Unicode ❄️❄️❄️❄️❄️❄️❄️❄️❄️❄️
ဟိုတယ်အတွက်လိုအပ်တဲ့ ပရိဘောဂ ပစ္စည်းတွေဝယ်ယူရန် ပရိဘောဂ Company တစ်ခုနဲ့ ချိန်းဆိုထားတာကြောင့် စားသောက်ဆိုင်တစ်ခုတွင် စောင့်နေခဲ့ပေမယ့် အချိန်အတော်ကြာတဲ့ အထိရောက်မလာခဲ့တာကြောင့် Lisa ဒေါသထွက်နေသည်။ ဘေးတွင်အတူရှိနေသော Chaeyoung မျက်နှာဟာလည်း မသာမယာရှိနေသည်။
" ချိန်ထားတာသေချာရဲ့လား Chaeyoung "
" သေချာပါတယ်... သူတို့က ကုမ္မဏီတည်ထောင်ထားတာ မကြာသေးပေမယ့် အရမ်းအောင်မြင်နေတော့ အလုပ်များတယ်ထင်ပါရဲ့ ခဏလောက်စောင့်လိုက်ပါဦး "
Chaeyoung စကားကြောင့် မရှည်တဲ့စိတ်ကို ဆွဲဆန့်ရင်းစောင့်နေရသည်။ ဟိုတယ်အတွက်လိုအပ်တဲ့ ဒီဇိုင်းတွေဟာ သူတို့ Company မှာပဲရှိတာကြောင့်လေ ...
" စောင့်ရတာကြာသွားလား "
အသံကြားလို့ မော့ကြည့်မိတော့ ထင်မထားတဲ့သူတစ်ယောက်ဖြစ်နေတဲ့အပြင် သိပ်ကိုမုန်းတဲ့သူ ဖြစ်နေတာကြောင့် Lisa မတ်တပ်ထရပ်ကာ အံကိုကြိတ်ထားသည်။
" ပြန်တွေ့ကြပြန်ပြီနော် "
Robbins ကသာ အပြုံးဖြင့် နှုတ်ဆက်လိုက်ပေမယ့် Lisa ကတော့ မျက်နှာကိုသာလွှဲထားသည်။
" ပြန်ရအောင် Chaeyoung ငါဒီလူနဲ့ အလုပ်တွဲမလုပ်ချင်ဘူး "
" သေချာစဉ်းစားပါဦး Lisa ... "
နောက်တစ်ခေါက်ပြန်မတွေ့ချင်တော့တဲ့ နောက်တစ်ခေါက်စကားမပြောချင်တော့တဲ့ Robbins ဆိုတဲ့ လူနဲ့ မျက်နှာချင်းဆိုင်ပြီး အလုပ်ကိစ္စပြန်ပြောရလိမ့်မယ်လို့ Lisa လုံးဝထင်မထားချေ။ Chaeyoung တားသည့် အတွက်ရော ဟိုတယ်အတွက်အမှန်တကယ် လိုအပ်နေသည့် အတွက်ကြောင့်ပါ ထွက်သွားဖို့ပြင်နေသည့် ခြေလှမ်းတွေကို ရပ်ပစ်လိုက်ရသည်။ ရွံလိုက်တာ ... အခုလို ဒီလူရှေ့မှာ ရပ်နေရတာကိုက မနှစ်မြို့ချင်စရာကောင်းနေတာ ...
" ကိုယ်တို့ဘက်က LiLi တို့ မှာထားတဲ့အတိုင်း အကောင်းဆုံးပြင်ဆင်ပေးပါ့မယ် "
" ဒီကိစ္စတွေပြီးရင် နောက်မတွေ့ရဖို့မျှော်လင့်ပါတယ် Robbins "
YOU ARE READING
Voice In My Ears
Romansa" Jane ကို ကိုယ်သိပ်ချစ်တာကြောင့် ဘယ်လောက်ဝေးဝေး Jane အနားကိုပြန်လာမှာ ကိုယ့်ကိုယုံပေးနော် " " Jane တစ်ခုမှတ်ထားပေး ဒီလောကကြီးမှာကိုယ်တို့နှစ်ယောက်ကို ခွဲခွာအောင်လုပ်နိုင်တဲ့အရာဆိုတာ မရှိဘူး ရှိလာခဲ့ရင်လည်း အချိန်အတိုင်းအတာတစ်ခုအထိပဲ ... ဘယ်တော့မှ အ...
