Unicode ❄️❄️❄️❄️❄️❄️❄️❄️❄️❄️
" Ban .... လွမ်းနေတာ "
လူကိုတွေ့တွေ့ချင်းရင်ခွင်ထဲပြေးဝင်လာတဲ့ Jane သာရှိရင် နှလုံးသားက အလိုလိုနွေးထွေးရပြီသား ...
" Ban ဆီက ဝိုင်နံ့ရတယ် "
ရင်ခွင်ထဲမှာ နေရင်း ခေါင်းလေးမော့ကာ ပြောလာတော့ ဝတ်ထားတဲ့ long coat ကိုဟလိုက်ကာ လူကောင်သေးသေးလေးကို Long Coat ထဲသို့ထည့်ကာ ပွေ့ဖက်ထားလိုက်သည်။ တစ်ချိန်လုံး ခေါင်မိုးထပ်မှာ ရပ်ကြည့်နေခဲ့တဲ့ ညရှုခင်းက အခုတော့ အရေးမပါတော့သလိုမျိုးပဲ ...
" ခုနက ပွဲတစ်ခုတက်ရင်း နည်းနည်းသောက်ထားတာ "
" တို့လည်းသောက်ချင်တယ် နည်းနည်းတိုက်ပါလား "
" နည်းနည်းပဲသောက်ရမှာနော် "
" နည်းနည်းဆိုရပြီ "
အသင့်ပြင်ပေးထားတဲ့ စာပွဲဝိုင်းဘေးကခုံမှာထိုင်ရင်း Jane ရှေ့က ခွက်ထဲသို့ ဝိုင်အနည်းကို ထည့်ပေးလိုက်သည်။ ထည့်ပြီးပြီးချင်းပဲ တစ်ခွက်သောက်လိုက်တဲ့ Jane က နောက်တစ်ခွက်ထပ်သောက်ဖို့ မျက်နှာချိုသွေးနေသည်။ လက်ညိုးလေးတစ်ချောင်းထောင်ကာ ပြုံးလျက်တောင်းဆိုနေတဲ့ ပုံစံလေးကြောင့် ရယ်လျက်ပဲ နောက်တစ်ခွက်ထပ်ထည့်ပေးလိုက်သည်။
အအေးဒဏ်ကြောင့်နှာခေါင်းလုံးလုံးလေးတွေ နီရဲနေတဲ့ Jane က ခဏနေလောက်ဆို ပါးဖောင်းဖောင်းလေးပါ ရဲလာတော့မှ မြင်ယောင်ပါသေးတယ် ...
" Jane ပြင်ထားတာလှလား "
ရောက်လာကတည်းက Ban မျက်နှာပဲကြည့်နေမိတာ အခုတော့မှ အနီးအနားကို ဝေ့ဝဲကာကြည့်ရင်း ပြုံးလိုက်သည်။ ပန်းရောင်မီးလေးတွေ ထွန်းထားပြီး နေကြာပန်းတွေနဲ့ပါ အလှဆင်ထားသေးတယ် ...
" လှတယ် ... ဒါပေမယ့် Ban လောက် တို့ကို မဆွဲဆောင်နိုင်ဘူးသိလား "
Ban သဘောတကျ ရယ်လိုက်တော့ ကိုယ်တိုင်ပါလိုက်ရယ်မိသည်။ နှစ်ယောက်အတူရှိရင် ဒီလိုအသံလေးတွေနဲ့ပဲ ပြည့်နေတာ ဘယ်လောက်ထိ ကြည်နူးစရာကောင်းခြင်းမျိုးလဲ ...
" အခုထိဆွဲကြိုးလေးကိုဆွဲထားတုန်းလား "
လည်ပင်းက ဆွဲကြိုးလေးကို မေးငော့ပြကာမေးလိုက်သည်။ Jane က လည်ပင်းကဆွဲကြိုးလေးကို ငုံ့ကြည့်ကာ ပြုံးရင်းပြန်ပြောလာသည်။
YOU ARE READING
Voice In My Ears
Romance" Jane ကို ကိုယ်သိပ်ချစ်တာကြောင့် ဘယ်လောက်ဝေးဝေး Jane အနားကိုပြန်လာမှာ ကိုယ့်ကိုယုံပေးနော် " " Jane တစ်ခုမှတ်ထားပေး ဒီလောကကြီးမှာကိုယ်တို့နှစ်ယောက်ကို ခွဲခွာအောင်လုပ်နိုင်တဲ့အရာဆိုတာ မရှိဘူး ရှိလာခဲ့ရင်လည်း အချိန်အတိုင်းအတာတစ်ခုအထိပဲ ... ဘယ်တော့မှ အ...
