရပ်တန့်နေတဲ့ Jane ကတော့ မျက်ရည်တွေကို ငြိမ်သက်စွာပဲလက်ခံနေသည်။
YOU ARE READING
Voice In My Ears
Romance" Jane ကို ကိုယ်သိပ်ချစ်တာကြောင့် ဘယ်လောက်ဝေးဝေး Jane အနားကိုပြန်လာမှာ ကိုယ့်ကိုယုံပေးနော် " " Jane တစ်ခုမှတ်ထားပေး ဒီလောကကြီးမှာကိုယ်တို့နှစ်ယောက်ကို ခွဲခွာအောင်လုပ်နိုင်တဲ့အရာဆိုတာ မရှိဘူး ရှိလာခဲ့ရင်လည်း အချိန်အတိုင်းအတာတစ်ခုအထိပဲ ... ဘယ်တော့မှ အ...
