Unicode ❄️❄️❄️❄️❄️❄️❄️❄️❄️❄️
" Jen နင့်မျက်နှာကဘာဖြစ်နေတာ "
တစ်ချိန်လုံးစူပုပ်ကာ တစ်ယောက်တည်း စိတ်တိုစွာစကားပြောနေသည့် Jennie ကို NaEun မှ မေးလိုက်တော့ မကျေနပ်စွာ ပြန်ဖြေလာသည်။
"Ban ကိုမကျေနပ်လို့ "
" ဟိုကနင့်ဘာလုပ်လိုက်လို့ "
" မနက်ကလေ ကောင်မလေးတစ်ယောက်နဲ့ ပြုံးပြီး ကျောင်းထဲဝင်လာလို့လေ "
" အမလေးဟယ် ပြုံးတာလေနဲ့ အပြစ်ဖြစ်ရောလား "
" ပြုံးတာကတော့ အပြစ်မဟုတ်ဘူးပေါ့ ဒါပေမယ့် .... မသိဘူးဟာ မကျေနပ်တာပဲသိတယ် "
" မကျေနပ်ရင်သူ့ကို သွားမေး ဟိုမှာ အပင်အောက်မှာစာဖတ်ရင်း နင့်ကိုစောင့်နေတာထင်တယ် "
မယုံသလို ပြတင်းပေါက်ကနေ တစ်ချက်အပြင်လှမ်းကြည့်လိုက်သည်။ အပင်အောက်မှာ အရင်လို စာဖတ်ရင်း စောင့်နေသည်ကို မြင်လိုက်ရသည့်တိုင် စိတ်ထဲမယ်ရှိနေတဲ့ မကျေနပ်သည့် စိတ်လေးကြောင့် ရွဲ့ကာပြောပြန်လိုက်သည်။
" ငါ့ကိုစောင့်နေတာ ဟုတ်ချင်မှဟုတ်မှာပါ "
" သွားလိုက်ပါဟယ် ..... ပြီးတော့ တည့်မေးလိုက် အဲကောင်မလေးကဘယ်သူလဲလို့ "
" တကယ်သွားရမှာလား "
" အော် သွားပါဆို .... သွားမေးလိုက် "
NaEun စိတ်မရှည်တော့သည့်အဆုံး အတင်းတွန်းထုတ်တော့မှ သွားချင်သလို မသွားချင်သလို ခြေလှမ်းတွေဖြင့် စူပုပ်စွာသွားလိုက်သည်။ တကယ်က တမင် အိုင်တင်ခံနေတာကို သူငယ်ချင်း အရင်းကြီးဖြစ်တဲ့ NaEun အသိဆုံး ...
စိတ်ဆိုးနေတာမို့ မျက်နှာကတော့ အရင်လိုချိုသာမနေပဲ အလိုမကျမှု အပြည့်နဲ့ ခြေလှမ်းတွေက Ban ဆီဦးတည်လျက်... သူ့အနားရောက်တော့ ခါတိုင်းလိုပဲ နေရာလေးရွေ့ပေးရင်း သူကတော့စာဖတ်မပျက်ပဲ ရှိနေသည်။ မကျေနပ်စွာမျက်စောင်းထိုးလိုက်ရင်း သူ့ဘက်ကစမပြောသည့်အဆုံး ကိုယ့်ဘက်ကသာ စပြောလိုက်ရသည်။
" Ban ...... မနက်ကကျောင်းအတူတူလာတာဘယ်သူလဲ "
" ကိုယ့်အစ်မ သွေးသားမတော်စပ်ပေမယ့် ကိုယ့်အစ်မပဲပြောပါတော့ "
YOU ARE READING
Voice In My Ears
Romansa" Jane ကို ကိုယ်သိပ်ချစ်တာကြောင့် ဘယ်လောက်ဝေးဝေး Jane အနားကိုပြန်လာမှာ ကိုယ့်ကိုယုံပေးနော် " " Jane တစ်ခုမှတ်ထားပေး ဒီလောကကြီးမှာကိုယ်တို့နှစ်ယောက်ကို ခွဲခွာအောင်လုပ်နိုင်တဲ့အရာဆိုတာ မရှိဘူး ရှိလာခဲ့ရင်လည်း အချိန်အတိုင်းအတာတစ်ခုအထိပဲ ... ဘယ်တော့မှ အ...
